عالم البنات النسائي كل ما يخص المرأة العربية من ازياء وجمال والحياة الزوجية والمطبخ
.. السلاام عليكم ورحمة الله وبركااته..
اسعد الله مساكم وصباحكم بكل خير
اتركم مع اخر قصايدي وان شاء الله بتعجبكم
ياصاحبي وينك تراني تحيرت
ومن غيبتك ياما لنفسي شكيتك
يااني على بعدك صبرت وتحملت
وابطيت في هجرك وانا مانسيتك
بينت ضحكي للبشر دوم جاملت
وليا سروا عني ذكرت وسريتك
في ليل حزني منك ياما تألمت
وفي كل يوومي مااذكر اني نسيتك
ياللي ببعدي عنك دامك تساهلت
واناحفظتك في الحشا وسط بيتك
انت الذي في ودنا دووم اهملت
وانا الذي مديت وصلي وجيتك
مدري علامك عن غلاتي تكبرت
بس الاكيد اني انا ماجفيتك
لاكن لو من عقب هالصده اقبلت
قلبي يتعذر منك ماعاد بيتك
دامك كسرته بالجفا وفيه اهملت
ودامي على وسادة منامي بكيتك
اليووم من هجرك تراني تعلمت
ومن نفس كاس الصد بيدي سقيتك
خلك تألم مثل ماني تألمت
وابشرك يااصااحبي اني نسيتك
(هالقصيده كتبتها في انسانه كانت غاليه ع قلبي بالحيل بس للاسف اهملت صداقتنا وغيرتها الاياام سبحان الله ونست ونا اجبرت نفسي تنسى من ينساها )
وسلاااااامتكم
