أدعي بالموت ولاسمني! بس لاتفارقني دخيل الله وتغيب … روايتي الأولى رومنسيه جريئه

وآآآآآآآآه من الحب
الحب …
ماهو الحب ؟؟؟
امممم

لطالما الحب هو الشي الوحيد الذي يجمع بين البشر …الحب هو اقوى قوه بين شخصين يجمعهم بين حزنهم وفرحهم بين ضحكاتهم وصيااحهم..ولكن الحب ايضاً يقضي على اشخااص احياانا ً يقضي على مشاعرهم واحاسيسهم ليوقعهم بحياه لسيت لهم ليقعهم بين الشتاات والألم النفسي اكثر من هو جسدي…بين تأنيب الضمير والدموع التي ترافقهم طوال ليالي حبهم ..الى متى ونحن نستسلم له

الى متى

الى متى

الى متى

و
و
و

الى متى

(تعال قبل تروح عني وضمني اقرب من انفاسي ترى حالي صعيب )

للكاتبه/احزاني اذبلتني
صباحكــم/مسائكـــم
احلى من السكر
وارق من نسمات الربيع

كيفكـــم حبايبي؟

هذهِ روايتي الأولى اضعها بين يديكم لتتعايشوها بكل ما فيها من فرح وألم بكل احداثها ووقفاتها

روايتي هذهِ ليس من نسج خيالي هذي الروايه واقعيه (حقيقه) تحكي قصتي ومعانتي مع الحب والصرااع اضعها بين يدكم بكل صدق وجرائه
لتستفيدوون من تجاربي وصدمااتي مع الحيااه
واتقبل النقد البناء بكل صدر رحب

البدايـــــــــــــــــه
عائلتي ::

ابوي جاسم ..عمره 56 سنه موظف حكومي عاادي
امي ..مها عمرها 48 سنه ربت منزل
اخواني:::
ناصر اكبر العيال ..وعمره 21سنه يدرس بالجامعه
عبدالله ::عمره 20سنه يدرس بمصر
نوره عمرها ::15 سنه تخرجت من المتوسط
خالد عمره:11 سنه بسادس ابتدائي
مروه :9 سنوات رابع ابتدائي

صديقاتي::
طبعاً عندي شلتين

(شلتي القديمة )
أريج ::17 سنه
ريانه::17سنه
مرام::17 سنه

(شلتي الجديده)
ساره::17 سنه
في::18 سنه لانها دخلت للمدرسه متأخر
رغد::17 سنه
نواره ::17 سنه
لين::17 سنه
وأنـــا

دانه عمري 17 سنه ….حيااتي صديقاتي واهلي هم عندي بالدنيا …طموحااتي كثيره اتمنى اصير جراحة قلب …هواياتي الشعر …والسبااحه …والكتابه …والقراءه
طبعاً انا نقلت لمدرسه جديده اممم وعشاان كذا كونت شله ثانيه

نسيت اقولكم انا عاايشه بالمملكه العربيه السعوديه (فديتها) بالشرقيه
وتحديداً بالخبر
<<<بتتعرفون علي أكثر من رواايتي

:::الجزء الأول:::

>>الفصل الأول<<
(الصاحب ساحب)

هذهِ العباره لطالما سمعتها ولكني لم اشعر بها لطالم تكررت على مساامعي تكراراً ولكن تمر مثل أي كلمه او مقوله اسمعها ….

قبل ثلاث سنوات حيث البراءه هي حياااتي …. واهتمااماتي الطفوليه ….بمدرستي المتوسطه ….
بالفسحه ….

الشله جالسه …
دانه وهي مستانسه : يؤؤه بشتري اليوووم جوال ونااسه
اريج : يا حظك …مو انا امي مو راضيه
ريانه : غريبه …ليه؟؟
اريج: تعرفين الشك وما يسوي
مرام: بصراحه انتي تجبين الشك لنفسك
اريج: يا شيخه …يلا دانووه طلعي جوالك عشان نستاانس ونستهبل
دانه بخوف مع ضحكه: ههههههههه ايه هين
اريج: ليه ؟
دانه وهي قاايمه: يصير خير …
البنات: على وين…
دانه : ماتسمعون رن الجرس مالي خلق مرفت هي خلقه كريهه
ريانه: أي والله وانتي صاادقه …

<<<<انتهى السنه الدراسيه وانا ما بين طلعات وروحات ولسوء الحظ هذي السنه ما سفرنا …

:::::::::::::::::::::::::::::::::::::::::::::::::: :::::::::::::::::::::::::::::::::::::::::::

