عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الخير ..
اولا وقبل كل شي الفضل لله تعالى ان من علينا هالنعمه يا رب تحفذ لنا اولادنا وتصلح لنا ذرياتنا وترزق كل محروم ..
وحبيت اشكركم ..من جد قضينا هنا مع بعض 9شهور وصرنا اكثر من الأخوات ..الله يجمعنا على طاعته وفي جنات الخلد على سرر متقابلين ….
طبعا زي مانتو عارفين ..واللي كانو معاي من التجمع الأول ظروف حملي ..اللهم لك الحمد ..والدكتورة اللي بتابع عندها قالت لي من الثالث حطي ببالك ان ولادتك راح تكون قيصري ..واتكلت على رب العالمين
المهم رحت السبت الأسبوع الماضي وكان معاي الم طلق خفيف كان والرحم مفتوح 2 سم ..ورجعتني على البيت ..طبعا مستشفى حكومي ..ورجعت يوم الأثنين وكان الألم زاد ..وطلع سويت تخطيط طلع معاي طلق كل 10 دقايق منتظم بدون الم .والرحم مفتوح 1سم ..طبعا انا هنا تحطمت ..وقلت لازم اسوي شي ..واتصلت على دايةسألتها إذا في شي اشربة قالت قرفه قلت ابغي غير القرفه قالت مافيه لو شربتي شي ثاني يحمى الطلق والرحم مقفل وينفجر ..انا هنا خفت ..وقلت اسأل داية شاطره كانت تمرخني قبل حملي هذا ..قالت لي اطبخ ملوخية واشربها واسوي قرفه بزنجبيل واتقهوى
.
المهم سويتها وكل شي شربت منه مرتين ..وصارت المويات تزل شوي شوي ..قلت خليني اصبر..هذا الكلام يوم الأثنين إلى يوم الأربعاء ..وقلت
لزوجي خلاص لازم اروح اشوف كم صار معاي مفتوح الحين ..
رحت على المستشفى الساعة 9،30 بالليل ..وطلع عندي طلق كل 10 دقايق ..والرحم مفتوح 1ونص سم..وكشفت علي دكتورة بالمنظار وشافت معاي مويات ..قالت لازم تنويم ..وعلى طول تنومت وقلت لزوجي لا تعلم احد لحد ما تجيني الولاده ..ولا قلت لأهلي ..قلت ما اراح ادوشهم خميس وجمعه وانا ما راح يصير معاي شي قبل السبت ..
المهم ونووومه لوحدي بالمستشفى ..وصحيت لالفجر صليت وفطرت ونمت
هذا صباح الخميس ..وصحيت على الساعة 7 وفتحت عيني والا شي يقول طق وحسيت بالمويا لما حاستني ..وقمت على طوول وحست الدنيا واتصلت على زوجي قلت يومك اولد الحين بكلم اهلي قال خلاص .. وكلمت اختي جات عندي عشان ماما صايمه ..وكم دقيقة واحس الم الطلق وصار كل 6 دقايق واستدعيت الدكتور وجاء كشف علي قال 3 سم ..وصرت ادعي واصبر لحد الساعة 12 ونص الظهر ورجع كشف وقال 6 سم ..ونزلوني على كشك الولاده ..وبدأ معاي حالة استفراغ مره تعبتني …وفي الكشك فكو لي باقي الموية وصار الطلق كل دقيقتين ..وعلى الساعة 3 العصر ودوني على الولاده لان بنتي صارت تدف بتطلع وشرفت العسل على 3،30 العصر ..وحطوها علي وفتحت عينها شافتني ونسيت كل وجع وهم مريت فيها احلى لحظه بالعمر الله لا يحرمها احد ..والحمدلله من الله علي بولادة طبيعية وسهلة ..والحمدلله بدون بنج او اي شي بس بخاخ للخياطة والكمام ..وربي استجاب دعوتي واعتقد انها وافقت ليلة القدر ..اللهم لك الحمد .
واللحين ماني مصدقة احس طووووول فترة الحمل والمعاناة والتعب والقلق والسهر راااااااح من اول ما شفت بنتي ..
ادعو لها بالصلاح ..يا رب يحفظها ويخليها لي ..
وقبل ما انسى دعيت لكم كلكم بالأسم وبدون اسم .كمان للي ولدو ..
هذا اكشني ..وان شاء الله لي دخول باقرب وقت ..وعقبال ما نسوي تجمع لنا في قسم الأمومة والطفولة
