عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
انا اترددت كثير قبل مااكتب هالموضوع
بس والله اني ضايق صدري ضيقه مو طبيعيه
ماعاد صرت اقدر اتحمل هالضيق خلاااص تعبت
كل صديقاتي والبنات اللي بعمري انخطبوا او اتزوجوا
مااعرف واحده مو مخطوبه او متزوجه
الا انا…
انا حتى عريس واحد ماقد تقدم لي
ولا في اي احد فكر انه يتقدم لي
انا مو متأخره على الزواج بالعكس
انا لسى صغيره وتوني صاير عمري 20
بس ضيقة صدر انه ماحد يبي يخطبني كاسرتني
جتني فتره قررت اطلع الموضوع من بالي وانسى واللي كاتبه ربي بيصير…
بس بعدها انخطبت واحده اعرفها
وكل مايقرب يوم خطوبتها احس بجبل فوق صدري مايتحرررررك
مو اني اغار منها او شي لا والله
هي صديقتي وانا اتمنى لها كل خير واتمنى انها تسعد بحياتها…
اول مااخطبت دقت علي قالت لي
وانا فرحت لها واقول لها مبرووك ماشاء الله تبارك الله الله يوفقك ويسعدك
ومبينة لها اني مبسوطه وفرحانه لفرحها
وانا قاعده اتفطع من جوا
قفلت منها والدمعه بعيني
قعدت اصيح وادعي ربي يساعدني عشان هالشعور يروح واقدر افرح لها بس مو قادره
انا ماحطيت هالموضوع في قسم المتأخرات عن الزواج لاني ادري اني مو متأخره عن الزواج..
انا متأخره عن الخطوبه وهذا شي ذابحني!!
في خلال هالفتره كلها مافي انسان واحد فكر يخطبني…. في هالفتره كلها مافي ام فكرت انها تخطبني لولدها..في هالفتره كلها مافي احد دل علي
ماادري وش اللي سويته عشان الناس تبعد عني كذا!
سألت نفسي وش السبب؟؟
هل انا بشعه لهدرجه؟؟
او سويت شي كبير لهدرجه؟؟
او منبوذه لهدرجه؟؟
وش السبب اللي خلا صديقاتي كلهم ينخطبوا الا انا؟؟
تكفون شوفوا وش السبب لاني خلاص عجزت الاقيه
