عالم البنات النسائي كل ما يخص المرأة العربية من ازياء وجمال والحياة الزوجية والمطبخ
احم احم
معكم المتحدثه( مآش مآودي ) طبعا زي ماوعدتكم بالجزء الاول اننا راح نكمل اليوميات
وهذا الجزء الثاني يتكلم عن الطعسه ( بنت اختي )
<~ تربعت ومسكت الماايك
بسم الله
في يوم من ايامنا السعيدهـ و الهدوء يعم على بيتناااا << امحق .. ماخبرت الا قدور وصحون تطاير 😆 hy:
كان التليفون يرن ويرن ويرن ويرن وطبعا كالعاده لااحد تنازل ورفع السماعه
وبعد اصرار من المتصله قررت بعد تفكير وتمحيص ان ارد
فكالعااده كانت المتصله احدى عجز اميمتي ام دحييم
فأخذت انادي ام دحييم لكي ترد على عجوزهاا
وجلست بجوار امي لكي اسمع الحديث<< تخق على سوالف العجز ❗
فكان حوارهما عاديا جدا ولكن شدتني كلمة قالتها امي حيث رسمت فوق دميجتي علامة استفهام !
اعلم انكم متشوقون لكي تعلموا ماذا قالت لامي
في الحقيقه لااعلم لكن امي ردت عليها وقالت : ايه ياوخيتي الله يحييتس بأي وقت !
احسكم ودكم تفلقوني بس اصبروا خلونن اشرح لكمم الوضع
اميمتي تكررره وماتواطن تعزم او تستقبل احد ! يعني الموضوع فيه اان
ثم تشوقت لكي تغلق السماعه وانتظاري لم يطل كثيراا
حيث ودعتها واغلقت السماعه
ونطييت عندها وبغيت اطب فوق راسها حيث سألتها: وش تبي عجوزتس جايه؟؟
فردت وهي تمقلني بتلك النظرات : مالتس دخل
واخذت اتميلح واتميلح لكي تجاوبني لدرجة انني عرضت عليها ان اغسل مواعين العشا !!
فطبعا امي لم تقاوم العرض وقالت لي: بوه وحده بتجي تشوف الطعسه
ماش ماودي : وراه؟
ام دحيم وقد نفذ صبرهاا : بتصور معها يعني وش تبي فيها
ماش ماودي: وانا؟
ام دحيم: لايكثر وطسي غسلي هالمواعيناات تراتس اقلقتينن
ذهبت لكي اغسل المواعينات وانا اجر اذيال الهزيمه
ولازلت افكر وافكر وافكر بالموضوع حيث نطت براسي لمبتن صفرا<< توم وجيري على غفله خخخخخ
وفهمت مااقصد ام دحيم يبدو ان الموضوع فيه خطبه !
وناسه يعني فيه عرس وطقطقه << الطعاسه تمشي فدمها مشي
ثم بعد ذلك تركت مافي يداي وذهبت اركض واركض واركض وانا عاضتن قميصي
وبعد الركض المستمر وصلت لحجرة الطعسه
واخذت اطرق الباب طرقا شديداا لكي تفيق من نومهاا
وفتحت لي وبليس يدبك فوق راسهاا : يامااااااال الصكه وش تبيييين؟؟ تدرين انتس قطعتي علي حلمي
ماش ماودي والبراءه تقطر من عنوني : وشو حلمتس؟
الطعسه: حلمت اني هاجتن مع واحد من بيتناا والله ياهو يهبل ! ليتس معي تسان شفتيه !
ماش ماودي: امه بتجي باتسر تخطبتس < وانا ارفع حواجبي لهاا
الطعسه: احلفي؟؟
ماش ماودي: قصمن ..
الطعسه يوم استوعبت: كولي تبن تستهبليين علي
ومسكت الباب وصفقته بوجهي !!
لكن لم استسلم حيث طرقت الباب مرتن اخرى
لكن لم تفتحه لي
وطرقتن مجددا وقلت لها: يالطعسسسسسسه افتحي بقولتس سالفتهن مهمه جدا جدا
الطعسه: انزلعيي بناام
ماش ماودي: بكيفتس بس كنت بقولتس انه جاي لتس خطاب باتسر
ولم البث ثواني الا وهي فاتحتن الباب وعيونها ناطه مترين:قووووولي قصم؟
طبعاا اختكم بالله( ماش ماودي ) عرق النجاسه بداا يطقطق
حيث انني سحبت عليها ونزلت للأسفل
لكنها لحقتني واخذت تحاول فيني لكي اقول لها ماذا جرى
كسرت خاطري وقلت لها السالفه !!!
ثم مقلتني تلك المقله<< بالله لحد يدقق بالججمله
وقالت يمكن انتس فهمتي غلط؟
ماش ماودي: لا متأكده
الطعسه: طيب وش البس باتسر؟
واخذت افكر وافكر وهي تفكر وتفكر معي ماذا ستلبس غداا
ولم نخرج من هذا التفكير خائبين ( كالعاده )
حيث قررنا ماذا ستلبس ..
