عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباحكم ورد 
مو عارفه من وين ابدأ. . !
أنا مخطوبه من شهر تقريبا لشخص كنت أتمناه..اتمنى اكون خدامه تحت رجوله
أعجبت بشخصيته..رجولته..اخلاقه..دينه
كل شئ فيه بنظري كامل ” والكمال لله سبحانه “
يوم عن يوم اكتشف فيه شغلات تحببني فيه زياده
ابي اظل اسمع له وهو يتكلم عشان بس اشبع من صوته
وهو بعد يحبني واذا حكيت معه يسمعني احلا كلام
احس اني ملكه..يشبع العاطفه اللي فيني
الفتره الاخيره حسيت ان شوقه قل عن اول
وانا اللي صرت اسئل عنه كل لحظه
كل ماسالته ليه ماتتصل يقول انحرج من اهلك”لان للحين ماعندى جوال وهو يتصل على الثابت وانا اصلن خلاص ما ابي الجوال اخاف انقهر زياده”
رحت اخذ جوال اخويه الصغير وقلت له شوف جواله معي اتصل اى وقت او ارسل عادي
تمنيت يفأجاني يوم يرسل بدون ما اسئله عن حاله
او يتصل..ابي احس انه مشتاق لي مثل ما انا مشتاقه لي
صرت استحي اذا اتصلت انا : (
كل شوي يقول انا متضايق واعذريني ..ابيك توقفين معي بها اللحظه
وشلووون..؟ وانا من عرفته الغيت وجود كياني معه
نسيت نفسي عشان بس ارضيه..
حتى انا عندي هم..تصير مشاكل..اتضايق..بس ما اقول له
لاني عارفه انه ماراح يهتم..صار بنظري انسان أناني يحب نفسه وبس
وانا ماعندي مشاعر ولا احس
كلمته قبل شوي قال اسف بس انشغلت شوي وانا مشتاق لك واحبك ومن ها الكلام
بس مدري ليه احس كلامه ماصار يأثر فيني لاني انا اللي قاعده اذكره بان في حياته انسانه اسمها زوجه
انا ما ابي شئ منه غير اني احس اني مثل اى بنت بها العالم
فرحانه بخطيبها وتجهز لزواجها وهي بعد فرحانه ومرتاحه نفسيا
وربي 3 شهور بااقي ع الزواج وللحين حتى مافكرت ابدا اتجهز
اشوف البنات هنا كلهم مخلصين ومتفرغين لا انفسهم الا انا
ليه ياربي : ( ➡
على قولتهم احلا ايام ايام الملكه 😛
ابي بس يحس ان لي مشاعر مثل ماله مشاعر
ابي يحس بس اني لما اتضايق ما ابي اسمع الا صوته
مو مثله لما يتضايق يبعد عني بحجة انه ما يبي يشيلني همه
وهو ما يعرف اني لما اشيل همه اكون اسعد وحده بها الدنيا
آسفه سولفت كثير بس وربي كل حرف اكتبه بدمعه مو عارفه
السبب فيني والا فيه او السبب الحب اللي كان يجمعنا أوعيون الناس : (
حبيت افضفض يمكن ارتاح واعرف انام
