عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ..تصدقون يابنات من القهر مالي خلق لااكتب ولااكلم احد …حتى اني صرت اكره زوجي من تصرفات امه…وبقولكم عن اشياء كثيره قهرتني لاني من جد مقهوره..وانا اامدح نفسي طيبه وخلوقه وهاديه ومااحب المشاكل والكل يشهد لي بهالشي..بس بقولكم المشكله انامتزوجه من خمس سنين وانا ساكنه بالدمام واهلي واهله بمدينه ثانيه وبعيدين عنا وهذا مخفف المشكله كثير..اول ماتزوجنا اول شهرين عاملتني باحترام وتقدير وبعدين انقلبت ..وبديت تبين طبايعها الشينه…اول شي لاحظته فيهاملقوفه وتسال عن كل شي وتتدخل في كل شي…وبعد ماحملت بدل ماتفرح وتنتظر اول حفيد وتضمه قالت وانا حامل لازم تاخذين مانع حمل ترى الاطفال يتعبون ويطفشون وانا ماكنت اعرف طبعها وضحكت وقلت لاانا احب الاطفال…وراحت وكلمت ابو زوجي وحنا موجودين عندهم قبل اطلع وقالت له يقول لزوجي عن مانع الحمل وانهم مايبون بزران ولاقلق…انا انصدمت وش هالاهل…طبعا زوجي قالي….انا…. اسكت ماقلت له ولاكلمه وخاصه واننا تونا متزوجين….والله انقهرت يخططون علي وانا توي مافرحت باول طفل….المهم مرت الايام وجبت بنت ولااهتمت فيها ولاشي بس احيانا نفاق قدام زوجي ومجاملات مالها حدود….وبعدين اتضح لي انها غيوره بصوره مو طبيعيه الظاهر مرض…لاني مره قدمت على التدريس بدل معلمه ورحت عند اهلي شهرين ادرس طبعا بعيده عن زوجي ..ودق علي مره وقاللي روحي سلمي على اهلى واتعشي عندهم ورحت..في ذيك الزياره بانت على حقيقتها واتضح لي كل شي….تخيلو يابنات اول مادخلت مااستقبلتني دخلتني بنتها الصغيره …وجلست لحالي ربع ساعه اواكثر…وجات وكانت من التكشيره على وجهها احس انها بتعطيني كف…ولااخذت بنتي ولاضمتها ولاشي..وقالت اول شي انا ماحب احد يجيني من غيررمو عد وزوجي قايلها اني بزورها…وانا اضحك معها واسولف واعاملها باحترام واطنش اهاناتها لي وراحت وجابت لي شاهي بارد وقالت معليش بارد الظاهر انه من العصر…استغفرالله اول مره بحياتي اشوف ناس كذا …وعشاني لحالي زوجي مو معاي اخذت راحتها واهانات مالها اول ولااخر..وقالت بعدين مابي احد يطلب من اولادي مشاوير وطلبات انا اذا طلبتهم ماالقاهم..وشلون عاد بيخدمون الناس ..وانا مره بس احتجت غرض وطلبت منهم يجيبونه لي…وراحت الايام وقدمت على التدريس بدل المعلمه مره ثانيه وزوجي كان معطي الديوان رقم اهله تخيلو ردت امه على الديوان وقالت لاماتبي تدرس وهي مشغوله…وذاك الوقت كنت محتاجه مررره خاصه ان زوجي يصرف علينا اكل وشرب وبس اما حاجاتي والسوق انا ادفع اما اخذ من اهلي او ادرس وراتبه هو كله لاهله كل شهر الف لاهله واخوانه كل واحد ميتين وغير مشاريعم اللي كلها كذب ياخذون منه فلوس ولانشوف لامشاريع ولاشي بس جالس يسدد قروض البنك…..وكل هذا وانا مطنشه ولاقلت شي واقول امه واهله ولهم حق
بس بالاخير
والللي مااقدر اتحمله وقاهرني ….
يتدخلون بموضوع الحمل ولابعد الهانم حددت لنا النسل
تقول لزوجي كل شي غالي والبزران يطفشون ومابيها تحمل الابعد خمس سنين وبعدها جيبو واحد وبس مع العلم ان راتبه الحمد زين مرره وحالته الماديه مرره زينه بس الظاهر تبغى الراتب كله لها تتصرف فيه مثل ماتبي وتحرمنا الذريه…..
وانا الصراحه ماادري كيف اتصرف معها وكل ماشافتني تفتح معاي موضوع الحمل وتهدد حسببي الله وونعم الوكيل
تكفون يابنات محتاجه نصايحكم وكيف اتصرف مع هالاشكال وخاصه انه فيه اطباع كثيره شينه ماذكرتها بامه واهله….
وحسبي الله ونعم الوكيل
عن
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …