عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلآم عليكم ورحمة الله وبركاته
كيفكم يابنوتات :072: أحلى منتدى عندي
والله ماسجلت في هذا المنتدى وكتبت مشكلتي الا اني ارتحت لكم وابغاكم تساعدوني وتدلوني وش السواة<< مالكم بالطويله << تعلمتها منكم :061:
المهم أقولكم سالفتي ودي من زمان اكتبها والحمدلله تيسرت لي بس بلييز :072: اقروها كلها صح هي طويله لكن الله يرزقكم الفردوس اقروها لين النهايه واللي ماودها ترد ترفع الموضوع بدعوه :و1:
أول شئ نبذه عن نفسي : أنا بنوته كنت وانا صغيره شوي دمي حار يعني ما أحب أسيب حقي لدرجة اني بيوم من الأيام تخاصمت مع حرمه قد أمي يمكن << والله أحس انا صح كانت فيني طبيعه ماأحب اسيب حقي وأحسب نفسي على شئ صح مع ان امي تخاصمني بس انا الله يهديني ماكنت افهم صغيره وبعدين يقولي أبوي لآ عيب ترفعين صوتك على اللي اكبر منك ولآ زم الواحد يكون محترم وينصحني بس ماكنت أفهم صغيره :ب1:وندمممت مرره بس ماينشره علي مافهم صغيره .
بس بعدين يوم كبرت وعقلت فهمت ان اللي كنت أسويه غللللللط مررررره وقلت يابنت عيب عليك تسوين اللي تسوينه وسرت ماشاء الله بنوته :072: دلوووووووعه ونعووووووووومه والله مو مدحا بنفسي لكن والله بشهادة الجميع …
المهم هالحين أدخلكم في السالفه اللي حاااااارقه دمي مرررره حاولت انسى ماقدرت والله انا حسااااسه وعاطفيه بشكل ماتتصورون :044:
عندي بنت عمه كنت سبحان الله واحنا صغار ماكنت اطيقها << للمعلوميه هي اصغر مني بسنه او سنتين .. المهم يوم كبرنا سرنا انا وياها صحبات مررره الروح بالروح واللي زاد الصداقه المسن دايم نقعد عليه ونستهبل وونضحك ونتونس وحتى دايما الناس يقولون لنا انتم الثنائي المرح مرره علاقتي فيها اوك :0149:
لكن تفااااااااااااااااااجأت يابنااااااااااااات :042: يوم اني وثقت فيها تخيلو دايم تقولي ع المسن انتي اقرب وحده لقلبي وانا احببببك مررره والله العظيم مارتاح الا لك وماعمري تكلمت الا معاك ودايم انتي اقولك على كل شئ وانا مسكيييينه صدقتها على نياتي :062: ويوم من الأيام حدثت بيني وبينها سالفه ,, قلتلها على شئ,, والله يابنات اليوم الثاني مدري اللي بعده قمت من النوم والخبر واصل لأهلي أنا يوم أختي قالت لي تجننت قلت كيف هذي تقولهم على اطول اي شئ ينقال لها تروح تقول لخالآتها اللي هم يسيرون عماتي وهي قالت لعمتي ومزودين عليه كلآم مدري هي ولآ عمتي ماظلم أحد فيهم :ب1:انقهرررررررررت مرررررررره وقلت ماعاد بكلمها ,,والله اروح اهزأها قالت لي اختي لآ يابنت صلي ع النبي وبعدين كلميها على رواق انا كنت ابغى اكلمها لأني وثقت فيها وابغاها تعرف انها هي غلطانه وبعدين اختي قالت لي عامليها عادي لكن خذي حذرك منها وتعلمي لآ عاد تقولين لآحد شئ من أسرارك ,, انا خفت بزياده لآني قلت لها على سر والله مابغى احد يعرف وانا اخاف انها تروح تقوله لخالآتها يعني كلللل شئ اقوله لها ف المسن او في اي مكان تجي امها ولآ خالآتها وهم عااااارفين كلللل شئ والله انقهر منها مررره وسبحان الله يوم من الأيام وقلت لها ماشاء الله انتشر الخبر<< اللي هي السالفه اللي وصلت لهلي << قالت يوووه قصدك عشان قلت لخالاتي والله اني من حبي لك حزنت عليك وقلت لهم مسكينه مرره << والله انها من الناس اللي يدسون السم في العسل “” استغفرالله العظيم بس “”وكانت تقولي ياsweet مررره نفسي ماعاد البس عريان ولا قصير اقول لنفسي الين متى وانا كذه وكانت تقولي ف رمضان ماعاد بأتابع مسلسلآت ولا شئ والله اني حددت مسلسلآت لكن ماني متابعتها .. ويوم من الأيام تفاجأت انها تتابع مسلسلآت عرفت انها تتابع مسلسل بعد رمضان وهي تكذب علي بكلآمها ..يمكن الناس وجهات نظر يقولون وش فيها عادي تتابع مسلسلآت ” لكن انا وخواتي الحمدلله مانتابع واصلآ ماعندنا قنوات الآ السعوديه والقنوات الإسلآميه والرياضيه عشان اخواني “وانا ماني بمقهوره عشانها تتابع الله يغفرلها بس .. بس مقهوره لأنها تقولي كلآم واتفاجأ انها تسوي شئ ثاااني << المفروض انها تخاف من رب العالمين قبل كل شي يعني كأنها بكلآمها تخاف مني تقولي ماعاد بسوي ومدري ايش كأني انا اللي بعاقبها استغفرالله,,,,
