عالم البنات النسائي كل ما يخص المرأة العربية من ازياء وجمال والحياة الزوجية والمطبخ
والله العظيم كرهت حياتي وماعاد لي نفس اعيش ولا احس بحلاوة الحياة
كل يوم اقول بكره تنحل وتنفرج ولكن اليوم زي امس
ماعاد اتحمل اكثر واحس بصداع ونفسي اروح لاقرب سكين في المطبخ
القصة ومافيها
انا حياتي ماعاد فيها احد اشكي له همي وكمان اقرب الناس لي
عندي عمه وماعندها عيال وربتي وقريبه من بيتنا يعني تروح وتجي عندنا زي ماتبي
المهم ملكة اخوي ان شاء الله في شهر صفر
وهي تتدخل في كل شئ
واللي قاهرني ان كل ماقلنا بنجيب كذا وبنشتري كذا قالت لا روحوا جيبوا كذا واشتروا كذا
يعني مابتعطينا مجال
اخر شئ قهرتني علي شانه
انها تبي مطربة معينه تجيبها وانا واختي رافضين
وعصبت وتخاصمت مع اختي وزعلت منها
وجات عندي انا وقالت روحي اتصلي بصاحبتكي فلانه وخذي الرقم منها حق المطربه
قلت لها اختي بتجيها
قامت عصبت وقالت : اختك ماتعرف في اي شئ اقول روحي اتصلي وخذي الرقم
قلت لها لا ماراح اتصل
وجلست ابكي وابكي ومن القهر افكر ببالانتحار من زمان
وقبل كم يوم رحنا نحجز الاستراحه
قمت شفت وحده من زمان نفسي فيها ولما دخلنا وشفناها من جوه ماكانت حلوه زي اللي برا بس اللي اعجب عمتى فيها انها رخيصة
قمت قلت لاخويه هيا ندور وحده ثانية مكه ياكثر استراحاتها
قالت : لا بناخذ هذي
قلت : لو اموت مااخليكم تاخذونها
اش فيها حلو
لاكوشه ولامدخل ولا كراسي ولاشئ تقول حقت عشاء مو ملكه
المهم هي عصبت وانا عصبت وقمت تركتهم جوتها ورحت السيارة وجاء اخوي قال اش فيكي
قلت له : لو اخذتوها تراني ماراح احضر ملكتك هذي اش تبي فيها
وهو مسكين اول مره يشوف استراحه قسم النساء قال حلوه
قلت يالبقره هذي جحر فيران مو استراحه يالله خلينا ندور وحده ثانية
وبعد جهد في اقناع عمتي رضيت بس قالت اذا مالقينا ارخص راح نرجع لها
وانا علشان امشي الموضوع قلت اوكيه
المهم قلت لاخوي بصوت منخفض دور في كل مكه بس هذي لاتاخذها
قام قال لي : يصير خير
المهم وجلسنا ندور والحمد لله لقينا وحده كلمة روعه عليها قلياة ولكن اغلى من الاولى ب500 ريال
المهم بعد المداولات والاخذ والعطاء واجتماع مجلس الامن (اقصد العيله)
رضيت عمتنا المصون من فوق خشمها وغصب عنها لانها اعجبتني انا واختي واخوي
والان علشان ترد لنا الصاع صاعين زي مايقولوا جلست تقول المطربة جيبوا هذيك ال…….
واحنا ماتعجبنا وماراح نجيبها لو ايش
ومن العصر وانا خلقي ضايق ومليت الحاله والبيت والشارع والحارة والدنيا كلها
وعمتي هذي من يوم احنا صغار هي متعوده تشتري لنا اللي تبغاه وتصرف علينا احيانا
والان الحمد لله كبرنا وصرنا نصرف على انفسنا
واللي يقهر كمان اكثر واكثر
اني اذا نزلت السوق اشتري لي فستان او عطر او اي شئ تتدخل وتختار اللي تبغاه وانا اتحم واسكت لكن الملكه حقت اخوي لا ماراح اخليها تسوي اللي تبغاه خلاص وصل السيل الزبي
فياليت تنصحوني لان هالفكرة دائم في بالي واخاف في يوم اجي انفذها
وكمان في موضوع جاب لي القهر اكثر واكثر بس ابغي نصيحتكم لاتهملوني والسلام عليكم ورحمة الله وبركاته :02:
