اختكم بحاجتكم بعد الله سبحانه

حبيباتي اختكم منكم وفيكم حابه اخذ مشورتكم وخبرتكم في مجال الحمل والولاده عسى الله يوفقكم ويثبت حمل كل حامل وتقر عينها بشوفه طفلها معافى ويرزقني ويرزق كل من تنتظر الحمل بفارغ الصبر ويهنينا باطفالنا يارب
قولو امين

مالكم بالطويله
انا واعوذ بالله من كلمه انا حملت بحملي الاول والحمدلله على كل حال استمر معي للشهر الثالث بعده بديت اتعب وينزل معي دم ومع المواعيد بالمستشفى اتصح لي ان الجنين مازاد نموه من 12 اسبوع قلت خليني اتاكد الين اثبت لي كذا دكتور انو هو هو ماتغير النمو معناته متوفي رضيت بقضاء اله وقدره وقرر لي تنظيف لكن رحمه ربي فوق كل شئ وفي يوم الموعد للتظنظيف نزل من نفسه وهذا اول حمل لي

بعده ب7 شهور حملت يعني حاليا مالي شهر واسبوووع بعد ماشفت الدوره تاخرت رحت حللت قالت حامل وحمدت ربي وفرحتي ماتوصف وبما انه حملي الاول فقدته قلت احافظ على نفسي بكل حركه ووو الخ المهم ارداة ربي فوق كل شئ ماجلست اسبووع الا والاقي نقاط دم واتعوذ من ابليس واقرا على نفسي واروح للمستشفى واعطتني مثبت حمل ووالحمدلله لكن للاسف كل مال والدم يزيد مثل الدوره واكثثثثثثثر لدرجه خفت وبلغت زوجي رحت المستشفى تحاليل وووروحه وجيه واخر تحليل قالت لي الدكتوره نتاكد اكثر هل مازال فيه حمل ولا تم فقده مع الدم حللت وطلع مافيه حمل لان انا شفت قطع تنزل الله يكرمكم بس سكت قلت اتاكد بالتحليل والحمدلله على كل حال
سؤالي هذا ثاني حمل ياخواتي افقده ولا ادري وش السبب ولا وين المشكله مع اني انسانه محاافظه على نظافتي وطهارتي بعد الدوره غير كذاا ذكر الله على لسااني يعني مدري وش العله سبحان الله سالت قالو لي يمكن قرين بسم الله او عين اوو الخ اسباب كثيره بس والله الحيره متعبتني وزوجي يقولي اول متطهرين الحين نشووف دكتوره تراجعين عندها على اسااس تعطيك مقويات ومنشطات علشاان احمل بتوأأم وش رايكم اباادر فيها الحين ولا اخليها فتره بما اني توني فااقده الحمل وش تنصحوني بالدكتوره بالرياض بحي الشفا ؟؟
وكيف اعرف بطانه الرحم سمكيه ولا خفيفه يمكن يكون السبب رقتها او سماكتها علشان كذا مايتحمل؟؟
وهل هذا متعلق بهرمون الحمل يمكن يكون ضعيف؟
وكيف يتم اخذ منشطات والحمل بتوام بعد الله سبحانه وارادته عز وجل؟