عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
بدخل في موضوعي على طول
انا ساكنه مع اهل زوجي
وهم يحبوني وخادميني بولاداتي كاني بنتهم
ولهم فضل علي
وانا بعد ماني مقصره معاهم كانهم اهلي لو اسوي عشاء ارسللهم ولما اروح لهم وعندهم ناس اشتغل كان العزيمه عزيمتي
طيب وين المشكله؟؟؟؟؟؟؟؟؟؟؟؟
المشكله انهم الحين خطبوا لولدهم وصاروا بيتجننون عليها يمدحون ليل نهار قدامي على بالي يستفزوني وانا مطنشه وفي الاخير حصلت مشكله بسيطه قاموا يقولون اصلا هي غيرانه منها
ومن ذا الكلام وانا والله يابنات ماعلي فيها لو كانت ملكة جمال انا الحمد لله جميله وموضفه ومبسوطه مع زوجي وربي رازقني ماابي احد يحسدني ولا احسد احد راضيه بحياتي رضا تام ولا اتمنى اعيش مكان اي وحده من سلفاتي
المهم صارت عزيمه عند اهل العروسه الا اهل زوجي يسألون اولادي امكم بتروح؟؟؟
ايه بروح وين المشكله وش بيني وبينهم ولا اخفيكم يابنات اني كرهت العروسه وانا ماشفتها
لكن بعد مارحت العزيمه حبيتها وحسيت انها عسل
واهل زوجي لما شافوني انواع مد البوز وام زوجي والله ماوقفت تسلم علي تخيلوا قامت لسلفتي اللي وراي وسلمت عليها ولا احد يكلمني وصاروا داقين حنك مع سلفتي الثانيه وهم كانوا يحشون فيها عندي الين قالوا بس
بالله قولوا وشلون اتعامل معاهم
انا قررت اطنشهم ولا اروح لهم ناس ماتبيني ليه اروح عندهم
ابي رايكم؟؟؟مع اني ماغلطت بس ناويه اخربها معاهم
ونسيت بعد ماقلت لكم
اخت زوجي لما اتكلم تضحك على سواليفي بأعلى صوت؟؟؟؟؟؟؟؟؟
انا طالعه الحين وراجعه لكم
