عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلاام عليكم احلى فراشاات شلونكم عساكم طيبين
راح ادخل بالموضوع مباشرة..انا مخطوبه عن حب وشهر 8 راح اكمل سنتين خطوبه ان شاء الله بداية خطوبتي تعرفت على بنات عايله زوجي وصبيانهم وكلهم بالمختصر وفي وحده اللي اهيه خطيبة ولد خال خطيبي حبيتها من اول مرة قعدت اتكلم معاها شفتها حبابه طيووبه وشوي شوي صرنا نطلع مع بعض انا واهيه وخطيبي وخطيبها هذي في السنه الاولى والسنه الثانيه لاحظت تغيرات عليهم مثل ما يتصلون عشان نطلع مثل قبل والخ المهم لبنيه اكبر مني سنه وحده وزوجها ولد خال خطيبي مثل ما قلت وتغير كثييير على خطيبي تصرفاته مثل اليهال ولا يتصل في خطيبي وصار مايسال المهم مرت الايام وتوها شهر 2 تزوجوا المهم علاقتنا عاديه مافيها مشاكل وتقريبا يوميا اكلمها على الهوتميل سوالف وهدره وانا وياها مشتركين نفس المنتدى وشهر اربعه اكتشفت انها رايحه قسم الحمل والولاده في المنتدى وكانت تسال كيف احسب تاريخ ولادتي وقالوا لها المهم وقالت لهم ان اول حمل لها وان اهيه حامل اكتشفت وانصدمت لانها ماخبرتني المهم قلت خل اصبر يمكن تبي تسويها مفاجاة ومرت الايام والاخت ما تتحجى رحت واجهتها وقلت لهاا هااا مبرووووك يقولون انج حامل الا قامت تضحك وتقول ههههههه ليكون حملت وانا ما ادري وبعدين من وين عرفتي قلت لها من العصفورة الا تقول لي اهاااا اكيد من المنتدى قلت لها اي الا تقول لي لا انا رحت فحصت فحص الحمل وطلعت مو حامل مجرد كنت افترض افتراضات عالمنتدى انا هني صدقتها ونسيت السالفه.. والحين بعد شهرين من القصه حماتي قالت لي تدرين ان فلانه حامل صار لها شهرين ونص قلت لها صج والله مادريت ما خبرتني حماتي استغربت…المهم قلت صبري يا بنت يمكن يبون يسوون مفاجاه عشان يقولون لنا انا وخطيبي المهم تمر الايام والاخت شفتها ناشره خبر حمالها على المنتدى خلاص يعني الكل يدري والكل في المنتدى صار يبارك لها هني وايد صدمتني قلت ليش ما خبرونا اهيه وريلها…المهم توها من اسبوع واحنا نسولف قالت لي ان عنها موعد عند دكتور عشان يفحص هرموناتها على اساس دورتها مخربطه وقالت لي على اسم الدكتور في مستشفى معين لما سالت عن الدكتور طلع دكتور عيون ومش دكتور نسائي المهم بعد تركتها الا بعد فتره سالتها عن صحتها وقلت لها شنو قالك “الدكتور” تقول ولاشي تسلم عليكي الدكتوره قلت لها لا بجد يعني شو صار معك تقول مافيني شي الحمدلله الدكتورة قالت لي اني اتدلع شوي قلت لها اهااا لا تحاتين ماعليج الا العافيه..قمت سالتها قلت لها شنو اسم دكتورتك لان صديقتي تعاني من خربطه الهرمونات الا ردت علي وقالت لي الدكتور جهاد دكتور ممتاز قلت لها توج تقولين دكتورة شلون صار دكتور تقول لااااا دكتورتي مسافرة وعطت الفايل حق هالدكتور وسبحان الله ما يصير اخربط في الكلام يعني؟ قلت لها اهااا اوكي يعني تلاحظون الكذب هني؟؟ المهم البنت مصره تخبي عني وماتقول انا رحت وكتبت في نك نيمي مال المسنجر ول ول ول كل هذا كذب ونفاااق بس يلا خل نستهبل…الا اشوفها غيرت نك نيمها وكتبت مووتوووو قهر يالعذاال واللي يتذاكى يرجع بيته..حتى ماتعرف تتحجى بعد المهم وكتبت اهيه بعد نك نيم ثاني ربي احفظنا من الحساااد تراهم زايدين هالايام واجعل كيدهم في نحرهم امييين…انا كتبت في نك نيمي اللي على راسه ريشه يتحسسهاا الا تغير نك نيمها ثاني يوم وتكتب الحقراان يقطع المصراان..تركتها وعقب كم يوم اشوفها كاتبه الحمدلله ان ربي كشفلي الوجه الثاني حق بعض الناس الله يحفظنا منهم….
بنااات ادري طولت عليكم كثير بس يا ترى شنو هالشي اللي قاعد يصير وليش اهيه تسوي جذي؟؟؟ عمري ماغلطت عليها ولاتكلمت عليها بالعكس وايد كنا زينين مع بعض وبالاخير تقول عني كل هالحجي ليش في اعتقادكم كل هذا؟؟
