أول رواية لي: خيانة الصديق ألعن من خيانة الحبيب

الجزء الأول

“تررررررن!!!” دق المنبه و على طول طلعت يدها من البطانية و طفته.. و قامت من النوم منزعجة.. تذكرت ان اليوم اول يوم مدرسة.. و كانت طول الاسبوووع متحمسة على المدرسة.. قامت و هي متحمسة و شوي متوترة… راحت الحمام – و انتو بكرامة- و قضت حاجتها… و طبعا هالبنت نفس الكثير من البنات بعمرها تاااركة لصلاتها و قرآنها… لبست مريولها البني (مريول اعداديمتوسط) و جلست قدام المرايه تمشط شعرها القصير و ربطته على فوق و خلت قذلتها على وجهها..
ام
ريم: “ريييم! يلا حبيبتي بتتأخرين على المدرسة!” و هي تحت تنتظر
ريم: “ايي انشالله ماما كاني يايه”
و لبست شيلتها و خذت شنطتها و نزلت تحت.. و طبعا ما كلت شي.. في الايام المدرسية ما تحب تاكل من الصبح << غير عن الناااس

نزلت من السيارة و ناظرت البنات الي يدخلون المدرسة و ابتسمت و دخلت معاهم.. ناظرت البنات الي بالساحة قبل لا تركب تشوف صفها تدور رفيجاتها بس ما لقت احد و راحت فوق… دارت على الصفوف كلهم تدور اسمها على الاوراق الي ملصوقين على كل باب مكتوب فيهم اسامي البنات الي بيقعدون في هالصف طول السنة الدراسية… ثاني اعدادي فرقة 1… لا اسمها مو هني… ثاني فرقة 2؟ لا… لييين ما وصلت ثاني اعدادي فرقة 5.. و كان اسمها اكوو على الورقة… ريم محمد عبدالله.. و حطت شنطتها على اخر كرسي.. و طلعت من الصف.. طالعت بساعتها.. 6:32.. تووو الناس على الجرس
ريم و هي تناظر البنات الرايحين و الجايين: اوهوو وين بحصل ربعي في هالزحمة…
“ريمووووووووووه!!!!!”
سمعت صوت بنت تصارخ من وراها.. و تميز هالصوت عن الف صوت.. و ابتسمت و لفت..
ريم: اسرااااااااااااء!! اسووووره حبيبتيييي!!
و ركضو حق بعض و لمو بعض لييين ما قالو آميين
اسراء: رييمووووه وحشتيني
ريم: و انتييي اكثر!! تعالي.. انتي وين صفج؟
اسراء: انا صفي تحت.. انتي وين صفج؟
ريم: لااااا!! انا صفي هنيي فوووق!! بعاد عن بعضضض!
اسراء: اوهووو شنو هالترتيب البايخ الي حاطينه حق الصفوف.. خلاص ولا يهمج اشوفج بين الحصص و الفسحة
ريم: ايي اوكي
و قعدو يتمشون في المدرسة و يسلمون على بنات يعرفونهم على طريجهم لين ما دق الجرس حق الطابور الصباحي.. و بعد الطابور كلن توجه لصفه…

