اصحاب زوجك اذا جوا وش تسوين ؟

…
بنات ابي رأيكم بسالفه … اليوم دقوا اصحاب زوجي عليه المغرب وقالوا له بيجوا عنده … المهم زوجي قالي اصحابي بيجوا … انا قمت بسرعه وسويت حلى سريع وفطاير … وزوجي ما قالي سوي عشا وهو دايما لما يجوا اصحابه اذا كان يبي عشا يقول لي سوي قبل لا يجون .. ومرات يجون بس قهوه وشاي ويروحوا …

المهم جوا الساعه 8 … حطيت لهم قهوه

وحلى

ومعمول

وبعدين سويت لهم شاي

وحطيت فطاير مقليه

وبيتفور

وبعد كم ساعه سويت لهم كابوتشينو

وبعد كم ساعه سويت لهم ميلك شيك بالموز

وزينته بالفراوله وشكولاته

المهم…………….. ➡ اني ما قصرت

ورحت جلست ع التلفزيون … شوي جا زوجي الساعه 12 جى طالع فيني وطلع وقال حسبت سويتي عشا 😆 idea:

قلت له بس ما قلت لي قال لا لا خلاص ما يحتاج وقالها بنبره كانه يحسسني اني مقصرة …

قلت له كان قلت لي من بدري اجهز لك … بس الحين وش يمدي ؟؟ المهم تركني وراح

بالله يا بنات ما يقهرررررر.. ولا قال ما قصرتي ولا يعطيك العافيه ولا حتى كلمه حلوة

ولا تجي وحده وتقول المفروض سويتي عشا … لا انا متعوده اذا زوجي يبي عشا لاصحابه يقول لي قبل يجوا عشان لو فيه اغراض ناقصه يجيبها …

بالله ايش رايكم انا قصرت ؟؟؟؟؟؟؟؟؟؟؟؟