أنا استسلمت.ليش يوقف نزول الوزن؟ مررررررررة تعبت

السلام عليكم يا فراشات انا استسلمت خلاص , قبل سنة ونص جبت طفلي الاول بعدها من العبط سبت نفسي وزاد وزني بطريقة غبية ,المهم يعني بعد ماصار عمر طفلي سنة حسيت اني تخنت.
بدئت رياضة رجيم المهم اني نزلت خلال سنة كاملة 15 كيلو فقط شي محبط جدا جدا ,بعدها قضيت سنه كاملة احاول انزل اكثر من كده مني قادرة وجسمي بطل يستجيب لأي حمية مهما كانت, ما ابغى اقول قد ايش كنت محبطة وحاسة بالفشل خصوصا انو الي كانو معاي بالنادي الرياضي نزلو كل ازوانهم وصارو سمبتيك وانا في مكانك سر ما في اي تقدم بالرغم من المشي الرياضة الحمية وقوف حقير ممل وقاتل اكثر من مرة فكرت انسى موضوع فقدان الوزن لكن اشد حيلي بعد مدة
.بعدها اظطريت لسفر للخارج لمدة شهر ورجعت شايلة 7 كليو معاي , الشي المحبط اني ماخليت حمية طبية ماسويتها مع اطباء والله بسوي كل اللي بنطلب مني بس الوزن وقف. وانا ما في اي طاقة لتحمل الفشل وزني القديم مني عارفة كيف ارجع, دحين بطلت النادي بسبب انو كل زميلات التخن صارو مرة نحاف وجنبهم صرت احس بالضخامة;), لدرجة اني لمن رحت مكه اسوي عمرة في رمضان اللى فات كان نص دعائي يارب عينني اني اكمل مشوراي.
الحالة :7كيلو استعدتها,20كليو الريد فقدانها
الوزن:87,الطول164
الزيادة:27كيلو
الوزن المثالي:من 69الى58
——————————————————
مرت الان 3سنوات وانا في هذا الصراع الذي عكر على حياتي تماما فأنا الان لاني في حمية ولا اني بدون حمية فقدت تركيزي واحتاج للمساعده الجادة مين عندها حل او فكرة او حتى جربت نفس الحال, الله يخليكم اريد حل لايهم قد ايش حياخد وقت المهم انو يكون ناجح وصحي واتوقع من الفراشات المساعدة لاني طرقت كل باب وصرت محبطة تماما تماما