عالم البنات النسائي كل ما يخص المرأة العربية من ازياء وجمال والحياة الزوجية والمطبخ
لو صليت في مكان وبعد الصلاة اللي جنبك مد ايده وقالك تقبل الله.. يبقى مصري
إذا سمعته بعد أن يضحك كثيرا يقول ” خير اللهم إجعله خير ” .. فتأكد أنه مصري ..
و إتصلت بيه في التليفون , وقال لك من غير مناسبة ” كل سنة وإنت طيب ” .. فتأكد أنه مصري
لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا
-لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني، ومع الورقة الثالثة: العدد ثلاثة .. يبقي
أكيد مصري ابن مصري
– لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري
– لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة
لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية
– لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصريين مصريين
– لما تلاقى اننا شايلين اكياس من جميع الاشكال والالوان تحت المرتبه نبقى مصريين
لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه … يبقى مصرى.
لما تلاقي سيدة في الرايحة والجاية عمالة تدعي لأولادها وتخلى الدنيا
تدعيلهم… تبقى دي أم مصرية وطموحاتها وأحلامها الشخصية فى الحياة إن
ولادها يبقوا مبسوطين
لما تلاقي حد بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها بيفرش له الملايه يبقى أكيد مصري ..
-لما تلاقي واحد جه بعد معاده بساعتين و فاكر إن ده هو العادي يبقى مصري ..
– لما تلاقي واحد حاطط الريموت كنترول في كيس بلاستيك كعاده فرعونية أصيلة …يبقي برضو مصري
– لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر
– لما تلاقي حد في اي خلاف قالك صلي على النبي يبقى اكيد مصري …
-لما تلاقي حد لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه يبقى مصري ..
– لما تلاقي حد بيفاصل في شرا كل حاجة يبقى مصري ..
– ولما تلاقى شعب فى اكبر ازمه بيمر بيها … مابينساش يضحك ويطلع افيهاااات
ويضحك اللى حواليه وكل العالم يتكلم عليه وعلى خفته
يبقى انت اكيد تقصد … شعب مصر…. —
منقول 😉
