عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
بدخل بالموضوع على طووول
انا ملاحظه من يوم ماكنت بالمدرسه انه فيه عنصريه من بعض الطالبات السعوديات
على الطالبات الغير سعوديات (قلت بعض موب كلهم)
يعني مثلا بالفسحه مايتمشون معهم وبعض البنات الله يهديهم يحشون عليهم بالذات
يوم تجي الابله الي تطلب اقاماتهم انا ملاحظه ان اغلب البنات يضحكون عليهم وقدامهم بعد!!
بالله مو حرام نحسس البنت بالنقص لأنها من جنسيه ثانيه؟
مع ان اغلب الغير سعوديات الي كانوا بفصلي ماشاء الله عليهم قمة الادب والاخلاق وهم اشطر منا حنا يالسعوديات
ووحده منهم من بنات فصلي مابقول هي من اي دوله كل الدول العربيه على عيني وراسي طلعت البنت الاولى بالمدرسه ماشاء الله
والبنت الله يذكرها بالخير كانت مرررره حبوبه
وانا اذا مشيت مع وحده غير سعوديه يحشون علي صديقاتي..وش هالتخلف الي حنا عايشين فيه 😡
والله قال(ان اكرمكم عند الله اتقاكم)
انا كتبت هالموضوع عشان قبل يومين اتصلت وحده من زميلات اختي بالفصل
وهي غير سعوديه بعدين ويوم صكت اختي السماعه قلتلها ماشاءالله هذي صديقتك
جت اختي قالت تخسى تكون هذي صديقتي هذي اجنبيه!! بس انا عطيتها رقمي علشان اذا غبت آخذ منها الواجبات
تخيلوا عنصريه حتى عند المبزره!!
اختي بصف سادس..!
طيب عندي سؤال ليييش العنصريه من الصغر وليش نسميهم اجنبيات؟؟ هم عربيات ومسلمات
الى متى ما نحترم الناس مهما كانت جنسياتهم؟
وبعدين تراهم ضيوف عندنا ولازم نكرم الضيف
ولا انا غلطانه؟
وهل انتوا ملاحضين مثلي هذا الشي يوم كنتوا بالمدرسه؟ جاوبوا بصراحه 
ابي تعليقكم على هالموضوع
انتظركم لاتتأخرون