عائلة أريج
متعب (ابو فيصل):::50 سنه …موظف مع ابو دانه وريانه
تهاني(أم فيصل):::45 سنه …ربت منزل
فيصل :::21 سنه ::يدرس بالجامعه
منال:::20سنه ..جالسه بالبيت
مناير::: 14 سنه: بالمتوسط
مشاري::10 سنوات …بالأبتدائي
بدر:::8 سنوات…بالأبتدائي

اوصف لكم اريج ..امممم بشرتها حنطيه ..عيونها مدوره ووسااع ورموشها كثيفه
وهذا احلى شي فيها ..انفها طويل ..وفمها متوسط وشفايفها صغار …شعرها اسوود كيرلي …و جسمها نحيفه من فووق بس عريضة من منطقة الخصر …وقصيرونه يعني هي وريانه نفس الطول …وكاانت جذاابه

ببيت أريج ..
أريج وهي تقفل الباب وترفع يدها: هههههه جبتها
دانه : وش جبتي
أريج: معي ورقه كلها ارقاام خلينا نستهبل
دانه وهي ميله بجلستها : لالا اخااف
أريج:وش تخاافين …عاادي ونااسه يالهبله
دانه وهي متردده: اممم بكفيك
أريج بخباثه: لالالا مو بعدين تقولين أريج خربتني
دانه وهي منحرجه: لالا وش دعووه … عطيني الأرقام
أريج وهي ماسكه الورقه: اممممم شوفي ذا نشبه …وذا صووته يخقق …وذا مايرد
دانه: وانتي وش دراك
أريج: استهبلنا عليهم انا وبناات خالتي وخالتي الصغيره
دانه : اهاا والله خوش عايله 
أريج: يلا أختااري وااحد
دانه بخووف وهي طالع بالأرقاام : اممممم هذا الي اسمه خالد ..الا صدق انتي من وين جبتي هالأرقاام
أريج وهي تضحك: ههههههههه من الشاات

دانه : ههههههههه
أريج : يلا اتصلي
دانه: لا اخاااف
أريج: يؤؤه يالخواافه ..هاتي الجوال <<<واخذته منها
أريج: أف مايرد
دانه بقلبها : احسن
أريج : ندق على غيره
دانه : اوكـ
وجلست اريج تتصل ودانه خاايفه وعلى اعصاابها
اريج : يؤؤؤؤه واحد جالس يتصل
دانه : طيب وش السواات
اريج وهي تعطيها الجوال : خذي ردي
دانه : لالالا ما ابي اخااف
اريج : وش تخاافين منه
دانه وهي طالع بجوالها : ازين سكر
اريج: شووفيه رجع يتصل مررره ثانيه ..
دانه : اوووووف
اريج : هااتي انا برد <<< وردت بصوت نااعم
اريج: الوووو ….يؤؤه اسفه غلطانه ….اوكـ بااي ..<<<وقفلت الخط
دانه بخوف: هاا وش قالك ؟
اريج: يقول انتي متصله ..قلتله ايه غلطانه وسكر
دانه : يؤؤه اشوى ما نشب
اريج :هههههههاي ايه هين ماينشب اصبري عله شوي
دانه :ليه هم ينشبوون ؟
اريج وهي تشوف الجوال: ايييه… شوفي راسل مسج يقول انتي الي امس كنتي على الشاات
دانه : يؤؤؤه الأخ موززع رقمه
اريج: هههههه من جد …بس وش نقووله
دانه: خليه يوولي مالي خلقه ينشيب وابتلش انا
اريج وهي تهز كتوفها : كيفك …يؤؤؤء شوفيه رسل مسج مره ثاانيه يوقل انتي ولالا ؟
دانه : امممم ارسليله مسج قولي لا
اريج: يؤؤؤه انا بطيئه امسكي اكتبيه انتي
دانه بطفش : هااتي
اريج : انا بروح اجيب شي نشربه
دانه : اوكـ<<<جت بتكتب المسج الا ويتصل
دانه: بخووف يااربي وش هالسووااات ..امممم ارد مو ماكلني هوو
دانه بصوتها النعوم: الوووو
الولد تخبل : هلا
دانه :…..
الولد: انتي متصله قبل شوي
دانه وهي تتلعثم: ايه ووو غلطـ…ــــ….انه
الولد: طيب انتي الي امس كنتي على الشات
دانه: لا
الولد: متأكده
دانه: ايه متاااكده<<<وشدت على كلمتها …يلا باي <<وقفلت بوجهه
دخلت اريج بكاسات العصير
اريج: هاا مادق
دانه : الا ورديت عليه ….وقالت لها السالفه
اريج: الزبده اذا رجعتي البيت لاتردين عليه خليه يوولي تراه نشبه
دانه: انزين .<<<الا ويدق جوالها
دانه: هلا …ايه طيب بجي…ياربي ترى الناااس بأجازه وتونا الساعه 11 …اااوووف طيب برجع هالحين
دانه تكلم اريج: يلا برووح
اريج: توو النااس
دانه : امي شووي وتذبحني بعد وش اسووي فيها
اريج :ههههههه طيب تعالي بكره اوكـ
دانه : لا بكره الدور عليك
اريج: هههههههه انزين
<<<وطلعت دانه من بيتهم بعد ماسلمت عليها طبعاً بيت اريج جنب بيت دانه لان هم بالأسااس عماير جنب بعض

