مشكلتي مع ولدي والرضاعه

السلام عليكم ورحمة الله وبركاته
خواتي انا اول مره ادخل هالقسم واشارك فيه، بس اتمنى اني اتواصل معاكم واكون صديقتكم
انا عندي مشكله يمكن تكون بسيطه بس بالنسبه لي كبيره، انا ارضع ولدي طبيعي وصناعي لأني اشتغل وداومي يكون بعض الاحيان 12 ساعه في اليوم، المهم ان في الشهر 6 طلع لودي اسنان ولما ارضعه يعضني بقوه، فطمته كم يوم بس بعدين حسيت بالذنب خاصه ان فيني حليب فرجعت ارضعه واول ما احس انه حس بالشبع اسحب صدري منه، بس في الشهر 7 طلع له سنين اللي فوق وصار الالم اكبر ففطمته والحين ولدي 8 شهور بس لما اقربه مني يلحس صدري او يحاول يرضع من فوق الملابس وانا قلبي يقطعني عليه والمشكله الاكبر ان فيني حليب ولما اقربه مني سبحان الله يدر الحليب بكثره. شريت حلمه صناعية بس ما رضع منها.
ارجوووكم نصحووني وعطوني من خبراتكم في الرضاعه انا ودي ارضعه سنتين بس المشكله الاسنان.