عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم و رحمة الله و بركاته
أولا أحب.. أشكركم على الوقت الي قضيتوه بقراءة هذي الكلمتين
لكني متعقدة من نفسي :042:
انا بنت صغيرة بعدي ما قربت من العشرين
و من نعومة اظافري و البيت فيه خادمة
و امي تتحمل مسؤولية كل شيء
ايش تتوقعوا اكون؟
ايوة بالزبط :t8: خيخة :409:
ما اعرف اطبخ ولا انظف البيت ولا غرفتي حتى ما ارتبها
كسولة كسولة كسولة آخر حد حتى اقوم ارقص مالي خلق ما احب الطلعات ولا العروس
ما اتحرك من مكانة تقعد الكاس على مكتبي أسبوع ولا اشيلها
و ما يعتمد علي ابد لازم تعيدي على شغلي يعني شغلي مو تمام
نفس الوقت احلامي بسيطة و متواضعة و حقت بنات صغار
يعني كل اهتمامي من يوم فتحت عيوني الين قبل شوي المدرسة و الرسم و النت
ماني مهتمة لا بصحتي ولا بتطوير ذاتي ولا بجسمي و لا بشرتي ولا شعري
جسمي مترهل و مكتل و انا بعدي بنت
بشرتي مبقعة و مخشنة مع الحساسية..
كل قطعة مني بلون.. يدي اليمين بلون و اليسار بدرجة لون ثانية
رقبتي.. رقبة جدتي احلا منها
شعري خفيف و مدهن و يتساقط
ما اعرف استقبل ضيوف ما اعرف اسوي شي كل شي لازم ماما معي :0108:
و انا نايمة على ودني ولا عمري اهتميت اكون امرأة سنعة قديرة
الين ما بدأ الناس يطالعوا فيني و يطلبوني للزواج
احس ان الوقت فات و ان عمري ضاع على اللعب و التفاهات و الحين ايش اسوي؟
المشكلة ان ما احد نبهني ولا كلمني من اول ان ترا انتبهي لازم تتدربي و تعدي نفسك زين
ابد ابد و كأني مو بنت أصلا ما احد ما احد ابد لا أمي ولا جدتي ولا اخواتي ولا خالاتي
و انا ما ادري ولا انتبهت
و الله خايفة جدا
بديت افكر اني عمري ما بكون عروس و ست بيت :042:
متأزمة نفسيتي جدا لدرجة اني قاعدة افكر اني مو بنت :042:
كل البنات بعمري أمهات عيال تطبخ و تنفخ و تنظف و تلمع و تستقبل ضيوف و تتلبس و تهتم بجمالها
و انا بس كتاب مدرسة اهئ اهئ حلوني الله يسعدكم و يرضيكم و يرزقكم كل الي تبغونه
ابي اصير ربة منزل سنعة :042::042::042:
شي بعد اني.. عذرا على اللفظ.. هبلة و غير ناضجة أبد
يعني أحسب ان العالم بسلام و حب و كل الناس طيبين و كلهم مخلصين و ما يخدعوا
يا ليت حكيمة و أم لها خبرة تعطيني شوية tips و نصائح توعيني و تكبرلي عقلي و تفتح عيني على الدنيا
أبغى أعرف الدنيا من مفهوم شخص حكيم.. كيف أتصرف في المواقف الصعبة،المحزنة،الي تفشل
بارك الله في الي ردوا علي و رزقهم كل خير و كل بركة
عن ayod131
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …