ارجو الدخول

كل عام وانتم بخير ..

انا ما اعرف كيف ابدا في موضوعي لانو الي فيني امكن مو مشكلة بس انا اعتبرها مشكلة ..

اممم انا اعيش حياتي زي اغلب الناس في هذا الزمن اصلي صح اصوم صح بس لمن اصلي احس اني اتخذ صلاتي عادة وكذلك صيامي لكن انا وربي نفسي اتغير..

نفسي اسير ما اسمع اغاني نفسي لمن اصلي يملأ قلبي الخشوع ..

انا مرة في رمضان رحت صلاة التهجد في المسجد ولمن خلص الامام صلاة وصل لاخر ركعة جالس يدعي والناس كلهم في المسجد جالسين يبكو والامام يبكي وانا م ن جد وقتها اتحسرت على نفسي انو اشوفهم هم كيف صلاتهم وانا استغفر الله أي كلام ..

ايوة ..

ومرة جلست حوالي اسبوع اصلي صلاة الليل بعدين سرت ما اصحى عليها فبطلت وكنت اخشع في الصلاة ما ادري كيف وما اتعب كمان ..

انا اليوم يوم 3-12-1431 هـ

قررت اغير حياتي نفسي اسير انسانه كويسة مو مطوعة بس كويسة ..

قررت اني ما اسمع اغاني عارفة اني اقدر اسويها ..

قررت انو اهتم بالصيام والله يقدرني عليه ان شاء الله ..

قررت انو اخشع في الصلاة بس والله ماني قادرة الشيطان في الصلاة يخليني اوسوس ..

بالمختصر المفيد الله يعطيكم الف خير ..

نفسي …

اخشع في صلاتي ؟؟

بس السؤال المحير كيف ؟؟

هو بدل سؤال مليون سؤال ..

*كيف اخشع في صلاتي ؟؟

* هل تغطية الوجه واجبة ؟؟

وهاذي سؤالين صعبين :

*التلفزيون اتفرج عليه حرام .. نوع البرامج افلام هندية ..؟؟

* البنطلون الضيق لبسه حرام ولا لا ؟؟

ايوة كمان اتمنى تحطولي ادعية عشان ربنا يثبت قلبي على الايمان

واشياء محرمة دارجة هاذي الايام عشان ابعد عنها

وهنا اخلص كلامي

وعارفة انو كتير

واتمنى من أي احد رايح الحج يفتكرني ويدعيلي بالهداية