ابني الكبير عمرة 6 سنين ابغى احد يشور علي الله يوفقكم يافرااااشات …

انا مالي غير الله ثم انتم ياأخوات
ابني ولدته خديج وجته مضاعفات بعد الولادهـ صعوبة في التنفس وجرثومه هذا وهو في الحضانه جلس فيها اربع شهور وانا قلبي يتقطع عليه
طبعا كلفتنا حضانته 130 الف بس بعد ماطلعناهـ اكتشفت بعد سنه ونص ان الولد مايسمع ماغير يبكي
لما خلص سنتين وديته عند دكتور اذن وانف وحنجرهـ وسوو الإجراءات اللأزمه تخطيط وكل شيء
قالنا ان عندهـ ضعف في الأعصاب السمعيه لازم تركبون له سماعات وركبناله سماعتين بس مافي فايدهـ ابوهـ الله يسامحه اهمله الحين عمرة ست سنوات مايرف يتكلم ولا يستوعب واحس اللي حوله ينفرون منه ويعاملونه بقساوهـ (تجريح وضرب وتهزيئ وحرمان من عاطفة ابوهـ ) والله يابنات اني اكتب ودموعي على خدي من القهر الولد ماشاء الله عليه ذكي ومتمسك فيني كثير مايتحمل ابد يشوفني زعلانه ولا مضايقه اسأل الله ان يشفيه هو وابناء المسلمين .. اغلب مشاكلي مع ابوه عشانه هو ( ابوه مرة مدلل البنت والولد الصغير معاملته معهم غير عن معاملته له ) دائما قاسي وجاف معه
والله ياأخوات ماأدري ايش اسوي معه .. ياما نبهته انه يغير من معاملته للولد بس مافي فايده صارت شخصية الولد مهزوزهـ يخاف من كل شيء حتى من الناس ( تخيلوا هالولد يجادل ابوهـ واهل ابوهـ واهلي والناس اللي حوله كلهم مو متقبلينه وانا حاسة بهالشيء اذا انا حسيت بهالشيء كيف هو ..
الولد ضعيف لاياكل مثل هالأولاد حقوقه كطفل ناقصه بالمرهـ الحين ابي ادرسه في مدرسه بس تعرفون ان الأجانب مرفوضين في المدارس المخصصه لهذي الفئه من الأطفال والله محتاره ومو عارفه ايش اسوي تعرفون حرمه ومافي يدي شيء ..
بقولكم شيء المفروض اني ماأقوله بس والله اني قريت مواضيع هنا وشفتكم ماشاء الله قلوبكم على بعض الله يديم هالمحبه يارب..
انا دخلت في التجاره ترى مالي غير اسبوع والسبب الوحيد اللي خلاني ادخل فيها هالولد اللي اتمنى من ربي ان يعطيه على قد نيته ويرزقه حنيه هالعالم ..
كل اللي اتمناهـ منكم ياأخواتي انكم تدعون له ولكل مسلم مبتلي نحمد الله ونشكره على كل حال..
تكفون يابنات اللي تعرف احد يقدر يشوف لهالولد مدرسه اقدر ادرسه فيها اعرف ان في مدارس بس حنا ممنوعين منها واللي عندها اي معلومه ماتبخل علينا بها ……

تمنياتي لكل من دخل موضوعي وشاركني لو بالدعاء ان الله لايحرمه الأجر ..

وسامحوني عالإطاله