عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
اخواتي الكريمات
صباح مساء الخير
الصراحه انا سجلت بالمنتدى صار لي فتره بس ما قدرت اشارك الا الحين بسبب ضروف
المهم خواتي انا طايحه بمشكله يطول شرحها مع زوجي والمشكله اعرف اني انا غلطانه كثر ما هو غلطان
بس الي ابا اذكره الحين اننا كنا منفصلين وانا رجعت بيت هلي والي ساكنين في بلد ثاني غير الي كنت ساكنه فيه معاه وطبعا معاي عيالي اثنينه صار لنا شهوور هني وتقريبا تراضينا ويجي لنا بيت هلي ويتم معاها بالايام لما يلقى اجازه
مب هني السالفه الموضوع انه بين فتره والثانيه ياخذ معاه ولدي ا لبكر وطبعا لان البلد بعيده شويه يتم ويا ابوه اسبوع واسبوعين وبرضاي المشكله والي صار اني كل ما بغيت اكلمه ادق له ودايما يتعذر ما عنده رصيد عشان جيه ما يتصل بي لين صارت مشكله ومشاده بيني وبينه وقلت له معقوله اقل الرصيد بيخليك تتصل عشان اكلمه وماراح ياثر في ميزانيتك ومازال مصر على هالعذر الي صار انه لما جاب الولد انا شفت تلفونه <<< عندي عاده اني اراقب تلفونه من بلاويه …
المهم لقيت رسايل منه وله من وحده كان مسجل اسمها حبيب اونه يعني رجال وانا شايفه الرقم من زمان وشاكه بس ما تاكدت الا الحين المهم ان الرسايل مضمونها كالتالي عشان تكونون معاي بالصوره
” طرش الرقم حق الرصيد مره ثانيه الي طرشته طلع غلط “
” قلت لك الرقم غلط طرش الرقم السري مع الرقم المتسلسل “
” يا اخي اذا ما تبا تطرش لي رصيد لا تطرش بس لا تخليني ادخل الرقم غلط وبالاخير الهيئه تمنع رقمي “
” خلاص انساني ولا تتصل مره ثانيه انا قلت لك خلاص ما احبك ”
طبعا هالرسايل منها هي مع اني اعرف بلاويه بس تفاجأت لانه حلف لي انه ماراح يسوي جيه مره ثانيه وانه يحبني انا رحت صوب الرسايل المرسله ابا اشوف ردوده
” هذا الرقم صح تاكدي ودخليه مره ثانيه “
” والله الرقم صح تاكدي ”
” اترجاك ”
بالاخير الرجال تعب ورسل لها ” باي ”
انصدمت من يومين يحلف لي انه ما يحب غيري حاولت اقنع نفسي ومثل ماتقول امي هذوله الرجال طبعهم جيه استحملي وهو ما يحبها ولا شي بس يلعب عليها
تميت اقرا الرسايل المرسله ولقيت رسايل منه يترجاها ويقولها بالمفم المليان انا احبك وانتي تحبيني ومدري شوو وعشان خاطر محبتك
ريلي يترجاها عشان ترجع له ويرسل لها رصيد بالشي الفلاني وكل ما اقوله طرش لي فلوس لعيالك دايما وعلى طول يقولي ما عندي ومعاشي ما باقي منه شي اقولكم يا خواتي صار لي يمكن 6 شهور ما شفت منه شي حتى بالعيد الي طاف ما عطاني شي
شو رايكم كيف اتصرف معاه وكيف مفروض يكون رد فعلي
اختكم بنت امس
