عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم ياخواتي الفراشاااات ان شالله انكم بخييير :090:
والله موضوعي مضيق صدررررررري بالحيييييل وأبي منكم تساعدوني لو بدعوه :042:
أبوي انسان طيييب ومدلعنا ومو مقصر علينا بشي الحمدلله .. لكن فيه عيييب واحد
انه كثير التريقه بالناس ..
يتتريق على جارنا وعياله .. على خالاتي المتزوجات والغير متزوجات ماخلى أحد من لسانه
الله يهديه ..
شوفوا مثلا :
وحده من خالاتي درست للمتوسط ووقفت ماكملت صار يتمسخر عليها ويقول هي مو فالحه
ومن هالحكي والله عاقبنا صارت أختي وأخووي مايرووحوون المدرسة .. أختي تروح يوم وتغيب
عشرره .. وأخوي كل ماقام الصبح يسوي نفسه انه يستفرغ وانتم بكرامه .. حتى لما أمي جت بتقومهم
للمدارس ومارضوا جاه هو بيقومهم وزعل قالت أمي هذا لسانك لانك تطنز على أهلي وخواتي ..
عندي خاله عمرها 35 وإلى الأن ماجا نصيبها وأبوي ذاك اليوم قال كلمة عورت قلبي عنها
قال ( العجوز المتصابيه ) كان معصب لانها تطلع لحالها واحيانا ترجع الساعه 12 وابوهم متوفي
هو على أساس المبدأ انو كذا مايصير وكان معصب وقال لماما كذا ..
واللحين انا صار عمري 20 سنه ولا انخطبت وكل صحباتي اللي حولي متزوجات لدرجة اني اقول
الظاهر ان ربي بيعاقبه فينا واخواني بيصيرون فاشلين بدراستهم وانا ماراح اتزوج أبد ..
وكل مانصحته امي وتقوله يابن الحلال ترا هالتريقه ترجع لعيالنا يسكتها لانه عارف انه غلط
حتى لما اقوله يا بابا ترى كله يرجع لنا بكرا نصير أسوأ الناس يقولي اسكتي او روحي عن وجهي
عمي وأبوي توأم لكن الفرق ان عمي مايتريق على أحد وسبحان الله على ان عياله مو لم الدين
لكن ربي موفقهم ومسهل حياتهم وأحنا العكس والسبب لسانه الله يهديه ..
انا فكرت بفكرة .. أبقوله اني حلمت فيه حلم انه يبني بيت وكل مابنى جا احد وهدم له اللي بناه
واني اتصلت على مفسر وقالي ان الملائكه تبنيله بيت بالجنه لكن ينهدم البنى بسبب كلامه بالناس
قلت لعل وعسى يتأثر بهالكلام ويحاسب نفسه ويهديه الله ..
وش رايكم أقوله كذا ؟؟ ولا حرام اكذب بالحلم ؟؟ بس شسوي والله تعبنا من كثر ماننصح
تكفووووووووووون يابنااات مابي منك غير انكم تدعون له بالهداية ومايصير يتكلم بالناس
