ارجو التفسير جزاكم الله خير

وهي شفت في الحلم اني وصاحبتي كنا ماشين في الشارع وبعدين وقفنا في بقالة وطلبت من البايع حلوة هندية وقال لي البايع الكيلو او الربع كيلو ب 15 ريال وانا كل الي عندي 10 ريال وبعدين طلبتو كمية بريال وفي ذا الوقت جاني اتصال على الجوال وكان واحد (اعرفو وعندو مكتب توظيف) بس ماافتكر في اش تكلمنا وبعدين دخلنا انا وصاحبتي صالة افراح وكنت زعلانة منها ليه ما قالت لي عشان البس احسن من الي كنت لابساه وكان فستان لونو ازورق او تركوازي ولابسة كعب عالي(مالبس كعب عالي لذيك الدرجة) وبعدين عرفت انو زواجها(حاليا لها يمكن شهرين متزوجة) ولما دخلت الصالة كان العريس في الكوشة وانا كنت اقول حرام دحين حيشيل ذنبو وذنب كل وحدة تشوفو وبعد بدات الزفة, اول شي ظهرت صاحبتي على بلكونة وكان فستانها لونو وردي وبعدين راحت ونزلت من درج وكانو درجين بجنب بعض نزلت من الدرج وكانت لابة فستان اخضر وطلعت من الدرج الي بجنبو وبعدين ظهرت في الصالة ولابسة فستان ازرق وماكان حلو وانا مستغربة ليه فستانها مو حلو , ولما سلمت عليها قبل لا تتطلع الكوشة حضنتها وقمت ابكي او على وشك ابكي وبعدين سمعت وحدة تقول مو وقتو دحين, ولما طلعت الكوشة وقفت شوية وبعدين داخت وجلست في الارض وشكلها مرة تعبانة وبعدين رحت عندها جلست قدامها ابكي ماافتكر ليه. ولما جا وقت البوفيه كانو كان في بقالة او سوبر ماركت وكانت على الارفف زي البقالة مناديل ووديتول وحبوب وفي نفسي اقول معقولة دحين كل ذا مع البوفيه؟!!
وانا اخذت مناديل مرطبة وعلبة حبوب

الحالة الدينية عادية
متزوجة وعندي طفل
جامعية و وابحث عن وظيفة