عالم البنات النسائي كل ما يخص المرأة العربية من ازياء وجمال والحياة الزوجية والمطبخ
*زوج و زوجة يبكون ليل نهار مش عارفين شو يعملوا نفسهم يسمعوا كلمة بابا و ماما بالبيت لانهم مش قادرين ينجبوا اطفال مقابل زوج و زوجة ببكوا و مش عارفين شو يعملوا لانه المراة حامل من جديد و مش عارفين من وين يجيبوا مصاريف……
2*بنت و صبي مش متحملين ابوهم و امهم عشان بينصحوهم و بخافوا عليهم …مقابل بنت و صبي مشتهين يكون عندهم اب و الا ام ينصحوهم و يخافوا عليهم ..
3*ابن عايش خطوتين بعيد عن امه و ابوه و ما بزور اهله و مش سال بالموضوع مقابل ابن عايش ملاييين بل ملايين الخطوات بعيد عن اهله و متمني يشوف اهله لو اسبوع ….و يسمع كلمة الرضى من ابوه و امه …
4* بنت و ولد ببكوا عشان الماما ما جابتلهم اخر لعبة بالسوق و الا اخر موديل جوال مقابل بنت وولد ببكوا فقرا و جوعا,,,,,,,
5* اشخاص بتبكي بدي اضعف بدي حبوب رجيم بدي عملية شفط دهون و بدي برنامج رجيم انا ناصح مش متحمل حالي مقابل مرضين مشتهيين ياكلوا لو نص تفاحة بس مش قادرين …..بسبب مشاكل صحية ,,,
6* ناس بتبكي من الوزن الزائد مقابل ناس بتبكي من الوزن الناقص مش عم تكبر بسبب خلل هرمونات بتمنع الجسم من النضج …
7*اطفال بتبكي ما بدي المدرسة بدي العب مقابل اطفال بتبكي ما في شي اسمه تعليم عندهم اهلهم بدل ما يرسلوهم مدرسة برسلوهم للشغل كل صباح…
8* ناس كرهانة و طنها و اهلها و ما مصدقة تهرب منهم مقابل الاف الناس المغتربة ما مصدقة و تشم تراب وطنها و ترجع كرامتها لانه اهل بلاد الغربة لعنوهم و دايما ينظروا اليهم نظرة الاحتقار …..
9* ابناء بتدرف دموع ليل و نهار اه لو اقدر اساعد امي الي بالمستشفى و اكون جنبها بمرضها مقابل ابناء رموا امهاتهم بالملاجىء للتخفيف العبئ ,,عنهم و عن زوجاتهم …
10* اشخاص بتبكي بدي انترنت هده اخر الصرعات مقابل اشخاص عايشين في مناطق مهجورة بتمنوا ضوء بالليل و كهرباء لثلاجة …
منقول
