عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته ..
العمر28 سنة _ عزباء _ خلصت جامعة وحاليا جالسة بالبيت يعني مو موظفة _ حالتي قبل النوم اشغل رقية شرعية واستمع لها الين ماانام ومافيه ببالي شي شاغلني قبل النوم ..
هاليومين اشوف حلوم غريبة وحتى كثير من قرايبي يحلمون فيني هالفترة اني البس فستان وردي وكانه مرررررره حلو اللهم اجعله خير يارب ..
قبل 3 ايام :
حلمت اني باستراحة او مكان زي الحديقة فيه فناء كبير وساحة خضراء وحلوة والجو كان حلو مرة وفيه بوابة فخمة مره وكبيرة ودخلت معها ولقيت غرف كثيرة و وانا اتمشى حسيت باحد يلحقني والتفت على ورا لقيت 3 او 4 شباب يلاحقوني وكانوا لابسين شماغ وثوب جزمة سوداء فخمة وكاشخين كانهم رايحين عزيمة وكانت اشكالهم مره حلوة وفيهم وسامة حتى اذكر واحد منهم حاط سكسوكة المهم كاني قعدت اهرب منهم وجيت ادخل غرفة وماقدرت اسكر الباب لانهم يدفونه بقوة المهم كان الغرفة فيها دريشة على الشارع وكاني اقول ابنط عشان اهرب منهم بس فجاة لقيت نفسي بسيارة وكاني طلعت من الغرفة وانتهى الخوف اللي فيني وكان السيارة تمشي ومااذكر من يسوقها بس اذكر معي خزنة تجوري وماادري لمين !!