نوره : هااا تو النااس
دانه : جب بس لا تسمعك امي مو نااقصه هوااش
نوره وهي تاكل وطالع جوال دانه : امممم جوالك يرن
دانه تطالع بجوالها الي حاطته صامت: هااااا ايه هذي اكيد ريمووه
نوره وهي متجه للصاله: طيب ترى المسلسل ببيدا بعد شوي
دانه: انزين بروح اغير ملا بسي واجي <<<وراحت لغرفتها
دانه: بخووف يا ربي وش اسووي بهالنشبه ….اممم بعدين اتصرف معه ارووح اشووف المسلسل ابرك لي …

خلص المسلسل ورجعت دانه لغرفتها وشافت جوالها
دانه وهي ماسكه الجووال بيدها :يؤؤؤؤؤؤه يااربيه كل هذا كلامات فائته <<لقت 7 مكالمات فائته
دانه : اااف اكيد هذااك وش يبغى ..كل منك يا أريج ابلشتيني فيه
نوره وهي داخله للغرفه : اقوول انا بناام <<وطفي النور
دانه : تو النااس توها 12:30
نوره بطفش : وش اسووي زهق المسلسل وخلص وامي ناايمه وابوي نايم وعبيد (عبدالله )جالس يشوف أعادة مباراه <<< نوره كانت بالصف السادس

<<<بيت دانه عباره عن اربع غرف نوم وثلاث وأربع حمامات ومطبخ ومجلس وغرفة طعام وصاله مع ان شقتهم صغيره بس كانت تغلب عليها الفخامه لان مها (ام ناصر) تحب الكشخه والذووق

ودانه ونوره مع بغرفه وحده ….
وناصر وعبدالله …..
وخالد ومروه ….

دانه وهي تطلع من الغرفه وجواله بيدها : انزين

دانه راحت للمجلس عن الغرف والصاله فيها اخوانها وبكل رقه ردت : الوووو
……:هلا والله ما بغيتي تردين
دانه بدلع ومع خوف : امممممم ايه كنت بزي
……:اهاا
دانه تسمع صوت ضحك : اممم انت حاط سبيكر
…..:لا والله
دانه : بس اسمع صوت ضحك
…..: ايه هذوول اصحابي
دانه: يعي مسوي فيها يعنني وفاتح السبيكر
……: لا والله مو فاتحه …اوكي انا خمس دقايق واكلمك
دانه : اوكـ
….: ردي مو تصفطين
دانه : طيب
….: طيب باي
دانه: باي

وجلست تفكر مع نسفها ياربي انا ليه اسووي كذا ….يؤؤه مو حرام علي اخوون اهلي …بس زهـــــق ..وبعدين انا بس استهبل عليه ويومين واسحب عليه
<<<كان ضميرها يأنبها بس الشيطان كان اشطر وقدر يتغلب على ضعف ايمانها

بعد خمس دقايق ….
دانه والجوال بيدها وتشوفه وهو يتصل : امممم ماراح ارد عشان مايقول عني يالخفيفه …<<<<وبعد ما اتصل مره ثانيه ردت

