عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ليـه التغلـي والبـطـا والتجـافـي
وانت اللذي تجري بقلبي مـع الـدم
اقرب تعال ورمـش عينـي لحافـي
وشوفك يزيل الضيـق ويبـدد الهـم
ولك في ضميري حب وصفه خرافـي
اسطـورة بيـن الاساطيـر معـلـم
ماخالطـه شـك ولا ريـب وافــي
ولاجربه قبلـي مـن النـاس مغـرم
الله يعيد الوقـت يـوم انـت لافـي
وتقولـي لبـيـه واقـولـك ســم
توي صغيـر ماكتـب لـي طوافـي
وانـت الغريـر وفالمـدارس تعلـم
يوم الوصل مسموح والعشق صافـي
ماكـدره مـن سـود الايـام علقـم
وكان الهوى فالقلب مهـوب خافـي
وابينـه للنـاس مانـيـب مهـتـم
واليـوم انـا ويـاك صرنـا نخافـي
وصار اللقـا بينـي وبينـك محـرم
زاد العمـر والوقـت فيـه اختلافـي
والعيـب فرقنـا وقلـبـي تحـطـم
وقلبـي يحبـك والهـوى فالنحافـي
شيـد سـروح للغـلا مـا تـهـدم
وقدرك بوسط القلـب مـازال وافـي
وينبض به الخافق والاشواق تزهـم
تزهم على اسمك والجفن فيك غافـي
واصحى وانا في ظلمة الليـل الابهـم
واصبـر الخاطـر بدمـع ذرافــي
يسكب على الاوجان من جايـر الغـم
وصار الصبر رمضى وانا سرت حافي
وضامتنـي اقدامـي وقلبـي تـنـدم
لكن علـى الله حظنـا فيـوم يافـي
وشملي وشملك يا اطرق العود يلتـم
واقول احبك حـب وصفـه خرافـي
اسطـورة بيـن الاساطيـر معـلـم
هذي قصيده اعجبتني لشاعر فهد بن دلباح ال يزيد الهاجري
وحبيت انقلها لكم………اتمنى انها تنال على اعجابكم.
بانتظار ردودكــم 
