عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
اولا يسرني ويسعدني ان انظم الى ااحلى فراشات بالدنيا:079:
مدري بجد من وين ابدء..بس ربكم يعين
المهم حبيباتي وبالمختصر المفيد انا تقريبا صار لي 11 سنه (( ولله الحمد )) ما عطاني عيال:062:
واناا الوم نفسي كثير لاني وبصراحه ما ثابرت ولا رحت وجيت كما يجب واول زياره للدكتور بعد سنتين من الزواج :0148:
وقالولنا ما في اي مشاكل ………. وطبعا ( اهمالي ) جلست انتظر تقريبا 3 سنوات اضافيه بدون اي اهتمام
المهم كنت اسوي زيارات للطبيب واجلس بعدها سنتين او ثلاث بلا اي اهتمام:021:
كنت انا اطلب من الدكتور واقوله :
((طيب يادكتور سوي لي منظار عشان اتطمن على قناه فالوب والرحم))
قالي حاضر :0107: ,, وطلع في تكيس توه بادي وشاله
وبعدها رحت للدكتور طافش وقلت له ابسوي تلقيح صناعي بعد ما فحصني و سويت عنده مرتين تلقيح صناعي وما نجحت المحاولتين:0105: بوقتها كان لي ست سنوات تقريبا من زواجي
وبعدها جلست سنتين تقريبا وبعدها رحت للاردن فسحه وعلاج…… و على البركه سئلت عن دكتورهناك ومدحوا الدكتور نجيب ليوس وسويت عنده تلقيح مجهري:062:
ومرت 4 سنين واكثر وانا جاااااالسه
وقررت اروح للدكتور سمير عباس ورحت له وقالي بحكم محاولاتك القديمه 2 تلقيح صناعي ومحاوله تلقيح مجهري
وبحكم سنك تعدى الــ 30 الافضل انه نسوي تلقيح لانه نخاف يتاخر العمر اكثر والتبويض يضعف
المهم سويت التحاليل الازمه انا وزوجي واشعه الصبغه ونتيجتها في التصاقات بسيطه على احدى القنوات
وقالي عندي هرمون الحليب مرتفع وعندي انيميا منجنيه(( مدري الكلمه صح اولا)) وللمعلوميه اول مره ادري بحياتي ان عندي انيميا لاااا ومولوده معي كمان
المهم بعد اذا التقرير قرر الدكتور لي العمليه وسويت عنده تلقيح مجهري وتقريبا بنص الكورس كنت انا متابعه مع الدكتوره اماني شلتوت وفي يوم تصوير الاشعه قالت لي استجابتك للتبويض ضعيفه
قلت لها ((طيب؟؟)) الحل شوو…
قالت نوقف الكورس ونعيده بشهر ثاني عشان نغير العلاج
قلت بذي السهوله
قالت او نزود الجرعات
قلت لها زودي….. وكانت غلطه مني ..بس قدر الله وما شاء فعل
المهم ولين زادت الجرعه جا موعد التصوير الثاني قالت لي ابشري في استجابه((بس الظاهر انه البشاره تقصد بها انه التبويض تحسن بالنسبه للاشعه اليومين الي راحو))
المهم وجا يوم سحب البويضات وسحبو للاسف فقط 3 بويضات
وبعدها بيومين موعد الارجاع
والارجاع جا الدكتور سمير عباس قالي بمزحه ليش يا بنتي كذا بخيله هههههه.. بويضه بس الي تخصبت ..!!
طلعت من غرفه العمليات ورحت لغرفتي و…….
شوي وجاني دكتور عشان تعليمات متابعه الادويه ومتى موعد تحليل الحمل وذا الكلام وانط انا واقوله دكتور اذا ما نجحت العمليه متى اقدر اعيها….؟؟؟
قالي لا تقولي كذا وإن شاء الله خير.
قلت له لالا اقصد اذااا ربنا مااراد يمديني اسويها بعد شهر او شهرين قالي .. واذا طلعت النتيجه ساعتها نشوف. ممكن بس ربنا ييسر
ونوصل ليوم التحليل ولله الحمد …..جلس جوزي يتصل يتصل تعبوه ولاعطوه خبر؟؟؟ وانا كنت اصحى ااقوله هااا سالب صح يقولي يا بنتي نامي ماحد رد
وصحيت العصر سئلته قالي : ((( اتصلت قالو دكتور المختبر مو موجود اليوم خميس نص دوام والمختبر تسكر والنتيجه السبت))))
وانا كنت حاسه انه النتيجه سالبه بس اقول يمكن يكون زوجي صادق والنتيجه السبت ..مع انه كان نفسه يحللي قبل الموعد لانه متلهف يعرف النتيجه..كيف بيصبر!!!!
(( طيب مو غريبه انه ماقالي نروح نحلل اقرب مستوصف .!!!))
راح من بالي ,,,,,,,,,,,,,,,,,وبيني وبينكم زي الي ودي وما ودي اعرف النتيجه