…..:الوو
دانه: هلا
….: ليه مارديتي بسرعه
دانه:اممممم كنت مشغوله شوي
…..: اهاااا …اممممم كيفك ؟
دانه: تماام
…..:اممممم طيب ممكن اتعرف عليك
دانه خايفه:…….
……:عادي اذا ماتبن اقفل
دانه بخوف: طيب يلا باي
……: تعالي على وين
دانه: لابقفل
…..: طيب خلينا نتعرف على بعض
دانه: وبعدين وش بيصير
……: ونحب بعض
دانه: وبعديـــــــــن
…..:اممممم نتزوج
دانه وهي تضحك:ههههههههه اماا عاد نتزوج ألعب على غيري
……: ليه انتي كذا طيب ليه مانتزوج وش فيها اذا الواحد حب من صدق
دانه: مستحيل واحد يتزوج وحده يكلمها
……: هذا اذا كان هو يلعب ولا يحب من صدق يـــا….الا انتي وش اسمك ؟
دانه بتفكير وقالت بكذب : اسمــــــي الاء
…..: عاشت الأسامي اسمك حلووو
دانه: عاشت ايامك ….وانت ؟
…..:انا اسمي مشعل
دانه بأستغراب : مشعل …
مشعل : ليه اسمي مو حلووو
دانه : هاااا لا حلوووو …عاشت الأسامي
مشعل : كم عمرك ؟
دانه توهقت وقالت : انت كم عمرك بأول ؟
مشعل : انا عمري 19
دانه: العمر كله
مشعل : تسلمين …وانتي ؟
دانه بكذب وبعد تفكير : انا 17
مشعل : يا حليلك يعني تدرسن
دانه: أيـــــــه
مشعل : وين ساكنه
دانه: بالشرقيه …بالخبر
مشعل : هلا والله هلا بأهل الخبر
دانه : هلا بك زود …وانت
مشعل : انا من اسكاكا
دانه وعلامات التعجب بوجها : هذي بالشمال مووو
مشعل : ايه
دانه: اهااا ..اوكي انا بنام هالحين …
مشعل : تو النااس
دانه: وين تو الناس الساعه هالحين 2:30 وانا بصراحه دايخه ..يلا مع السلامه
مشعل : اوكـ بكره بكلمك مع السلامه

رجعت لدانه لغرفتها بعد ما شفت وجها بالمرايه الي محمر <<<هذا شي اساسي فيها اذا استحت

جلست على سريرها تفكر :اممممممم انا ادري اني مكو ذاك الجمال والحلاووه ومستحيل اتزووج يعني ليه ما اعيش حيااتي <<<هي كانت طويله ضعيفه خصرها يجنن …بشرره بيضه …عيون صغيره داخله …انف طويل …فم مليان …وشعرها الكيرلي الي طوله طول ظهرها …. مع انها عاديه بس كانت تجذب فيها جاذبيه من الله

<<<وناامت وهي تفكر

:::الساعه 8:30 صباحاً:::

صحت دانه مفجوعه من جوالها وبصوت كله نوم
دانه بصوتها الي فيه النوم : الووووو
مشعل : هلا صبااح الخير
دانه من داخلها : ااااف هذا وقته هالحين انا ناايمه وذا مصحيني
دانه: صباح النور
مشعل بصوته الي يجذب : يؤؤؤه سوري شكلي صحيتك من نومك
دانه خقت :لا عاادي …الا انت وش مصحيك
مشعل : وراي دوام
دانه : ليه انت تشتغل ؟؟
مشعل : ايه درست ترم بالرياض وما عجبتني الدراسه وسحبت اوراقي وقلت اتوظف هنا ابرك
دانه: يؤؤؤؤه طيب كيف وظفوك وانت توك صغير
مشعل : لا انا خالي مدير محاكم وهو الي وظفني
دانه بنفسها : بدا يكشخ علي …اوكي انا شوي واكلمي …باي
مشعل : بااي

دانه وهي قاايمه من فراشه : وش قلت الحيا ذي هالين الواحد مايناام الا بطلعت الروح وذا جا ينام يجي احد وينكد عليه …اووووف بس
دخلت وتروشت وبعدين اطلعت للصاله تتفرج على التلفزيون ونست جوالها

مها (ام دانه): السلام
دانه : وعليكم السلام
مها بعصبيه: انتي لحد الحين مانمتي
دانه: لا نمت وتوني صحيت
مها: اهاااا …انا بروح اسوي حليب تبين
دانه: ايه ياليت والله
مها : انزين

::::::::::::::::::::::::::::::::::::::::::::
عائلة ريانه
صالح :::50 سنه…موظف مع ابو دانه
هدى ::43 سنه…دكتوره باجامعه
فرح :::18سنه …تخرجت من الثانويه
فهد:::15 سنه …طالب
محمد:::11 سنه
مساعد:::10 سنوات

وريانه الي هي صديقة دانه الروح بالروح من يوم هم بالأبتدائي ….ودانه تعتبرها صديقتها المفضله لها أكثر من أي وحده من الشله ….

