احداث ولادتي المفاجئه

السلام عليكم
مساء الخيرااات والليرااات
اخباركم حبيباتي
اليوم راح اقول لكم قصة ولادتي ببنتي الله يحفظها ويصلحها هي واختها
يوم الجمعه الموافق 9 / 3 / 1429 هـ
طلعت اتمشى انا وزوجي وكنت مرهقه وتعابانه لاني كنت في اخر الايام من شهري التاسع
وقررنا نروح نمشي عند مستشفى الجامعي لاني بولد فيه
بس بعد ماوصلت له حسيت بشوي تعب زايد علي قال زوجي خلينا نروح لطوارئ وخليها تكشف عليك
بعد مادخلت واجات الدكتوره وكشفت قالت لي انتي توني افتح لك الرحم 1 سم
واذا جاتك الولاده روحي اي مستشفى ثاني اولادي فيه
قالت لها ليه قالت لان الحضانه ملايانه طلعت لزوجي وقلت له الي صار معي طبعا راح ودخل على المدير المناوب وكلمه وكلم الدكتوره وقالت مافيه امكانيه وانهم حاطين اعلانات بعد كذا استسلامنا للامر الواقع
وبعد كذا رحنا البيت وقال زوجي في الصباح ماراح يروح لدوام وراح نروح اي مستشفى خاص افتح فيه ملف تحسبا للولاده
المهم طول الليل انا مانمت الطلق يروح ويجي مع خيوط دم وانتم بكرامه وكنت مهمومه وخايفه ولما جات الساعه 6.45 صباحامن يوم السبت صحى زوجي وشافني تعبانه قالي يالله خلينا نروح على المستشفى وصلنا على المستشفى الساعه 8.20 تقريبا تعرفون زحمة شوارع الرياض
بعد كذا دخلت الطوارئ وقابلتني الممرضه وقلت لها وش احس فيه وبعد كذا راحت ورجعت لي وطلعتني على طول قسم التوليد وبعد كذا كشفو علي واخيرا ولدت وطلعت احلى بنت وسميتها وسن وراحت الممرضه وبشرت زوجي وبنتي الي فرحت الانها كانت تتمنى اني اجيب بنت وطلب زوجي انه يشوف بنتي وياذن في اذنها ويوريها اختها الي تستنى المفاجئه والي طال انتظارها بنسبه لها
وهذي الي قدرت اكتبه من احداث ولادتي الي تختلف عن ولادت اختها
هاه وش رايكم في الاسم
واسفه على الاطاله وهذي كل احداث قصة ولادتي باحلى قمر الله يخليها لي هي واختها وابوهم ياااااارب ولا يحرمني منهم :0153: