عالم البنات النسائي كل ما يخص المرأة العربية من ازياء وجمال والحياة الزوجية والمطبخ
شخباركم يابنات وشلونكم اتمنى انكم بخير وصحه وعافيه ان شاء الله بصراحه انا من صغري ماكنت متينه وايد بس من خلصت المتوسط ودشيت بالثانوي لا حركه ولا شي كله قاعده واكل ووزني زاد وايد لدرجه وصل وزني فوق ال80 وبالتحديد كان83 وكل مره اقول بسوي الرجيم بس ماكو فايده اسوي يومين وبعدين اقطع وار اخربط بالاكل
انا بختصر عليكم كل شي وبحط لكم الممنوعات والمسموح والشروط وبعطيكم امثله على روتيني اليومي وانتوا شوفوا شنو تحبون ونوعوا بالاكل عشان لا تتملون يالله بسم الله نبدي وللأمانه يابنات انا كان وزني يوم ابلش الرجيم 83 وبعدي الرجيم تقريبا ب3 اشهر صار وزني 66 والحمدلله وانا مرتاحه
يالله نبدي المسموحات:
1-الحليب ومشتاقاته بس يكون نصف الدسم(حليب-لبن-روب(زبادي)-لبنه-…)
2-المشاوي (شيش طاوق-ستيك-دياي بالفرن-سمك شوي ربيان مشوي)
3-الشابوره او نص خيزه سمره لليوم الواحد
4-العصاير الغير محلاة مثل البرتقال والجريبفوت والاناناس والكيوي والليمون
5-المرتدلا والنقانق والخضروات والفاكهه بس الفاكه باليوم فاكهه وحده
الممنوعات وهذا اهمممممممممم شي واول الايام بتتعبين بعدين بتعودين :
1-مشروبات غازيه وعصيرات محلى مثل المانجا والفراوله والكوكتيل
2-ممنوع منعا باتا اكل الككاو والبفك والبطاطا والخرابيط
3-ممنوع تاكلين اكثر من نصف خبزه باليوم
4-ممنوع كل شي فيه شكر وممنوع الوجبات السريعه بس ممكن يوم واحد مفوح بالاسبوع تقدرين تاكلين هابي ميل وجبة طفل بسسسسسسسسسس
5-ممنوع الفاكهه الحلوه مثل الموز والتين والعنب
الشروط:
1-انج ماتطالعين وزنج الا بعد 3 اشهر
2- اول ماتقعدين على الريج تشربين ماي فاتر يعني لا بارد ولا حار تشربين مقادر كوبين صغير او كوب كبير
3-انج تسوين ريضاه او تمشين لمدة نصف ساعه واللي ماتقدر تتحرك بالبيت يعني تقوم وتقعد وتصعد الدرج وترد تركب الدرج كرياضه
4-ممنوع منعا باتا الاكل بين الوجبات او انج تخربطين وتقول مايظر باكل قطعة صغيره من الككاو
الحين بعطيكم روتيني اللي كنت امشي عليه وانتي ممكن تنوعين اذا تبين بس اللي مشيت عليه بعطيكم الامثله:
اول ما اقعد من النوم قلاص كبير ماي فاتر بعدها بنص ساعه اتريق
الافطار: راح احط امثله من اللي انا اكلهم
1- شابوره (البر) ويا لبنه وبيضه مسلوقه + عصير برتقال + نصف كوب حليب نصف الدسم بدون شكر
2-نصف خبزه ويا طماط وخيار وجبن وخس + عصير اناناس او كيوي + نصف قلاص حليب نصف الدسم
3-توست واحط فيها مسحة مربى للي يحب المربا وزبده بس شويه مو تكثرون+ اي عصير تحبين+ نصف قلاص حليب نصف الدسم
مابين الافطار والغدا اذا حسيتي بالجوع شربي ماي واذا ماقدرتي ممكن تاكليم خظروات يعني يا جزره او خياره
الغدا:
1-شيش طاووق+ تبوله+ عصير اللي تحبين
2-لحم ستيك + سلطه فتوش+ عصير اللي تبين
3-سمك شمشوي او دجاجه مشويه بس يفضل الصدر+سلطه يونانيه او اي سلطه + عصير
وانا ساعات ما اكل غدا اكتفي بسلطه وعصير
بين الغدا والعشا ممكن ورا الغدا بساعتين تمشين نصف ساعه او تتحركين لمده نص ساعه
العشا يكون خخفيييف جدا:
1- سلطه اي نوع
2-اي فاكهه( البرتقال+تفاح) اي وحده تختار فقط يعني يا برتقال او تفاح
ولازم تاكلين العشا مبجر يعني اذا بتنامين 10 اكلي العشا 7 واذا بتنامين 11 اكلي الغدا 8
واي سؤال انا حاظره وان شاء الله تقوون ارداتكم وتنزلون الوزن اللي تبونه انا صراحه ان شا ءالله اذا ولدت بالسلامه بسوي الرجيم لانه احس زايده شوي
