عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
بنات أنا أحترت مع بشرتي هل هي دهنيه وجافه وحساسه ولا جافه وحساسه
هي دهنيه في منطقة الجبهه والذقن والأنف بس جافه في الخد و مع ذلك في عندي في منطقة الخد حبوب
وعندي هالات سوده تحت العين
المهم أنا جربت منتجات ذي بودي شوب
وايد زينه بس شينه في نفس الوقت
بعرض عليكم المنتجات الي خذتها وبقولكم لو ناسبتني ولا لأ……. 😥
من غير مبالغه وايد زين وينظف عدل تحسين ان بشرتج نظيفه بعد الإستخدام
ثانيا:
الرقبه وياها بتلاحظين سواد يطلع أكثر يعني ينظف عدل
ثالثا:
كريم مرطب خفيف يتحكم باللمعان خالي من الزيوت
ولما أمرر الكريم على المنطقه الي يصير لونها أحمر أحسه يحمرها زياده ولسعه خفيييييفه وتروح
مادري ليش يصير فيني جذي الي تعرف تقولي إيه وريحته تبين انه فيه عطر
كريم يتحكم باللمعان وهو واقي من الشمس وخالي من الزيوت
وايد زين ويحمي من الشمس أنا كنت أستخدم نيفيا بس ليقته وع لأن لما اطلع برع ألاحظ أن ويهي مدهن
بس هذي لأ وأحسه خفيف وتمتصه البشره بصرعه
:
هذا أنا ماكنت أعرف عنه لما شريت هالمنتجات استغربت ان ليش في نهاري ووين الليلي
دورت في النت أتاري فيه ليلي هذا لسه بشتريه وبجربه بس أخاف يطلع مثل النهاري
ولا استفدت منه شي خليته على جنب ما قطيته
أما العين أمي عطتني كريم أوباجي عطاها الدكتور حسيته عادي ومفعوله جدا بطئ ولاحظت انه يعطي لمعه
تعكس الضوء يعني بياض وهمي مادري لوعندكم كريم ثاني علموني
بنات بليز مابي خلطات لأني جربت وبشرتي راحت فيها ❗ ورحت عن الدكتور
وكلت تهزيئه من امي الله يهديها
المهم انا ودي أعرف بشرتي ليش لما استخدمت كريم الترطيب من بودي شوب صار في ويهي جذي
أنا الحين أكلمكم وأحس ان بشرتي تحكني بس مب حيل
ودي أعرف هي جافه الي حساسه ولا دهنيه الى جافه ولا كلهم
لما رحت عند بودي شوب قلت للبياعه أبي للبشره المختلطه الدهنيه والحساسه والجافه
بس ساعتها ما كنت متأكده ان بشرتي نوعها جذي
أي صح تذكرت بوندز سببلي حبوب في خدودي صغار:) وما راحو 😛
في إنتظاركن 😥
في حفظ الرحمن
