عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
ياخواتي ابي رأيكم بس
وشنو موقفك لما يصير لك كذا
قبل كم يوم احتفلت بذكرى زواجي
والله لايعيدها من ذكرى
المهم
انا وياقليبي انا
استعديت وتعبت نفسي وماقصرت معاه وسويت له حفله صغنونه مغربيه بس هو استانس
على اساس انه بعد صلاة العشاء بيرد ونكمل ذكرياتنا
رد ابو الشباب ومعاه ابوه<<<<<خوش ذكريات
المهم قمنا بالواجب
ومع ذلك ابو الشباب ماجاز له وانتي ماتعرفين تسلمين على ابوي ولا تسولفين ومن ذا الحكي المهم مشينا الموضوع
على اساس اننا متفقين اننا نطلع لمطعم محترو ورمانسيييي>>>>
<<<<<مادله الرومانسيه
المهم
يوم جت الساعه حول عشر
قال مااشتهيي اروح مطعم
بس انا غصبته وياليتني ماغصبته
مالكم بالطويله
طلعنا تمشينا شوي بعدين قال لي زوجي باوديك للمطعم
وكان رافض انه يقول لي وش هو اقالك مفاجأه
وداني للمطعم
وكان مطعم يعني شعبي
كبسه وجريش وقرصان<<<<<يسمع بالرومانسيه
وطلب له المقسوم لا وداخلين اخر الوقت كلش مافي خلص
وطلب لك قرصان او الظاهر انه مطازيز وكان حاااار يعني مفلفل
وانا ماكل المطازيز اساسا
فاقلت له ماكله ماابي
ابو الشباب مااهتم والطلب كله ماكلف عليه الا 33 ريال بس
الحمدلله هو مو بخيل بس صرااااااااااحه بتصرفه قهرني وايقالك مكرمني
المهم اكل العشى هو <<<وكان مايبي عشاء
هههههههههههههههههه
عليه بالعافيه ماهمني الاكل
بس
واحنا رادين بالطريق انتفخ علي وعصب
من لاشي
يوم ردين للبيت ناويه اكمل فرحتي هو ماعبرني دخل عند التلفزيون ولاكأني موجوده
جيت له قلت وش بك وش فيك ماأهتم<<<<مافيني شي بس هذا اللي عنده
وانا مومقصره معاه بشي وراح نام وهو زعلان بس ماطراء لي اني اراضيه
اللي علي وسويته
وش رأيكم ……….؟
كيف اتفاهم معاه
المشكله ماكملنا سنه
ولا فكر يهدين بهالمناسبه
وان دايم اهديه بس اشوفه مايهتم فاقلت ليش اتعب نفسي
حتى عيد مااهداني مثل الناس
يقالك يلعب علي ماعطاني مصروفي الا يوم العيد وقال لي هذي عيديتك
وذلني عند هالعيديه
اذا طلبت شي قال مامعي فلوس ايقالك مشووووووار يروح يدور صراف
يطلب من واعطيه ماعمري قلت له لا
وبطقاق يالله خلاني اهدي خواتي يوم ولدن
يقول انتي اهديهم معك عيديه معطيك
طلعت ريحتها ذا العيديه
استحملونيي ودي افضفض
ابي رايكم بس كيف اتصرف معاااه