ريانه كانت جميله …ملامحها النجديه الواضحها …عيونها النجلا الوساع ..انفها الي بحدة السيف …وفمها الصغير المليان ….وشعرها الكيرلي الأشقر …وغير كذا بياض بشرتها …وجسمها النحيف …الا انها كانت قصيره شوي وهذي عقده عندها …عشان كذا حتى لو بتروح السوق غير تلبس كعب …

ريانه وهي جالسه على النت والساعه 8:30 صباحاً

فاتحه المسن وطقطق فيه ….

ريانه بنفسها : يؤؤؤؤه دخل ما بغى …امممم اكلمه ولا استنى هو يكلمني…انا داايم اقط وجهي عنده …لالالا بستنى نص ساعه اذا ما عطاني وجه بكلمه انا …

<<<وستنت …وستنت ….

ريانه بنفسها ياربي منه …هالحين ليه شايف نفسه…وبعدين انا ليه ميته عليه من حلاته ….اممم يمكن لانه الوحيد من بين كل الي تعرفت عليهم ما عطاني وجه …

ريـــــــــــــــــانه

هاااااي

عمري ماتمنيت شي قد ماتمنيت اشوفك

هايات

ريـــــــــــــــــانه
اممممم كيفك؟؟

عمري ماتمنيت شي قد ماتمنيت اشوفك
تمااااام …وانتي

ريـــــــــــــــــانه
تمااااام

<<<<وسكتوا
عمري ماتمنيت شي قد ماتمنيت اشوفك

ريانه انا مشغول هالحين برب

ريـــــــــــــــــانه
تيت
<<<<وبنفسها مالت عليه هالحين وشوله شاايف نفسه على العالم بس انا الغلطاانه الي نزلت نفسي له …امممم اسوي له بلووووك ازين <<<وبلكته

صالح (ابو فهد): السلام عليكم
ريانه خافت : وعليكم السلام
صالح بعصبيه : انتي مانمتي من أمس
ريانه فهت :هااا
صالح: وش هااا وجعه ان شاء الله اقولك مانمتي من امس
راينه بكذب: هااا لالالا توني صحيت
صالح بشك: مبين انك توك صاحيه …وين فرح؟
ريانه : نايمه
صالح: والله هذي شيخة البناات مو بنتي
ريانه بعصبيه :طيب وش اسوي لها
صالح: تكلمي بأدب
ريانه: انزين
صالح: انا بروح الدوام هالحين
ريانه: طيب الله معك
صالح: مع السلامه
ريانه: مع السلامه
ريانه وهي تحلطم : ياربي ليه داايم يقارنونين بفررريح …أأأف بس …طيب وش اسووي داامها مثاليه بزياده
شووي ولا يرن جوالها …ريانه وهي تناظر بشاشة الجوال: يؤؤؤؤه وش عندها دووينه تدق وتفصل

ريانه تتصل على دانه: الووو هلا
دانه بدلع: ايه الوووو
ريانه: وووووع انتي متى نااويه تقولين الووو عدله
دانه بدلع عشان تقهر يانه:مادري
ريانه:طيب متى ناويه تشحنين
دانه وهي ميته ضحك:هههههههه وربي توني شاحنه بس خلص
ريانه:ايه اتحدى يالنصابه كل ماتصلتي علي تدقين وتفصلين
دانه: ههههههههه وش اسوي بعد …الزبده فااتك أمس
ريانه:ليه وين كنتي فيه
دانه: عند اريجوووه
ريانه:طيب يلا قولي وش صار
دانه وهي متحمسه قالت لها الي صاار
ريانه :يؤؤؤؤؤؤه والله ونااسه
دانه:مررره ..بس والله خفت
ريانه:ليه ؟
دانه:عشان اهلي
ريانه:ليه الشريحه بأسم مين؟
دانه: بأسم امي
ريانه: يؤؤؤه مو صااحيه انتي
دانه:بعد وش اسوي
ريانه:خبله انتي تخيلي لو واحد نذل وطلع اسم امك
دانه: طيب واذا طلع اسم امي وش بصير
ريانه:مادري …اقول كذا
دانه: لا ان شاء الله وبعدين احنا نكلم نستهبل …يعني تخيلي كل الي كلمناهم بيطلعون صاحب الشريحه
ريانه: ايه صدق ….
دانه: وانتي وش مصحيك لهالحين توقعتك نايمه
ريانه:جالسه على المسن
دانه:ياحظك موانا ماعندنا نت الله لايبلانا ..مادري مين الي قايل لأمي ان النت يسبب دمار شامل بالبيت
ريانه وهي ميته من الضحك:هههههه ليه
دانه وهي تتحلطم:وانا ادري عن امي
ريانه : اقوول ترى رصيدي بيخلص يلا قبل لا يفصل
دانه:هههههه يلا بااي
ريانه:بااي

