عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مررحباا حلوات …هذي اول مشاركه لي في منتدى القصائد وهذي قصيده انا كتبتها انشالله تعجبكم 🙂
أخيـــــــــــــــــرا
كل حياتي لك,, وش عاد لو سرقت
من وقتك دقايق ,,وقول عني طماعـــه
اشتقـت؟شوي علي لو قلت اشتقـت
أنا الوله خلاني دايم الدوم ملتــاعــــه
والله اني من حزة فراقك ابد ماذقت
طعم النوم والسهر فل عندي شراعـــــه
بيني وبينك”انا مليت مليت وزهقت
بس كنت احاول اكون صبورة وشجاعه
ماأبي احد يقول اني يمكنني توهقت
تشوف البحر هادي وماتدري وش بقاعه
اخيراحبيبي جيتني واخيرا اشفـقت
على قلــب عايش بين ايدينـك وداعــــــه
اصلا من الفرحة انا ابد ماصدقت
يوم قالو انك جيت ؟؟!!حسبتها اشاعـــــه
قمت,وقفت,ركضت,طرت وشهقت
هذي حقيقة؟؟!!ولا ؟!هي احلآم خداعــه
ويوم شفتك وبعيني تأكدت مانطقت
بس دموع الشره تهادت بشوق ومياعــه
انا وياها مع قلبي الولهان تسابقت
كلن منا يحاول يكون الاول بالشفاعــــه
لوتدري انك بنظرة منك احرقت
الالم اللي محتويني وعطيتني عنه مناعـه
ولوتدري انك بلمستك كني عانقت
حضن كل هالكون بيدي ولويت انا ذراعه
والحين وش تبي؟قل انا الحين روقت
آمرحبيبي وتدلل, لك مني السمع والطاعه
بس ارجوك لاتجيب طاري الوقت
ابي اعيش عمري معك بس هالساعـــــــه