ريم قعدت مكانها ورى.. و قعدت بنية صوبها.. تأملت فيها.. كانت وايد قصيرة.. و شعرها لين كتفها اسود و كان معفوس و مو مسرحته.. و كانت ملامحها شوي آسيوية.. و كان على وجهها.. نظرة غروووووووووور
” خيير؟”
ريم توها انتبهت في روحها انها كانت قاعدة تاكل البنت بعيونها
ريم: ويي سوري سرحت شوي ههه… انا ريم..انتي منو؟
“انا اسمي مريم”
ريم: تشرفنا
مريم عطت ريم نظرة.. ريم ما فهمتها.. و ابتسمت لها و لفت وجهها لأن دخلت المعلمة.. و نفس الروتين كل سنة اول يوم مدرسة.. المعلمة تعرف نفسها.. تسأل كل بنت شنو اسمها.. الخ..الخ.. قعدت المعلمة مكانها و قالت للبنات يسوون الي يبونه بس بهدوء..
ريم لفت وجهها على مريم: ايي شخبارج بعد؟
مريم:مااااشي حالي هههه.. و انتي؟
قبل ما ترد عليها ريم.. راحت لهم بنت ساحبة كرسيها و جرته و قعدت صوبهم
“يصير اقعد معاكم؟ ماعرف احد بهالصف”
ريم: اي حياج.. شسمج؟
“انا اسمي فاطمة.. انتي؟”
ريم: انا ريم و الي جنبي مريمووو >> جنه طيحت الميانة مرة وحدة؟ خخخخ
فاطمة ابتسمت لهم و قعدت تسولف مع مريم.. بس ريم كانت بس تناظر بوجه فاطمة…. كانت آآآسيوييه!! عيونها مسموووتة و بشرتها بيضة و شعرها خيوووط حرييير بلون الفحم و كان طويل..بس كان وجهها صافي و نعوم.. و تحسس الواحد انها بنت نظيييفة و ماعندها سوالف مني مناك.. مع ان مافيها ملامح كلش.. بس كانت ريم تحسها جميييلة… ريم كانت منبهره..”فلبينية هالبنت!! شلون تتكلم باللهجة البحرينية باءتقااان و بدون اي تكسير؟! مو معقولة انها بحرينية اصلا! هذي فلبينية فلبينية! ما فيها اييي ملامح عربية على الاطلاااااق!!!”
ريم: اححم.. فاطمة؟ ممكن اسأل سؤال؟
فاطمة: ايي تفضلي..؟
ريم: انتي من وين؟
فاطمة: اممم..؟ انا من البحرين…
ريم: اهااا…
فاطمة ضحكت كأنها توها مكتشفة علاج للسرطان ×_×: هههههه!!! ايي انا فهمتج الحين ليش تسألين.. شكلي ما يوحي صح؟ انا امي من الفلبين و ابوي من البحرين.. بس ماخذة كللل شي من امي.. ملامحي.. تركيبة جسمي.. كل شي! ف ما يبين علي
ريم: اهاااا اوكييي!! ههههه السموحة يعني بس ما كنت ادري!
فاطمة: لا حبيبتي عادي شدعوة
مريم: ريموو يالهبلة توج مستوعبة.. حتى انا امي فلبينية!
ريم: اهااا.. بس ما يبين عليج وايد.. يعني ملامحج شوي اسيوية بس ما يبين عليج انا امج فلبينو
مريم: اي ادري > و تعابير ويهها اوحت انها مو مستانسة ان ويهها ما يوحي ان امها فلبينية
ريم كانت منصدمة.. بحرييني.. ياخذ.. فلبينية؟ من قل البنات الي مو متزوجات في البحرين يعني؟ و من وين يجيبونهم؟! شغالاتهم.. لو يجيبونهم من الفلبين؟ (اي ترى صاير شي في البحرين نفس الموضة ان الرجال يتزوجون فلبينيات و كل بنت امها فلبينية يبييين عليها بويهها!! اللهم لا حسد هالفلبينيات الظاهر جيناتهم قوية خخخ)
عدى هاليوم الدراسي على خير.. و طبعا ريم اكتشفت ان عندهم بالمدرسة قبيييلة بنات امهاتهم فلبينيات! و طبعا يقولون عن نفسهم “فلبينوز” و ما يحبون يعترفون انهم من البحرين.. و بعضهم اصلا يتكلمون مع بعض فلبيني في المدرسة..
رجعت ريم البيت و تغدت.. و طبعا تغدت بروحها لأن امها في الشغل و يدها و يدتها كانو طالعين..

(قبل ما اروح ابي اعطيكم نبذة عن حياة ريم عشان ما تتخربطون):
ريم عمرها 13 سنة و في ثاني اعداديمتوسط.. و هي كل سنة تكون اصغر بسنة من البنات الي بصفها لأن رفعوها صف.. لأنها كانت في مدرسة خاصة و نقلت حكومة في صف الرابع و رفعوها صف.. و علاماتها دائما مرتفعة لكن عندها مشكلة كبيرة بالرياضيات.. و امها و ابوها متطلقين من يوم هي صغيرة.. ابوها دائما مسافر لكن لين يكون في البلد تشوفه مرة في الاسبوع.. و علاقتهم جدددا سطحية.. و ابوها متزوج.. و ريم تحس ان ابوها ما يحبها.. لكن ولا مرة قالت لاحد شعورها.. و ابوها متدييييييين… عكس امها.. امها للحين مو متزوجة.. بس ماشالله جميلة و الف من يتمناها.. و ريم بنتها الوحيدة.. و ريم بالنسبة لها اغلى شي في الدنيا و تحبها و دائما تسأل عنها و تعطيها الحب و الحنان الي ريم محتاجته من امها ووو ابوها.. و امها ملتزمة بس فري اكثر من ابوها الي وايد متشدد.. و ريم تعيش مع امها و يدها و يدتها في بيت وايد كبير لأن اهلها من صوب امها بطرانين.. و من صوب ابوها بطرانين اكثر و اكثر.. فماشالله هي بنت نعمة و فلوس.. و طبعا مثل ما ذكرت انها تاركة لصلاتها و لقرآنها بس محد يدري عنها..