:::::::::::::::::::::::::::::::::::::::::::::::::: :::::::::::::::::::::::::::::::::::::::::::

مها (ام دانه): اقول انا بطلع مع ناصر ..تطلعين معاي
دانه: لامالي خلق
مها: انزين روحي نامي بدال هالقعده
ناصر :اقول تمشي معنا بدال هالقعده اكيد بترجعين وماراح يجيك النوم
دانه:لالا مالي خلق
مها :انزين يلا مع السلامه
دانه : مع السلامه
<<<طلعت امها مع ناصر
دانه تناظر جوالها : ااااف هذا مايزهق يدق هالوقت
دانه بدون نفس: الووو
مشعل:هلا
دانه:اهلين
مشعل: كيفك؟
دانه: تمااام
مشعل: وانا تمام
دانه:……
مشعل:سووري على الأزعاج … بس والله الدوام زهق مافي احد
دانه:اهااا
مشعل: انتي ليه ماتتكلمين ليه كله ساكته
دانه:اممم ماعندي شي اقوله
مشعل:طيب انتي قلتي انك تدرسين صح؟
دانه:ايه
مشعل:ايه سنه
دانه بكذب: اممممم بروح ثاني ثانوي
مشعل :ياحليلك توك صغيررونه
دانه وهي مستحيه:امممممم حاجه زي كذا
مشعل: وش ناويه عليه علمي ولا ادبي
دانه: لا ان شاء الله علمي انا ما احب الادبي
مشعل: ايه ازين لك والله يوفقك ان شاء الله
دانه:الجميع يارب …امممم انا بروح انااام تامر على شي
مشعل: وين تو النااس
دانه: لا بس دايخه مرره
مشعل: اوكـ اجل دقي علي اذا قمتي
دانه بنفسها: ايه تخسي الا انت
دانه بدون نفس : يصير خير …يلا بااي
مشعل: باااي
دانه ناظرة شاشة الجوال وتتكلم بصوت واطي: ااااااااف كرريه اكرهه يا ناااس
<<<وراحت تناام

طبعاً يوم تعرفت دانه عليه كان بتاريخ …14/6/1426هـ
يعني قبل المدرسه بيومين ….

دخلت المدارس ودانه تكلم مشعل … هي صدق ماتطيقه بس تقضي وقتها معه

وكلها اياام ورمضان يدخل عليهم ….

اول يوم برمضان
1/9/1426هـ
قبل السحور ..2:30 …
مشعل : ها تسحرتي قلبوو
دانه : لا بعد ..اممم يعني بعد شوي ان شاء الله ..وانت ؟
مشعل : ايه الحمدلله تسحرت مع اصحابي بالمزرعه ..
دانه: اهااا
مشعل : ايوووه واخباار ؟
دانه: ابد والله مافيش حاقه قديده …
مشعل: امممم وش اخبار صحباتك
دانه: والله كويسات
مشعل: ايه صح كيف الدراسه معك
دانه : عاادي تعرف اول اسبووعين يعني مو ذاك الزوود مافي درااسه مره وكرف
مشعل : ايه صح بس شدي حيلك
دانه : ايه ان شاء الله
مشعل : ايه صح ترى ماراح اكلمك الا بعد الفطور هذا النظام كل يوم ..
دانه بإستغراب :لييييه ؟
مشعل : اممممم يعني اخاف اني افطر
دانه : تفطر؟؟؟
مشعل : ايييه
دانه مافهمت عليه بس مشتها له:اهاا ..اوكيه مافي مشااكل
مشعل : ايووه الاء ابغى الصدق انتي ماتعرفتي ع واحد ثاني قبلي يعني
دانه : لا والله انت اول واحد اتعرف عليه
مشعل ماصدق بس مشاها لها : اهاا
دانه : وانت ؟
مشعل : اممممم ايه تعرفت ع بناات كثير واممممم وحده اسمها شهد جلست معها 6 شهور وبعدين تركتها
دانه :اووووووه وليه تركتها
مشعل: اممم مادري هي كيف وضعها قايل مشااكل امها متوفيى وابوها متزوج وحرمة ابوها مجننتها ..ويعني كل ماكلمتني تسوولف عن مشااكلهم
دانه : يؤؤؤؤه ليكون تركتها عشان ذا السبب
مشعل : لا والله بس هي اتصل عليها وجوالها مقفل لفتره طويله ……..وبعدها انا غيرت رقمي
دانه : اهااا …لحظه بس
مشعل: طيب
دانه بعد مارجعت له : امممم انا بروح اتسحر
مشعل : اها اوكيه
دانه : يلا بااي
مشعل : باااي
::::::::::::::::::::::::::::::
على السحور
جاسم (ابو ناصر): امممم ترى احتمال نبيع البيت يا عيال <<<كان عندهم بيت يعمرونه
ناصر غس بلقمته : كح كح كح

