أفضل مطاعم جدة طعم وشكل وسعر

حبوبااااااااااااااااااات جده
ابغاكم تقولو احسن مطعم رحتو له وكيف كان أكلهم وايش اخترتو وديكورهم وسعر الأكل وكمان أسوأ مطعم وليش عشان نتجنبه ونقلل الخساير 👿
وياليت كل وحده ترشح اكثر من مطعم عجبها عشان نستفيد
وكل وحده تشارك الله يسعدها ويوفقها ويرزقها كل ماتتمنى

طبعا ابدأ واقول احسن مطعم رحت له واسعاره كويسه
الايراني الكباب حقهم لذيذ
والوزان اكلهم لذيذ وسعره معقول وديكورهم حلو واول ماتجلسي يقدمولك تشكيلة خضار ومخلل وزيتون وخبز
كمان مطعم عمو حمزه فيليه السمك المقلي والروبيان المقلي والتبوله
مطعم شيزان الهندي الرز البرياني رووووعه جدا ودجاج تكا بالتندور
ومطعم الجزيرة ديلايت للسمك الهامور المقلي والكوزي لذيذ عندهم
ومطعم غوزي طبعا الجريش يجنن والرز المندي أما الايدام عادي مره

كل المطاعم اللي ذكرتها اسعارها حلوه
أما اسوأ المطاعم لوووووووووووووول
ابل بيز ماعجبني ابدا واكلهم مافيه ملح بس اللي عجبني كيك الشكولاته بالاسكريم يخبل