عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يا فراشات كيف الحال ان شاء الله كله تمام :Dانا قلت لو ما كتبت عنوان حماس محد راح يدخل 😆 hy: علشان كده خليته حماس….
الموضوع اني من زمااااااان وانا ابغا اعمل كراتين لشعري بس مع تجارب البنات والنصب اللي حاصل هنا في صوالين جدة خفت واترددت لحد ما جاتني فكرة اني اشتري الكيراتين بنفسي واخده واعمله عند صالون علشان اضمن انه اصلي… وفي يوم من الايام وانا اتصفح ,,,, 😆 🙄 لقيت فراشة هنا تبيعه والاصلى كمان فحمدت ربي وقلت خلاص راح اطلب وارسلت للبنت وارسلت لي رقم حسابها وكده انا
طلبته منها الثلاثاء وحولت الفلوس الثلاثاء والتاجرة هي~strawberry~ بس اللي عملته مو معقول
تصدقوا اني استملت الطلب الاربعاء يعني بعد اقل من يوم من تحويلي المبلغ غير كده تعامل راقي وذوق وكل شوي تتأكد مني استلمتي الشحنة ولا لا؟؟ وحتى بعد ما استملت وطمنتها ارسلت لي تشكرني علي التعامل معايا صحيح قليل في الناس كده في الزمن دا …ومن هنا حبيت اني اكتب تجربتي معاها وأشكرها لانها تستحق صراحة تعبتها معايا ومن مبدأ ان لازم نظهر الجانب الايجابي في منتدنا فزي ما نكتب مواضيع عن التاجرات اللي يعملوا مشاكل فأولى اننا نشكر التاجرات الذوق في التعامل
ومره تانية شكرا يا~strawberry~
