عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ..
من زمان مانزلت موضوع .. حبيت اشاركم تجربتي المريره مع ابر الحديد..
جربتها وقت الحمل كنت بالشهر الخامس عطوني 5 اكياس يوم ويوم لا او اي يوم انا ابي وماكان عندي مشكله غير الوريد كان ضعيف ومايحصلونه على طول ..
المهم الجمعه اللي فاتت تاريخ 9/4 كان حلقي يوجعني وحرارتي اسبوع تنزل وتطلع بس حاجه بسيطه وماكنت مستغربه من حالتي قلت يمكن من الخوف لان اسبوع مليان بالاحداث اللي تروع ,,حالة وفاة,, جدتي دخلت المستشفى ,,وغرفتي انا واختي انحرقت واحنا موجودين بالبيت :059:بس الحمدلله على كل حال حتى الدوره استمرت 17 يوم …
الجمعه اتصل زوجي قال قومي اوديك للمستشفى وانا اقول لا اكره المستشفيات:ع0880:
قال نطمن بس قلت اوك,,
رحت لمستوصف دخلت عند طبيبه عام خذت ضغطي قالت نازل حاجه بسيطه وكمان حراره بس بسيطه وحلقي احتقان مدري التهاب !!
قالت لي معك فقر دم ؟؟
قلت ايه ,, قررت على طول قالت خلاص نعطيك حديد انا على طول رديت لامابي عطيني حبوب:043: , قالت ماينفع في ناس ماينفع معهم وانتي كم لك تاخذينها قلت شهر قالت خلاص لازم حديد وماراح تاخذ وقت واريح لك المهم قاعدة تقنعني وكذا لما وافقت ..
رحت قسم النساء لحالي بدون زوجي وبدينا المشوار اول مره بحياتي يحصلون وريد بسرعه بدون ماتجرب كل يدي فوق وتحت اليمين واليسار قلت الحمدلله..
تجربتي الاولى يوم كنت حامل كان الحديد غاااااااااااااااااااامق وكان زي كيس الدم ..
تجربتي هذي خفيف لونه غريب وموكيس لا,, مثل المغذي اللي يجي مربع بلاستك مدري فهمتوا علي ..
اللي صار :
قبل لاينتهي بربع او اقل الم يمشي في بطني بشكل فضيعععععععع اقول شكلها زايده بعدين حسيت بينفجر تعرفون كيف بينفجر اقول بينفجر وبيطلع اللي ببطني كله معليش على الوصف بس اقل شي اقوله ماقدر اتكلم اتصلت على زوجي قلت له قال قولي لها تشيله ,, الهواء اللي حولي خلص يعني موقادره اتنفس ,,انفاسي مكتومه امسك صدري وانادي على السستر تجي اقولها في الم في بطني تضحك تقول يمكن تبين الحمام … حمام هاه ..!!:ص0300:
قلت لااااا الم الم شيليه..
بعدين جا الالم بظهري ياااحلووو الطلق عنده والله انه اهون لانه الطلق يروح ويرجع هذا شي حار يطلع وينزل لاخر ظهري بس اتقلب بالسرير جت السستر الثانيه قالت بروح اقول للدكتوره قلت شيليه لما طالعت خلاص خلصص ,,
شالته اقوم اتنفس ماقدررررر واطلع عند زوجي وارمي شنطتي عليه وادخل الحمام (تكرمون ) ماكنت ماحتاجته بس ماعرف ليه دخلت !!
والله البول الله يكرمكم اسسسسسسسووووود يروووووع ..والتنفس عندي يقللللللللل مو قادره ..
اطلع لزوجي اقوله ودني مستشفى ثاني بموت !!
قال تعالي ادخلي عند الدكتوره وانا ماقدر امشي نملت رجولي ويدي اقول انشليت امد يدي ابي ارفع رجولي مو قادره ارفعها بس زوجي يقول : قولي لااله الله وانا جالسه اقول مثله واتشهد واصيححححح هو انهبل يقولي لهدرجه تتالمين اصبري اصبري شوي خلاص بتطلع اللي عند الدكتوره الحين,, وانا اشاهق ابي نفسسسسس وهو يهديني لما طلعت الحرمه ماذكر كيف مشيت بس اذكر دخلت وفسخت الشوز رجولي انتفخت مرررررررررره يدي انتفخت قالت مالك مالك؟
قلت وش سويتي فيني ؟
تعالي على السرير اول ماشافت الضغط قالت نزل ضغطها بشكل وحش ,, جعل الوحش ياكلك..:059:
بعدين قالت ايه دا وتسمع قلبي تقول خفقان..
راحت جلست قالت تعالي اجلسي ..
جلستى على الكرسي زوجي جنبي قالت بنسوي لك تحليل نعرف ايش المشكله يعني انتي قلتي لي انك اخذتي حديد قبل وماجاك شي ليه الحين تعبتي قسم بالله يابنات انها تتكلم ولا ادري وش تقول بس متنحه بالارض ودوخه قويه اللي سمعته اخر شي قالت ركزي معي ركزي تسمعيني بعدها طاح راسي على زوجي..
عاد زوجي علمني وش صار ..