قبل كم يوم كنا بمناسبه وكانت لآبسه قصيير وعريااان الله يسترنا << علما اني مالبس انا قصير وعريان وهذا الكلآم من بعد رمضان اخذت عهد على نفسي قلت ان شاء الله ماعاد البس لآ قصير ولآ عريان والله يثبتني وبنات المسلمين ,, وتخيلو تجي خالتها اللي هي عمتي وتقولها ماشاااااااااااء الله مررررررره لببببببسك رووووووووووعه ” عمتي هذي دايم تتقصدنا مدري ليش :404: والله العظيم انها ماتهمنا ولاشئ بس مدري ليش تسوي معانا كذه وبتشوفون لها سوالف معايه في نهاية الموضوع الله يصلحها,, المهم عاد جت اختي قالت لآ والله ماتوقعتك تلبسين كذه << قصدها على بنت عمتي قالت بنت عمتي لييييش ؟؟ وهي اللي كانت تقول ماعاد ابغى البس قصير وعريان :062: قالت لها اختي مايحتاج اقول ليش قلت لأختي ماعليك من احد كلن برشده يعيش وبعدين كمان قلت لأختي وبنت عمتي واقفه كلنا درسنا منهج واحد وكلنا نعرف الصح من الغلط والحلآل من الحرام والله يابنات انا ماني مقهوره الآ انها تتكلم شئ وتسوي شئ ثااااني ,, استغفرالله “” ودحين مرره مبينه لخالآتها اللي هم عماتي اني انا اللي غلطانه وأخذوا عني فكره سيئه لأني قلت لها انك نشرتي الكلآم ومدري ايش بس سبحان الله لآبد أن الحق بيظهر في يوم من الأيام ,,,
تظهر للناس طيبتها وانه مافيه زيها وهي مصييييبه والله العظيم ان ماودي اتكلم عليها ولآ شئ بس من القهر ليش الواحد يكون كذه رياء تعامله مع الناس ,, على فكره الى الان وهي تظهر طيبتها لنا,, وأخواتي يقولن لأتظنين في البنت يمكن فهمتيها غلط ويقولون نحسك زودتيها وقلت انا خلآص والله بسير معاها زي اول بس ماعاد اقولها شئ من اسراري ,, ويوم من الأيام تفاجأت كانت عند جداني وكنا بنجيهم قالت لخوها تعال بسرعه خذني قبل لآيجون << تقصدنا :042: ويوم تقابلنا تسوي نفسها تحبنا مررره ومشتاقه لنا “” الله يهديها ويصلحها يااارب “”
تخيلو مو بس هي كذه احسسها تقعد كده تتكلم معايه عشان تعرف كلل شئ عنا وتبين لي انها طييييبه وقلبها عليه وبعدين القى كلللللللل شئ اقوله لها عند خالاتها ماتخلي شئ ماتقوله لهم .. ومو بس كذه كمان خالآتها اللي هم عماتي مررررره يكرهونا تخيلو والله اول كنا احنا وام هذي البنت وأجدادي نتجمع مع بعض كل ربوع وخميس ودحين بعد ماعماتي تزوجو صارو يتجمعون ولآ ينادونا :059: وإحنا المشكله خالآتي محد ساكن منهم في المدينه اللي احنا ساكنين فيها الا ثنتين وحده مانروح لها بعيده ووحده نروح لها وين ووين أمي ماعودت ابويه من اول انها تتجمع مع اخواتها واحنا كمان اتعودنا على عماتي وفجأه كذه قلبن علينا ماعرف ليش والله مررره عماتي يكرهونا مدري ايش سوينا لهم ,,
تخيلو مره في صباح العيد كنا عند جداني وجت وحده من عماتي وسلمت عليهم كلهم الآ انا والله العظيم ويشهد عليه الله ماقد سويت لها شئ انا قلت يمكن نسيت لكن بعدين طالعت فيها ولقيتها تطالع فيه وتشمق عليه ماسويت لها شئ استغربت قلت لآ يابنت لآ تظلمينها ويوم جو بيتنا مديت يدي لها وسلمت عليه وابتسمت لي ابتسامه مع نظره حررررررررررررررررررررررقت قلبي آآآآآخ “الله يسامحها يااااارب” وكده دايم هذي عمتي بالذات كل ماتشوفنا تحسينها تحاول انها تسوي اي شئ تحسب انها بتقهرنا والا شئ والله مدري اش فيها مرررره تدقنا بالكلآم مرررره والنظرات تطالع فينا نظرات تحرررررررررق مادري ليش ,, والمشكله انها اذا بغت منا شئ تتمصلح مرررررررررررره وتقعد تضحك وتتقرب منك عشان تلبين لها اللي تبي تخيلو … والله لو نعاملها زي ماتعاملنا كان امدانا في مهاوشات ..
