اجتماع زوجات الاخوان والحرب !!!!

هلا والله حبيباتي فديتكم
بغيت اقول لكم سالفة تقرقع ببطني لها فترة الاخوات المتزوجات اللي زوجها له اخوان متزوجين وبينكم زيارات وروحة وتجتمعون ومسايير او تجتمعون ببيت الام وفي المناسبات
انا علاقتي باخوات زوجي مرة حلوة (الحمدلله على النعمه حتى مع خالتي (ام زوجي الله يرحمها )وسمعتي احلى من المسك بينهم وقلبي طيب معاهم لااشيل عليهم ولا يشيلون علي وعيالنا واااحد نمون على بعض بكل شي يعتبروني وحدة منهم وعيالي يموتون عليهم اكثر من اهلي قبل كم سنة جت وحدة من زوجات اخوانه من الخارج وتزوج اثنين من اخوانه لكن تعالوا شوفوا وش صار
اجتمعوا الزوجات وصاروا يلقطون على الاخوات المواقف والكلام والحركات حتى تعابير الوجه وعلى قولة (شفتي وشلون سوت, والا وش قالت, والا ردها وش قالت لولدي, كيف كلمت بنتي ,شفتي فستانه , زوجها جابها , وداها , اجتمعوا ما علموني ,خالتي تقول عن عيالك ما يسمع الكلام او عن ولدك زعول )
يعني غيبة وتقطيع ونميمة وحشو للقلوب بالضغينة وصارت كل وحدة تحط لنفسها برستيج وتقول لزوجها (انا ما اروح الا بعزيمة ويكلموني انا ما يدقون عليك ) يعني رسمية واذا عاملوها برسميتها واجتمعوا خفافي الي طالعة من عيادة او جاية من السوق (وباقي ما بين)
شي يقرقع بقلبي وقلته ومتقبلة لردودكم وارائكم بسعة صدر تسلمووو