عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم يافرشات انشاء الله انكم تمام
انا اليوم بكتب لكم معانتي وقصتي والله اني ماكتبتها الى للعضه والعبره ولدعاء لي
قصتي بدت ياخواتي كان عند اهل زوجي عزيمه كبيره مره في قاعة افراح المهم تجهزت لهذي العزيمه وفصلت فستان حلو بوم جاء قبل العزيمه بيوم طلعت الفستان من عند الخياط لقيته خربان طبعا ضاق صدري وتنكدت ومارضيت بالمكتوب قمت الصباح ورحت للخياط وقلت له يزين الفستان وقلت يطلعه في نفس اليوم عشان العزيمه كانت في نفس اليوم
زوجي قالي لاتروحين موب لازم واصريت اني اروح ورحت ذاك اليوم والكل انبهر بشكلي والكل سالني عن فستاني طبعا انا جتني كوفيره في البيت وصلحت شعري بس ومكايجي انا طبعا المهم انا ذاك اليوم قلت لخوات زوجي ان فستاني خرب وكذا يعيني
يوم شافوني قالو هذا الي خرب قلت لا عدله الخياط ومرت العزيمه بخير يوم جاء بعد العزيمه بيوم بدت معانتي الله لا يعيدها والحمد لله على كل حال تعبت جاني الم شديد في بطني ورحت المستشفى وقالو اكياس على المبايض وانفجرت وعطوني علاجات وابر ورجعت البيت الحمد لله كل تمام بعدها باسبوع رحت زواج عند اهل زوجي ورجعت عادي مافيني شي بعدها بيومين تعبت يابنات والله والله والله ماجاكم الى الصدق انكتمت وقعدة ابكي واصرخ واستفرغ وماعاد قدرت اتنفس وجتني ضيقه قويه كن احد ينزع قلبي مني المهم هذا الكلام الفجر قومت زوجي وقلت له قوم ودني المستشفى ووداني وقعد الدكتور يكشف وماعرف وش فيني وعطاني مغذي واكسجين ولاهديت كنت احس يابنات اني بموت خلاص كنت اقول هذا يومي حتى لدرجة اني حسيت كن روحي تطلع مني وقعدة اقرا قران واستغفر ربي
طبعا ها الكلام قبل اروح المستشفى في المستشفى تخيلو ياخواتي اني كنت كل شوي انادي الدكتور واقوله يادكتور احس اني بموت وكن الدكتور يمنع عني الموت بس من الي فيني الحمد لله على كل حال بعدين عطاني الدكتور ابره مهدئه ورجعت البيت ونمت الحمد لله بعدها صرت كل مادخلت جتني ضيقه واقعد ابكي ابكي ابكي واحس نفس الشي اني بموت واقعد اقرا قران لين اهدا بعدين طلعت من بيتنا ورحت بيت اهلي وقعدت عندهم فتره طبعا صرت اقرا صورة البقره يوميا وابوي يقرا علي واشرب موية قرايه والحمد لله خفيت ورجعت البيت مافيني شي الحمد لله بس بعدها بفتره اجمعنا احنا وحمولتي في بيت اخوه وكنت ماعلي عندهم بس من رجعت بيتي تعبت والله يابنتا نفس الاعراض الي جتني قبل بس زاد عليه اني كنت ماقدر اقعد في مكاني كنت تخيلو ادور في جانحي واصيح واصرخ وابكي واحس قلبي ينزع قام زوجي قعد يقر علي لين نمت ومن بكره درت اخته قالت انا اعرف شيخ وجاء الشيخ وقرا علي اول مره عادي ماحسي بش مره بس مع القرايه مره ثانيه بديت اتعب وقعد الشيخ يسالني ويقول يوجع راسك وفعلا انا كان يوجعني راسي وجع مو طبيعي ابدا كنا ابكي منه وقرا علي واذن في اذني والله يابنات وربي اني حسي شي ينسحب من راسي وينزل على كتوفي كنه ثقل مع الم وقلت لشيخ قال خير انشاء الله والحين والله يابنات احس الوجع ارتكز في صدري وشوي يتنقل من مكان لمكان والله والله اني ماكذبت عليكم {نسيت اقول لكم ياخواتي انا فستاني كان الخياط مخلي فتحت صدره كبيره معني والله ماطلبت منه الفتحه تكون كبيره
والحمد لله الحين اقرى عند شيخ واشرب موية قراية وادهن بزيت واقرا سورة البقره والاذكار الاذكار الاذكار يابنات لا تستيهون فيها والله انها تحفظ الوحده باذن الله وانا والله ماقلت لكم قصتي الا ابغاكم تداومون على الاذكار وابعدو عن المعاصي وتقبرو لربكم وخواتي اتمنى من كل وحده منكم ماتتطلع من بيتها الا تحصن نفسها والله الناس ماعاد تعطي خير
يابنات انا ماذكرتم لكم عن واساوس الموت الي مالزمتني وهذ كله من العين والحسد الله يكفينا شره واتمنى انكم تاخذون العضه والعبره من فصتي
والله والله والله اني هذي قصتي مو منقوله عن لسان احد
واخير الحمد لله على كل حال والمومن مبتلى وانا راضيه بقضاء الله وانشاء الله تكون لي تكفير ذنوب
ياليت تدعون لي وكل مريض بالشفاء العاجل
استودعتكم الله الذي لا تضيع له ودائع
/CENTER]