دانه : وش الي تبعوون البيت يبه
جاسم : والله مضطرين يابنيتي المقاول يطلبني 200 ألف وانا ما معي
دانه : طيب تسلف من البنك بس مو تبيعه حراام
مها (ام ناصر ): احنا نبيعه هو بيجي مليونين لان الأرض حقته غاليه ..نسدد للمقاول ونعمر غيره
دانه بعصبيه : اييييييه عشاان مانطلع من هالشقه الا بعد 20 سنه لا والله وش هالمشوره
مها : وش نسوي بعد مايمدي ابوك يأحذ قرض من البنك لان ماخذ من قبل
عبدالله : متى اخذه
جاسم : انتم شكلكم ناسين الأسهم الي اخذت القرض عشاانهم
دانه : اهاا <<<وقامت من السفره ضايق خلقها

دخلت دانه الغرفه لقت نوره نايمه هي بغت تسولف معها بس المشكله العلاقه بينهم عدم لان دانه تعتبر نوره بزر وتخااف عليها فما تقولها ع الاشياء الي تسويها عشان ماتتخترب ولانها توها بزر ماتعرف تميز بين الحق والباطل

مسكت جوالها ولاتشووف مكالمتين من مشعل
دانه ارسلت له كولمي لان ماعندها رصيد
مشعل : هلا قلبي
دانه : اهلين
مشعل : وش فيك طولتي
دانه : لاعادي
مشعل : وش فيك ضايق خلقك
دانه : لا مافيني شي
مشعل : لا قولي وش فيك
دانه : امممم لابس ابووي يقول بيبع البيت وكذا
مشعل : يووووه وانتم وين تروحون
دانه : لا مو هذا البيت الي ساكنين فيه <<<وقالت السالفه كلها
مشعل : امممم لو انه مو محتااج ما بااعه قدروا ظروفه
دانه : ايه وهذا الي بيصير
مشعل : ايه يا قلبي لاتضايقين عمرك
دانه : اي ان شاء الله
مشعل : يلا انا بقفل
دانه : ووين تو النااس
مشعل : بطلع بروح اشووف خالتي
دانه بإستغراب : خالتك
مشعل : ايه نسيت اقولك سالفتها خلاص بعد الفطور انتي كلميني وذكريني اقولك
دانه : طيب
مشعل : يلا تامرين ع شي
دانه : امممم لا سلامتك
مشعل : اممممم طيب أحببببك يلا بااي
دانه وجها ولع : باي

<<<وانسدحت ع فراشه وهي تفكر معقوله من جد يحبني …امممم طيب ليه لا يمكن صدق يحبني ….ووووووه بس <<<ونامت وهي تفكر بمشعل

مشعل نزل عند خالته : ها تسحرتي يا خاله
خالته موضي من غير نفس : اييييه تبغى تحط لك الشغاله شي
مشعل : لا الحمدلله تسحرت بس نزلت اشرب مويه واشووف اذا بغيتوا شي
خالته :ايه بس في اغراض نبغااهم من السوبر ماركت جيبهم
مشغل : اوكيه عطي السته لشغاله وانا اذا صحيت اجيبهم لك
خالته : طيب
مشعل :يلا انا بصعد اناام

<<<صعد ودخل غرفته وانسدح ع فراشه
يااربيه هالأء غير عن كل البناات الي تعرفت عليهم …يعني مرره مؤدبه وخلووقه امممم بس مادري والله يمكن تسوي نفسها كذا ولا هي من تحت لتحت …امممم الأيام بطلع بلاويااه …<<< وارسل لها مسج …وناام وهو يفكر فيها

كتبتك للشعر نبض ونثرتك في الخيال شعور ….
ورسمتــك صوره في داخــل عيوني معلقها …
ونسجت ” أسمـــك ” بقلبي وانت حرفك
من ذهب محفــور ….
وعطيتــك ” كلمة ” لغيـــرك ما أقدر انطقها ..
**** أحبـــــــــــــــــــــك ****

صحت دانه ع الساعه8:30 وكشتها قاايمه ..دخلت الحماام وانتم بكرامه اخذت لها شور ومشطت شعرهاولبست المريول وراحت للمطبخ ..