وكمان في بعض عماتي مو كلهم حرام والله تحسون انهم يبغون يشوهون سمعتنا قدام الناس مدري ليش والله تخيلو مره كنا جالسين احنا وناس من جماعتنا وبعض عماتي وأمي معروفه بطيبتها ودمها خفيف الله يطول بعمرها ياااااارب دايم يمدحونها الرجال والحريم <<مادري هم يغارون والآ اش قصتهم الله يهديهم << نرجع للسالفه ,, تخيلو واحنا جالسين في امان الله نسولف الآ تطلع وحده من عماتي :404: وتتكلم مع امي وتقولها يوووه مانسى ايام زمان يا أم sweet والله إلى الآن إني اصحى من النوم مفزوعه من اللي كنتي تسوينه ” لأن امي كانت عايشه معاهم ف نفس البيت يوم تزوجت ” تخيلو امي انفجعت مررررررره :0132::0132:” تبغى تشوه سمعة امي قدام الناس مع ان امي كانت صغيره وكانو بعض عماتي يروحون للمدرسه وكانت هي اللي تقوم الصبح وتسوي لهم الفطور وتمشط شعورهم
:059: ” عاد امي ماسكتت وردت عليها وحتى الناس اللي كانو موجودين قالو ايش بالعكس هذي الإنسانه مافي اطيب منها والله ان تغير وجهها “” سبحان الله ربي رد كيدها في نحرها حاولت تشوه سمعة امي لكن ماقدرت لآنها افترت على امي كلآم مو بفيها ..
لآ ومثلآ يشوفون ناس لآبسين قصير وعريان لما نتجمع يقولون حرام ومدري ايش وكلآمهم مافيه احسن منه ,, وتجين في العزايم والمناسبات تلقينهم يلبسون عريان وقصير ليش بالله كذا يخافون من الله قبل كل شئ … ويوم من الأيام في زواج وحده احنا كنا صغار ومانعرف نحجز عند المشاغل وقالو لنا خلاص احنا حجزنا لكم معانا ويوم الزواج في العصر اتصلت وحده منهم على اختي قالت ترا مالكم مكان في المشغل مرره زحمه قالت لها اختي كيف وانتي تقولين حجزنا لكم ؟؟ أختي انقهرت مرره وجلست تبكي:ب1: ينقهرون منا دايم كذه يورطونا ” بس احنا سرنا مانوثق فيهم في هذي الأشياء ,, ” لا يلدغ المؤمن من جحره مرتان “مايبغونا نتزبط مادري هي غيره والآ ايش والله وسبحان الله ربي رزقنا بوحده عسل كويس اننا لقينا مع اننا كنا في اجازه ماتوقعنا نلقى بس سبحان الله ربنا كريم ..
هالحين ابغاكم تقولون لي وش رايكم في تعاملهم معانا ؟؟ وش رايكم في تعامل بنت عمتي معايه؟؟ وكيف احنا نتعامل معاهم والله لو احنا نتعامل معاهم بالطريقه اللي هم يتعاملون فيها معانا كان يمدينا مانتزاور:404: يبغون منا اي غلطه عشان يمسكونها علينا ..
/ معليش طولت عليكم /
” اللهم ياااااااارب اصلح عبيدك “
” سبحانك اللهم وبحمدك أشهد أن لا إله إلا أنت أستغفرك وأتوب إليك “