يقول اول مااغمى عليك قمتي تتنافضين كنك مشبوكه بكهرب لحد ماطحتي على الارض والدكتوره تصارخ تنادي السستر وشالني زوجي طلعني الا جابوا العربيه وعلى طول طوارئ ..حطوا لي جهاز القلب وصار خربان فكروني متتتتت:028:بعدين جت السستر قالت لها خربان اهم شي اني صحيت فجاه بس ماقدر افتح اسمعهم بس وجابوا جهاز ثاني ودقات قلبي ضعفت والضغط نزل اقوى شي جسمي انتفخخخ وماقدر احرك عظم ..سطرتني لين صحيت جعل يدها الكسر:14_6_ss1 فتحت طالعتها واغمض تصرخ علي لاتنامين اصحي معي تسمعيني خليك معنا !!
وربي زي المشلوله ماقدر اتحرك ..
دخل دكتور قامت تصيح وتصرخ تقول والله بس ابره حديد اللي عطيتها,, راحت لبست عبايتها ناويه تنحاش بس تصرف تقول خلص دوامي ..بعدين قالوا انقلوها مستشفى احسن..نقلوني بالاسعاف للمملكه تخيلوا ….اول ماوصلنا قال الدكتور اللي جاي معنا من المستوصف لزوجي امسك يدها خليها تمشي !!!!!!:ب1::ب1:
زوجي قال من جدك انتتتتتت جاية باسعاف تبيها تمشي وش قلبك انت وين الرحمه؟ قال اوكي خلاص جيبوا عربيه بعدين عرفت ليه قال كذا ..
لانه صرف زوجي قاله روح سجل اسمها راح زوجي وباقي المصري ودكتور ثاني من المملكه قاله تراها مثل الحصان داخله تمشي على رجولها جعل الحصان يرفسسسكككككك :042:قصده اذا جاها شي عندكم مالنا دخل هي طلعت من عندنا تمشي !!! حسسبي الله عليهمممم ..
عجبني الدكتور السوري قال انا مابي اسمع منك ولامن زوجها ابيها هي تقولي ايش فيها بعدين قالي ايش فيك ؟:079::ق201:
قلت ابرة حديد قال ايش ؟؟
قلت عطوني ابرة حديد وصار معي كذا قال ماكتبت الدكتورة بالتقرير انها عطتك حديد بس كتبت اكسجين واملاح!!!
قالي طيب هي حللتك قبل لاتكتب لك الحديد قلت لا قال شلون تعطيك حديد بدون ماتعرف كم عندك او اذا عندك حساسيه !! قلت ماادري ..مره استغرب.. عطوني ابره لان عضله القلب متشنجه وكل شي فيني متشنج .. عطوني ابر مسكن ومغذي وشي يطلع الحديد اللي دخل وابره ثانيه نسيت حقت ايش ..
المهم بقولكم المهم بالموضوع واللي قاله الدكتور لي …:ق0:
الحديد كثرته يقلب سم بالجسم ماينفع كثرته الايضر يتضخم القلب بعدين وفاة اوفشل في الكبد وضيق تنفس ووفاة ..
انا لحقوا علي وربي كتب لي عمر يعني لو ان زوجي سمع كلامي وطلعني لمستشفى ثاني كان ممكن الصدمه تصير بالسياره ومايلحق يوديني واموت … حاااااااااااااااااااسبي الله عليهم ..:ص300:
رجعت البيت نفس اليوم اول ماراح مفعول المسكن جاني نفس الالم وتشنجت يدي وبس اصيح خواتي وحده عند يدي والثانيه عند رجولي يدهنوني بزيت ويسوون لي تدليك عشان يخف الالم وانا اصيحححح.. المشي ماقدر امشي يومين قعدت كل ماخلص مفعول المسكن تجيني الحاله ..
من بكرا الصباح رحت لاني ماتحملت خذوا مني دم يتاكدون اذا فيه تسمم او اي شي قال الدكتور اذا استمر معها الاعراض والدوخه لازم ننقل لك دم ,, الله يستر ..
المصريه الحقيرة اتصلت على زوجي تطمن قالها ليه ماكتبتي بالتقرير انك عطييتها حديد لو انهم عطوها ثانيه وجاها شي قالت لا انا ماكتب اللي صار قبل الصدمه انا كتبت اللي عطيتها بعد الصدمه بسس ماكتب قبل تقهرررر قالت اوكي تطمنت الحين باي ,,,
صاحب زوجي في وزارة الصحه يبي يشتكيها قال ماتقدر تسوي لها شي لانها ماكتبت شي بالتقرير يعني ربي رحمها وقفلنا الموضوع بس انا مقهوره مره منها ومن الدكتور المصري يقولها ليه ليه خايفه دنتي احسن طبيبه عندنا بالمركز يعني اسمعوا ..
بنات انتبهوا انتبهوا لاتسوون سواتي اللي خذت حديد قبل لاتقول خلاص ماراح يجيني شي سوي تحليل اول اول بلاش ابر الحديد اعتمدي على الاكل والحبوب اهون واللي مثلي ماينفع معها الدكتور قالي اشربي عصير برتقال حامض وخذي الحبه مفعولها يجي اقوى واسرع ..
بعد التحليل قالوا معك حساسيه وبعد هي حطت شي ثاني مع المحلول لان مستحيل يصير معك حساسيه وانا اخذته قبل وماجاني شي يعني مومتاكدين للحين حساسيه اوهي حطت شي ثاني ..
طولت عليكم اللي عندها اي سوال تسال الا…. اسم المستوصف اللي رحت له ..:405::ق203:
