أفكاري وافكاركم .. في الحفلات .. نبغا تفااعل يا قماااري

السلام عليكم ورحمة الله وبركاته ..


كيفكم يا عسوولآآت .. ايش اخباركم ..؟


كيف الاختبارات معاكم ؟؟ عسا ربي يووفق كل وحدة مرت بالموضوع او ردت ع الموضوع


موضوعنا اليوم عن كيف نحتفل اذا كانت الحفله حفلة :


تخرج او نجاح .. استقبال شخص مسافر .. حفله للعيد .. الــخ ..


انا عن نفسي الحفله حفله استقبال شخص مسافر ..


اخويا من رمضان اللي فات سآآفر .. شفتوو كيف .. ! قريب سنة ما شفتوو ..!!!


المهم قررنا نعملوو حفله في البيت حلووة بأفكارنا وافكاركم ..


نبغاها مرررة مميززة .. عاد اول مرة نعمل حفله خايفين نخبص .. فقلنا ناخد ارائكم يا حلووات ..


انا عن نفسي في البيت قلت املي البيت بالبلووونات مررررررة اخليهاا كتتير .. مررة يكوون فززييع المنظر ..


وحنكتب عبارات ع الجدران (( أهلا بعوودتك )) (( نوورت بوجودك))


طبعا حتكون في طاوله اول ما يدخل تكون على اليسار .. (( من عمايل ايدي ))


اول شي حجيب طاولة دائرية موجودة عندي بالبيت حجمها صغير ..


راح احط عليها قماس لونو مووف بطريقة حللللووة كدا ..


وفوقها بشتري صحوون وسط قرزاز وباكتب عليها اسموو .. واحط جواتها حلويات ..


قلت اخد 4 صحوون صحنين بسكويتات وشوكولاتات ..


وصحن بزينوو وبغير شكلوو مررررررة وبحط فيلوو توزيعات ..


كيس صغير وجواتو هدية عوود وسجاده الماركات وقلم الاذكار ..


وحولين الطاوله راح ارمي ورود مجففه وبلوونات صغيرة ..


::::::::::::::::::::::


طبعا انا اخترت حق الاستقبال .. لأنو كلوو افكاار واشيات بسيطة بس خطيرة ..


يلا نبغا نسمع من كل وحدةفكرتها .. بس رجاء شوية ردووا ..


دحين بنزل فكرة لحفله تخرج (الزفة }}..


وربي يعطيكم الف عاااااااافية اللي بترد على الموضوع ..


والله قلبي مرررة يفرح برد وحدة منكم .. فلا ترحمووني فرحه عممري ..


ربي يخلي كل ايامكم فرح وسعاده .. محبتي … سروو