في الغد
اخذت انا والطعسه( نتدحوس ) عند اميمتي ام دحيم لكي نتأكد من الخبر
ولكن ماعطتنا وجه !!!
وعندما اتى العصر دق جرس منزلناا
فأخذت انا والطعسه نتسابق لكي نفتح الباب ! ولكن صرخات امي اوقفتنا حيث قالت : انثبرررررن جواا يامال الضربه !!
عدت انا والطعسه بائستين وحزينتين داخلا
حينما دخلت تلك العجوز ( ام صويلح )
اصبحنا نمقلهاا جيداا وفي ظننا كانها ( كربون ) من المعرس !! خخ
دخلت هي وام دحيم للمقلط وسكرت ام دحيم الباب ..
ثم بعد دقائق نادت الطعسه لكي تأتي بالقهوه
حينها ايقنت ان ماظننته صحيح ( لحد يقول وش ذا العبقريه رجاءا بدون احرااج :))
ثم انتظرنا انا والطعسه في صالتنا الجميله ام دحيم لكي تزف لناا الخبر
ساعه
ساعتاان
ثلاث
اربع
خمس
<< تلاحضون مسكت خط خخخخخخخ
بعد ذلك خرجت ام صويلح وامي من المقلط واخذت امي تودعهااا
واتت لصاله وهي تمقلنا بتلك النظرات .؟ كانها تقول ( اول مره اشوفههن هاجدات !!! )
واخذنا نتميلح معهاا لكي تخبرنا ماذا حدث ولكن لامستجيب ..
حيث انها صعدت الى ام عصاقيل !!
ساعه
ساعتان
ثلاث
<< امززح
ونحن لازلناا متربعات بالصاله ..
وفجأه
طلت ام دحيم وبرفقتها ام عصاقيل وهن مبتسماات
واخذناا نمقلهن بنظرات تعجب !! 😛
0000
ام دحيم : ماش ماودي قومي صلحي لنا شويهي
ماش ماودي:: ليييه؟؟ بوه شاهي عقب العجيز الي جت من شوي
ام دحيم: لا مهب زيين.. صار قديم قومي صلحي لنا جديد
ماش ماودي:: قولي لطعسه تقوم
ام دحيم: هاه بس قومي قامت عصبتس !!
وفهمت بعد ذلك انهم يردون ان يستفردوا بهاا وضفيت عفشي و طسيت للمطبخ وبدال ماصلح الشاهي جلست استمع لما سوف يقولونه
وبعد ذلك جلسوا يتحادثون ..لكن صمتوا قليلا
ام دحيم:: تقل في ملاقفيهم يتسمعون ورا الباب
وفي هذه اللحضه فهمت انها تقصدني ورحت اصعفق بالمواعين تقل اني اصلح شويهي
ثم سمعت ام دحيم تقول لطعسه: يالطعسه قوه لغرفتي ابيتس تمسحين لي الدولاب تسنه مغبر !
وفي هذه الاثناء اصابتني جلطه من هول ماسمعت ! سيفوتني المشهد الذي لطالما انتظرته ..
طووووووووووووووووووووووووط
ولما خرجت الطعسه من ام دحيم مصعتها مع كشتها ودخلنا حجرتي ..
ماش ماودي: يالله بسسسسرعه قولي المعرس زوين ولا لا؟
الطعسه والخجل يعتري وجدنتيهاا : اووووه تراي استحي
ماش ماودي بعد ان صفقتهاا بالكوب الي جنبي ردت وقالت: بيجي باتسر يشوفن .. تهقين اعجبه؟؟ ووووش البس ………..الخ
وامطرتني بتلك الاسئله اللا نهاية لهاا ……
وانا بس امقل عنوني فيها لعل وعسى تحس وتسكت
لكن ماسكتها الا الكوب الثاني الي صك دميجتها !!
ماش ماودي: يامااااااااااال الي مانيب قايله وجعه اسكتي خلينن انا اسأل بعدين انتي اسألي.. تراي خالتس احترمينن!!
الطعسه وهي مادتن خشتهاا : وش تبين
ماش ماودي: صدز بيجي باتسر؟ باتسر يعني الي باتسر الي بعد كم ساعه ؟
الطعسه وهي مستحيه : ايه
ماش ماودي : ووهـ ياارب تعجبينه ونفتك منتس
الطعسه: لا ان شالله
ماش ماودي: ماتبين تعجبينه ؟
الطعسه بعد ماحست بهول الكلمه التي قالتها: لالالالالالالالاه اعوذ بالله
ماش ماودي: هع هع قووه نشوف وش بتلبسين باتسر
الطعسه وقامت تركض وتركض لكي تسبقني لغرفتهاا لكني مصعتها مجددا وخليتها تنثبر وراي بعد مارددت عليها جملتي المعتاده: انا خالتس احترمينن !<~ المشكله انها اكبر مني هع هع
وبعد ذلك قررنا ماذا ستلبس وكيف ستمشي قداامه ………الخ
ومن شدة الحماس نمت في غرفتها في تلك الليله عشان لاجا المعرس اعرف<< شوفوا الدلاخه كيف بس
في الغد !!
