عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخباركم ياافراشات
بنتي الله يحفظها دايم تتبول في الليل عمرها 5 سنوات ومازالت نفس المعاناه
قلت لازم اعودها تترك العاده هذي
والحمد لله جربت الطريقه هذي ونفعت معاها لكن لازم الاستمرار والمداومه عليها وباذن الله فتره وتكون عال العال
فيه امووور مهمه لازم تتقيدين فيها وهي…
*** اول شئ الـ3 ساعات قبل النوم هذي تمنعين السوائل نهاااائي عن الطفل
*** قبل النوم لازززم تروووح على الحمام وانتوا بكرامه
*** بعد النوم وقتي المنبه بعد 3 ساعات من نومها وقوميها ووديها على الحمام وانتوا بكرامه
ليش بعد 3 ساعات؟؟؟ لان المعده كل 3 ساعات تكون انهت عملها وراح يتجمع البول بعد الوقت هذا
ولازم تقومي الطفل وتوديه الحمام وانتوا بكرامه
لكن بعد 3 ساعات بعد مايروح الحمام خلاص ماراح يتبول بإذن الله لانه مافي سوائل في المعده
هذي الطريقه باختصااار ولازم تطبق كل يوم
والاهم من هذا كله وهو التحفيز والتشجيع للطفل والطريقه اللي استخدمتها مرررره روووعه والحمد لله بنتي ماشاء الله عليها صاارت تتحمس تصحى كل يوم وتفرح لما تصحى وفراشه نضيف
الطريقه اخذت ورقه وقسمتها على ايام الاسبوع
وكل يوم تصحى وتكون امورها تمام احط لها نجمه عند اليوم هذا واذا لا لالا احط اكس
وقلت اذا جاء نهاية الاسبوع وعدد النجمات اكثر من الاكس راح اعطيك هديه نهاية كل اسبوع
وماشاء الله عليها تحمست بالمرررره مع الطريقه هذي وسهلت علي كثيرررر
هذي طريقتي مع بنتي وحبيت اخبركم فيها لاني استفدت وابي غيري يستفيد لاني عارفه ان المشكله هذي في كل بيت تقريبا
واللي تبي تنقل الموضوع عاادي تنقله والله يجزاها خير اللي تساعد على الخيرر
ولاتنسوني من دعواتكم
