أريد إجابة عاجلة وشافية

سألني ولدي عمره سبع سنوات عن بداية الخلق وجاوبته
فسألني طيب مين خلق الله
قلت الله هو ربنا ماأحد خلقه هو الخالق كيف يصير مخلوق
سكت وبعد فتره رجع وقال أنا لازلت أفكر وشلون الله ماخلقه أحد وليش الله ما ينسى
قلت الله هو القوي لو كان مخلوق كان فيه أحد أقوى منه وهذا مايجوز نقوله وشرحت له إن التفكير هذا من إبليس لأنه يبيه يصير كافر يقول شلون ما خلقه أحد معناه مافيه رب أصلا
وان الله ماينسى عشان الحساب يوم القيامة

أبي إجابه مقنعه لعقله بحيث ما يرجع يسأل في الذات الإلهيه

السؤال الثاني لقيت بحوث في النت ماأدري و ش مصدرها تقول ان القرأن يحتوي على بعض الألفاظ الفارسيه المعربه مثل عفريت …. قسورة …. كأس …… عبقري …..
هل فعلا هذي الألفاظ أصلها فارسي ودخلت في العربيه واعتبرت عربيه

أشك في صحة هذي المعلومه لأن الله يقول بلسان عربي مبين

لكن ابي اللي عندها علم صحيح عن اصول الكلمات تبلغني