اخيرا الحلم اصبح حقيقة

الحمدلله ولدت يوم 1_4 بعد طووووووووول انتظار ياالله قد ايش كنت احلم بالولاده,,, متى اولد متى؟؟؟؟؟

جيبو القهوة والحلى خليني احكيكم حكايه ياطولها مع اني باحاول اختصررررر

كان يامكان في قديم الزمان وحده حامل ووصلت للشهر ال10 وكملت اسبوع فيه,,,,,,

والمهم

وانا في التاسع الدكتورة قالت راس البيبي لسه مو مرة نازل تحت لازم تمشيي
وصرت امشي وامشي وامشي مع اني كنت مرة تعبانه ورجولي متورمه ومتنفخه مع الحمل وبتزيد مع المشي بس مو مشكله المهم اولد واحااااااول وامشي وامشي ولما وصلت لاخر اسبوع في التاسع قلت خلاااااااص مرة طولت لازم اشوف لي حل مابغا ادخل العاشر اخاف يولدوني بالقوة على كلام الدكتورة انه ماينفع نطول اكتر من اسبوع في العاشر لانه المشيمه تيشخ وماتوصل الغذاء للبيبي وصرت اشرب كل شييييي سمعت عنه انه يفتح الرحم ويجيب الطلق الخروع ولاجاب فايده بس نظف لي بطني وامعائي وشربت قرفه وزنجبيل كل يوم واشياء ساخنه كتير زي بابونج ومراميه المهم اولد وخلصت التاسع ورحت الدكتورة قالت اسبوع كمان للثلاثاء اخر يوم لكي لو ماجاتك ولاده لازم تجي نولدك وانا خفت كمان اشبها بنتي ماتبغى تجي عالدنيا ياساتر ➡
وصرت اشرب واشرب واشرب وشربت خروع للمرة الثانيه وبرضو لاحياة لمن تنادي خخخ وامشي كمان وادعي كل يوم الله يسهل لي امري
وانتظرت الى الثلاثااااء ومافي اي شي ووبس يومها لقيت نقطه دم فيا واصلا كده ولا كده انا جهزت نفسي اني اروح لها تولدني خلاص……

ولما رحت لها المغرب كشفت عليا قالت لسه الرحم مافتح ولاسم واحد حتى….. والدم من علامات الولاده والمتوقع تولدي خلاص دي اليومين ,,,,,,((( كانه شي جديد , طبيعي لازم اولد دي اليومين)))
بس بما انك كملتي اسبوع بالعاشر لازم ندخلك ونعطيكي طلق صناعي…
وقبلها ودوني اسوي سونار ولقوووو المفاجاة انه مويه البيبي قليل مررررررررة وهذا سبب كمان انه بولدوني لااااااازم

ودخلوني الحمدلله وشويتين جاتني دكتورة تانيه تعطيني تحميله الطلق وكانت الساعه 11 الليل تقريبا وزوجي كان في جده وقتها مسك الخط عالمدينة عشان يكون معايا في الازمه دي……..

وبس ياحلوين بدأ الطلق وكان شوي خفيف وكل 10 دقايق طلقه والممرضات كل ساعتين تقريبا يجو يعملو لي تخطيط عشان الجنين خايفين عليه لانه مويته قليل ويمكن مع الطلق يضعف بسم الله على بنتي.. بس النخطيط دا مرة يخليني اتالم اكتررررر واحسه يزود الطلق كمان …. والفجر جاتني دكتورة شرانيه اكرههاااااااااااااا من كل قلبي واعوذ بالله جدا مو مريحه كانت هي اللي مداومه وجات تشوف وكشفت عليا من تحت حسبي الله عليها يدها حاررررررررررره اعوذ بالله كان نفسي ارفسها برجولي وقالت لسه بس واحد سم………..
يااااااااااارب لسه بس 1 سم والطلق كل ماله يقوى ويحمى وانا اتالم وصرت خلاص ماقدر امسك نفسي بس اتآآوه كان الم الم الم الحمدلله على كل حاااااااااال
وغير كده يقولو لي امشييييي وصرت احاول امشي في الممرات مرة مع اختي مرة مع زوجي وانا اتالم

والى الساعه 10 الصباح كشفت عليا برضو الدكتورة الشرانيه مرة تانيه وقالت برضو 1 سم والمويه قليل والرحم موراضي يفتح يااا إنه نعطيكي طلق مرة تانيه ونستنى كمان يمكن يفتح ويمكن لا يمكن ياثر عالبيبي او انه نولدك قيصري خلاص وانا متررددددددده خايفه من العمليه
قالت حيجي الدكتور الاستشاري ونعطيه ملفك وهو يقرر لو قيصري ولا لا؟؟ قلت اوك ولدوني قالت اصلا مو باختيارك……………. البيبي حيضعف ورحمك مو راضي يفتح

تخيلو الوضع 12 ساعه طلق ومافتح الرحم والمويه قليل وانا اصلا في العاشر؟؟؟؟؟ ايش الحل؟؟؟؟؟؟؟؟؟؟؟؟؟؟؟؟؟؟؟؟ والالم يزييييييييد والتعب ياسلام…………

وخلاص قررو عالقيصري وانا ابغى الفكه ولدووووووووني باي طريقه خلاص ماقدر اتحمل

والحمدلله تمت بسلام ولودوني قيصري وجربت كمان طلق الطبيعي الحمدلله على كل حال المهم اني ولدت..
الساعه 11 صباحا وجبت بنوته طعمه…… وانا في غرفه الافاقه بادور عليها فين بنتي؟؟؟؟؟ وطلعوني الغرفه واسال اهلي فين بنتي؟؟؟؟؟؟؟؟

وبس تاني يوم صرت اقول للدكتورة ياليت من بدري قررت عالقيصري بدل ماجرب الاتنين.. قالت لا انتي بكريه ماينفع تقرري على طول لازم تجربي تولدي طبيعي الاول…….. والمويه قالت قلتها بسبب دخولك العاشر والله اعلم انا قلت يمكن من كتر ماشربت اشياء تنزل زي القرفه يمكن هي اللي نزلت المويه……

والمهم عمليتي كانت كبس طبعا مو خياطه مع انه في الحكومي يعملو ليزر يقوللو احسن بس برضو الكبس مو بطال يعني مافي اثر غير خط خفيف اخر البطن بس

وانا ولدت في الواساة عند الدكتور ايمن عفيفي وكنت اراجع عند منال بس هي اظن ماتولد قيصري عشان كده ولدني الاستشاري والدكتورة الشرانيه ايمان………. سمعت سب عنها كتير انتبهو منهااااااا……
وباكيج العمليه عندهم ب6000 ومع الطلق والسونار وسويت تحاليل واشعه للبيبي كمان صارت 7600ريال

وبعد ماكملت تقريبا اسبوعين وانا ظهري يبى يتكسر من الالم وحتى المشي مو قادرة امشي واتحرك كويس
وبس جبت ممرخه مرختني 3 ايام والله حسيت بفررررررررق شااااااااسع الحمدلله راااح الم ظهري واختفى وصرت احسن بكتير الحمدلله…
وبس

وتوته توته خلصت الحدوته