دانه :السلام
مها(ام ناصر): وعليكم السلام
دانه : ها وش بتسوين فطور ؟
مها(ام ناصر): اممم مادري والله محتاره بسوي كبسه وشوربه …ومعركرونه بالباشمل وفطاير …والحلى عليك
دانه : ايه كويس بس يؤؤؤه يمه لازم حلى ؟
مها (ام ناصر): ايه لازم تعرفين اخوانك وابوك
دانه : طيب وش اسوي حلى
مها : مادري سوي الي تبين
دانه :انزين انا بطلع هالحين بروح للمدرسه
مها: طيب اختك صحت
دانه بضحكه :ههههههه لا
مها عصبت :الله يغربل بلسيها من بنت متىنااويه تروح للمدرسه
دانه ارفعت كتوفها : مادري يلا ماماتي باااي
<<<ألبست عبايتها وطلعت للمدرسه
اركبت للباص وجلست تفكر بمشعل

اوصلت للمدرسه …

دخلت للصف حطت شنطتها وعدلت شكلها وطلعت …
دانه : السلام
مرام : وعليكم السلام
دانه:ماجوا البناات
مرام : لا ريانه بااقي واريج توني شايفتها داخله
دانه : والله ..انزين انا بروح عند اريج
دخلت عند اريج بالصف ولا تشوفها جالسة تصفط عبايتها
دانه : هااي اريجوه
اريج بابتسامه: هاايات
دانه : كيفك ؟
اريج : تمام …وانتي
دانه: بخير ..اجلسي لايفوتك وش صار
اريج بحماس وهي تسحب الكرسي : وش صار
دانه : اممممم امس مشعل
اريج : اييييه وش فيه
دانه : اممممم قالي احبك
اريج:ههههههههه وانتي عسااك صدقتي
دانه بحرج: ايه وليه ما اصدق يعني انا حسيته صاادق انا صدق كنت بالبدايه ما اطيقه بس بعدين يعني صرت ابلعه
اريج : اممم مادري عنك والله بس انتبهي مو بعدين تقولين انا الي خربتك
دانه :ايه ولوو …يلا امشي نطلع خليت مرام بحالها
اريج : ايه اصلا الجرس رن يلا عشان الطابور
مر يوووم دراسي كأ أي يووم عاادي ودانه طول الوقت مسرحه بمشعل وتفكر فيه

ارجعت دانه للبيت مشي بعد ماسولفت مع اريج عن اخبارها هي ومشعل

دخلت دانه للبيت
دانه بصووت عالي : يماااااااا
مها (ام ناصر): هلا انا هنا بالمطبخ
دانه وهي داخله للمطبخ : السلام
مها (ام ناصر): يلا روحي غيري ملابسك …وتعالي ساعديني
دانه بطفش: يؤؤؤه والله تعباانه بروح اناام اذا صحيت من النوم ساعدتك
مها (ام ناصر): انزين روحي نامي لك ساعه وانا بصحيك
دانه : ابووي رجع من الدوام ؟
مها (ام ناصر): ايه رجع من الساعه 12 وناايم
دانه : اهاا اوكيه …يعطيك العافيه يلا باايو انا بروح اناام

وراحت للغرفه غيرت ملابسها وافتحت جوالها المقفل وكلها دقايق و لايجي لها مسج من مشعل …قرت المسج ووووه فديته بس
وارسلت له مسج …

ليتني دم بوريدك أدخل القلب واشوف
هل انا ساكن بوسطه او احد غيري لفاه
ليتني حبر بيدينك اقلب افكارك حروف
اكتب اللي قد كتمته وما تبي غيرك يراه
ليتني ظل بنهارك ليتني بليلك طيوف
اسهر الليل بخيالك واسمعك لا قلت آه
ليتني كلك وكلك..ليتك بحالي تشوف
غيرة العاشق مصيبه والمصيبه في هـواه

ارسل مشعل لها مسج : مشكوره حبيبتي مسجك مرره رووعه …ها متى رجعتي من المدرسه

دانه بمسج: اممم توني راجعه ماصار لي ربع ساعه وبناام هالحين اقوول مشعل اذا ما عليك امر تصحيني ع الساعه 4 ابغى اقوووم اسوي حلى
مشعل بمسج: ايه من عيوني يا قلبي ..ومو تنسيني عطيني قطعه من الحلى …نوم العوافي
دانه قرت المسج وابتسمت ودخلت بنوووم عميق

مر رمضاان عليهم كذا مابين اتصالات ومسجاات ودانه وكل شوي تتعلق فيه اكثر واكثر
:::::::::::::::::::::::::::::::::::::::::::::::::: :::::::::::::::::::::::::::::::::::::::