اشتريت الجوال اللي كنت اتمناه!!!!!

……….الحمد لله و اخيرا اشتريت جوال سوني اريكسون (k750i)
يوم السبت…..كنت ادور عليه من رمضان مو لاقيته ……ودخت السبع دوخات عليه

ورحت شارع فلسطين اكبرسوق في جدة……مو موجود درت محل …محل
الكل يقول…..يمكن بعد العيد يجي…..يعني معدوم في السوق 😆 hy: ❗
ورحت سوق تاني…ماحصلته….وقعدت ابكي في السيارة واهلي يحاولوا يهونوا عليا
وبعدين رحت سوق تاني ودرت على المحلات…….واخر محل مادخلت خليت ابويا يدخل
قلت اكيد زي المحلات اللي قبلها…..وبعدين الرجال طلع كرتونه الجوال فرحت ودخلت المحل
بس قال انه محجوز حق واحد دفع عربون….اخ يالقهر
طبعا هدا كله في رمضان …..صاحب المحل قال لو تبغوا اكيد بحجز لكم واحد
عشان هو يعرف الوكلاء حق الشركه….وقال تعالوا بعد التراويح حيكون جاهز
وفرحت ورحت البيت وقاعدة على نار استنى الصلاة تخلص ….
ابويا راح و تاخر وجاء وشكله زعلان…..قال ماحصل جهاز
بس مابكيت…….دموعي خلصت 🙂
وجاء العيد وخلص ……وبعد كم يوم ابويا يتصل على المحل
يقول بعد اسبوع بينزل السوق……ويوم وراء يوم
وواحد القعدة………ابويا راح وحجز واحد ……وقال اكيد بيجي
ورحت المحل واشتريته……صاحب المحل يقول البنت صبرت ونالت
…….السوني اريكسون جهاز ممتاز
والحمد لله……………………………….. 😛