عالم البنات النسائي كل ما يخص المرأة العربية من ازياء وجمال والحياة الزوجية والمطبخ
عن عبد اله بن عمرو ، قال : قال رسول الله صلي الله عليه وسلم : ” لعنه الله علي الراشي والمرتشي “.
هل بعد هذا الحديث فتوى او كلام ينفي ماقاله الرسول عليه الصلاة والسلام
انتشرت الرشوة بالذات في الناس اللي حولي بشكل فظيع
انا دفعت لفلان عشان ولدي ينجح او عشان بنتي تتوظف
ليييييييييه الظلم هذا ليييييييييه الفساد هذا متى نتوب متى نعرف اللي لنا واللي علينا متى نعرف حقوق الله وحقوق الناس
يارب اللهم اني بلغت اللهم فاشهد
بسرد لكم قصتي في هالموضوع
قبل يومين طلبت اخت زوجي من زوجي مبلغ 70 الف ريال عشان تتوظف في شركة كبيرة معروفة وزوجي من النوع المهتم بصلاته ومايحب يظلم الناس لكن موقفه من هذا الموضوع فجعني وربي خفت على نفسي وعيالي اذا ابوهم كذا
بررت اخته بكلام الشيخ العريفي اللي انا متأكده انها مافهمت وش قصده لمن حلل الرشوة وهل فعلا حلل الشيخ العريفي الرشوة ؟؟؟؟؟؟؟
ماأعتقد وزوجي وافق على طوووووووول وارسل لها المبلغ ولو تعرفون حالتي مع زوجي والله مايعلم بها الا رب العالمين
كلمت زوجي ووضحت له ان هذا حرام قال انا مادفعت لها شي هذه فلوسها وانا اعرف انها ماعندها ولا ريال هي قالت لي من قبل من وين طلعت السبعين الف ريال والا نزلت من السماء لا اله الا الله
وانا اعرف ان زوجي يحوش فلوسه ومقصر علينا باشياء كثيرة عشان نأثث بيتنا اللي تقريبا خالي من الأثاث والحين يعطيها اخته وعشان شي حراااااااااااااااام لا والله ماارضى لو انها محتاجتها في شي ضروري لاسمح الله بكون اول وحدة اكلم زوجي يعطيها لكن احنا نقصر على نفوسنا ويعيشوا الناس على حسابنا وين صارت
يابنات انصحوني وعوني كلامي هذا اللي انا قلته صح والا العالم اللي حولي هم اللي صح
من كثر ماشفت سرت اشوفهم صح وانا غلط
حتى في الحلال والحرام يحللوا بكيفهم
اتمنى كل وحدة ترد وتعطيني وجهة نظرها وتشاركني همي في زوجي الي يعاون في الحرام
ووش المفروض يكون موقفي من هذا الموضوع لأني ودي استر عليه ماودي افضحه عند اهلي او الناس يارب سترك وعفوك
عن Lostmind
