عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
بدخل بالحلم مباشره
حلمت انو رحنا عمره انا وامي وابوي وأختي وأخوي الكبير
كنا نصلي مع الناس التراويح وبعدين كلنا رحنا جلسنا بمكان كان فيه طاوله كبيره مليانه أكل
والمكان مرتفع شوي ونشوف الناس الي تصلي وحنا جالسين ننتظر أمي لأنها كملت صلاة التراويح وحنا ننتظرها
الناس ياكلون من الطاوله الين صارت شبه فاضيه وحنا ما قربنا منها
وبعد ما جت أمي ركبنا السياره ونزلنا عند مكان فيه شجره كبيره وفرشنا وجلسنا انا وأختي
أختي حطت راسها ع رجلي وقالت برتاح شوي وأمي وأبوي وأخوي كانو باقي عند السياره
شوي جت سياره فيها رجالين نزلو عند الشجره وقربو منا
أمي وابوي واخوي من الخوف ما قربو منا وأنا واختي ما قدرنا نقوم جلسنا نزحف ع الارض
وكان مبين عليهم شابان وسيمان بس بعيونهم شر
شوي تكلمو مدري وش قالو وناظرت السياره كانت لوحتها مميزه ومكتوب بجنب اللوحه ( الشيخ زايد )
رجعو الشابين لسياره الا في واحد ثالث مدري من وين جا وكان واقف تحت الشجره مباشره كان يناظرني
ويبتسم وكان جميل لدرجه جلست اناظره واشر لي باصبعه تعالي خفت وقمت استنجد بأخوي وراح له
أخوي معصب وقرب منهم الاثنين الي بالسياره شوي قاله اخوي احنا من آل فلان قال وحنا بعد منهم شوي
وجو الاثنين الي بالسياره وجلسو يسولفون ويضحكون مع اخوي وبعده انتهى الحلم
وقت حدوث الحلم بالساعه / بعد العشاء
الحاله الدينيه : باديه ب الإلتزام
الحاله الاجتماعيه: عزباء
المهنه : طالبة جامعيه
حالتك قبل النوم : عادية جداً وأفكر بالزواج