قمنا من صلاة الفجر والمشكله انه بيجي بعد العشا !!
ورتبنا البيت وجهزنا القهوه بأمر من ام دحييم ..
ونحن في هذه الاثناء على اعصابنا نترقب ونحتري وونتظر ونعد ونحسب الثواني والساعات والدقائق على موعد وصوله !!
<<~ الي سمعها يقول عوانس خخ
وحان الموعد المحدد لعريس الغفله .. وكنا انا وام دحيم وام عصاقيل نترقب وصولها ااقصد نزولهاا من الاعلى
اقبلت عليناا ولكن !
لكن
كانت طاقه لنا جينز وتيشرت !!
حينها صرخت ام دحييم من هول مارأت وقالت لهاا: يامااااااااال الضربه ذا لبسن تلبسييينه قداام المعرس واخزيااااااااااه
طسي فوق ولبسي لبس اوادم
ونطقت ام عصاقيل : عادي عادي.. خليها على راحتها كل العالم كذا
وجا وقت دخلتها للمجلس << طبعا بعد مارقت ولبست لبسن صاحي
وكان هنااك دحييم وابو خشم يتفحصون ويفصفصون عريس الغفله الي اخذ يتصبصب عرقاا من هول الموقف ..
الطعسه باتت ان تدخل هنااك زاعمتن انها تخجل
ولكن رفسها دحيم رفستن خلاها تطب بوسط المجلس ..!!
دخلت الطعسه وهي حاملتن صينيه العصير لكي تقدمه للعريس وخشتها كادت ان تخش وسط الكاس من شدة الخجل
حينما وصلت له نزلت له الصينيه لكي ياخذ العصير ولكنا تحمست قليلا حيث ان الصينيه انقلبت رأساَ على عقب وسبحت العريس هع هع
لحضتهاا اكتشف دحيم ان البلوزه الي لابستها كانت مقلوبه !!
وسحبها من كشتهااا ورفسها برا المجلس واخذ يعتذر للعريس ويرمي عليه المناديل لعل وعسى تخفف من المصيبة التي اقدمت عليها الطعسه
اتت اليناا الطعسه وهي فاطستن ضحك ( تضحك على خيبتها )
واخذنا نستجوبهاا
مارأيها بالعرس وما الى ذلك …
فطبعاا ام دحيم اخذت تهزء الطعسه على خيبتهااا وام عصاقيل اخذت تواسي ابنتها الطعسه ..
وبعد ذلك ..
في اليوم التالي تلقينا اتصال من ام صويلح
تقول لنا بان ابنها صويلح اعجبته الطعسه ويريد ان يتم كل شي سريعاا
وارسلوا لنا المهر المزعوم ..
حينما اتى العريس بالمهر قال لدحيم : هذا مهر بنتكم المرجوجه ..
لا اريد ان اشرح لكم كيف كان وجه دحيم حيث انه بعد هذه الجمله اخذ يتحسب على الطعسه على قولته ( سودتي وجهنااا )
في هذه الاثناء جلسنا انا والطعسه نحسب المهر وش بنسوي فيهـ
لا اريد ان اكتب لم ماهو تقسيمنا للمهر حيث انها قررت ان تجعل ثلاثة ارباع المهر ملابس الوشسمه << عرفتوا هع هع
ثم اتجهنا الى السوق واخذنا نقش قشن ماهوب صاحي
بعد يوم
يومين
ثلاثه
اسبوع
اكتشفنا ان المهر طاار
وان الطعسه لم تشتري شيئا واحد لزواجها !!
حيث ان ربعه ذهب ( هدايا)
وربعه ( اطلق لاب توب وجوال …الخ )
.. وهكذاا ..
يبدو انكم تخيلتوم كيف هي صدمتنا في تلك اللحضه ..
لم نرغب بأن نقول لام دحيم وام عصاقيل لكي لاتطير رقبتهاا ..
ولانريد ان نسكت وهم لم يروا شيئا واحد لزواجهاا ..
في ذلك اللحين قررت الطعسه بان تقول لعائلتنا الكريمه بانها لاتريد الزوااج ..
ولكن تنحوا وستفسروا منها لماذا لاتريد؟؟
وبما ان عائلتنا عائلة دموقراطيه فلم يشائوا ان يرغموهااا بتات البته ..
فقالوا : جهزي المهر اجل عشان نرجعه لولد الحلال ..
..
لا اريد ان اذكر ماذا حدث حفاضا على مشاعر الطعسه !! 😡
ولكن يبدو انكم تتسألون من اين سوف نأتي بالمهر له ؟؟
سوف اقول لكم
لقد بعنا الجمس الذي لطالما احتوانا في فرحنا وهمنا 😆 idea:…<< كأني بالغت شوي ➡
الزبده يااعزائي
الجمس وطار وبفلوسه عطينا ولد الحلال المهر 
