عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
يابنات انا ان شاء الله بروح العمره اول مره لي شفت فالنت عن كيفية العمره بس عندي كم من سؤال الله يعطيكم العافيه جاوبوني
اولا
إذا أراد المسلم أن يُحرم بالعمرة فالمشروع بداية أن يحرم من الميقات المحدد له، ثم يتجرد من ثيابه ويغتسل كما يغتسل من الجنابة، والاغتسال عند الإحرام سُنة في حق الرجال والنساء حتى الحائض والنفساء.
يعني احين انا راح اطلع من البحرين لين جده على ماعتقد وبعدها لمكه يعني اغتسل من البحرين؟ ولا عند الميقات؟
يصير امشط شعري علما انه يتساقط يعني حتى لو امسكه لازم تصير في يدي شعرتين او اكثر متساقطه؟ قصدي وقت اداء العمره. ويصير احط كريم على شعري بدون رائحه مثل كريم مان؟
وقريت من محظورات الاحرام
الاكتحال هل المقصود فيه الكحل؟ وانا شفايفي ناشفه فهل لو حطيت مرطب ماله لون ولا رائحه حرام؟ وكريم لليد يجوز ولا لا؟
واذا ظفري انكسر منه شوي وقت الاحرام هل يجوز ابرده لانه بيضايقني؟
واتعرفون المطهر لليد اللي تحطون منه شوي يقتل الجراثيم هل يجوز استخدمه علما انه فيه ريحه؟
بنات لاتضحكون على اسئلتي 😎 واللي عنده موقع استشاره (عاد اكثرهم مستفسره فيهم ولاردو واستشارتي تضيع ولازم يصير خطا)او شيخ استفسر منه تعطيني
