عالم البنات النسائي كل ما يخص المرأة العربية من ازياء وجمال والحياة الزوجية والمطبخ
امي …يانبع ………………………… …………..التكفيخ !!!!
سلامين وحتة …..
ماودي اضحك صراحة …….ودي اصيح
والسبب موقف شفتة اليوم في السوق …
ولد بعمر ال12 او ال13 يسرع وهو يدف عربية التسوق وعيونة طايرة في هامتة
كنة يدور شي ضايع …….. (بعدين عذرتة )
والا ذيك اللي جاية ماشية 500 …….بشتها طاير كنها سوبر مان
تعطينها فوق ال45 او يمكن ال50 ….باين من تجاعيد يديها …(ماضرتها التجاعيد )
ويوم شافت الولد من بعيد (الاها كانت تدورة وهو يدورها …يعني ضاع عنها مالة ذنب )
انا وقفت شوي اطالع الموقف (لقافة ….)
الا وبأعلى صوتها وكل اللي في السوق سمعوها (عليها صوت ماشاء الله )
يا ….تشفير ….يااااا……..تشفير …….ياااااااااااااا…….ابو ام التشفير
وهو تجمد مكانة من الخوف …ويوم قربت منة …
وتدحجة ذيك الدحجة بين كتوفة …(شفتو افلام كرتون لين طقوهم بقوة وطلع القلب
من مكانة ورجع ……….تخيلتة زية )
واللة ثم والله ان علية قبعة …وطارت من قوة الدحجة …….(حسبي الله عليها )
ودي اني لا حقتها ومتوطية في بطنها ….
بالله عليكم …وش تتوقعون ردة فعل هالبزر …وش كمية الحقد والخجل اللي
بتتكون في شخصيتة …يوم تكفخ قدام هالعالم …
اسألكم بالله …قبل تضربون عيالكم …تغمضون عيونكم وتعدون للعشرة
لين تطفى شرارة الغضب في صدوركم …
وبالذات قدام اي احد …لو حدت وضربتي الطفل …لا تضربينة ولا توبخينة قدام احد
والله ان ماينساها لين يموت …لا تفكرونة بينسى ..اتحداكم ينساها
اكبر اهانة تقدمينها لطفل انك تعاقبينة قدام احد …شعور بالخزي راح يرافقة
طول حياتة ….(والله شوفوني وانا كبيرة وام عيال عمري مانسيت
الدبجات اللي جتني في الطفولة السعيدة (امحق …)
فية طرق تأديب كثيرة غير التكفيخ ….لا تقولون ماينفع …لا ينفع
الضرب علاج مؤقت ….واذا تعود الطفل علية ماعاد ينفع فية لو تجلدونة ليل نهار
(وحدة اعرفها دايم تجلد ولدها على اتفة سبب ..من يوم كان ابو سنتين
ويوم صار ابو 7سنين …ذاك اليوم كفختة قدامي …تدرون وش سوى ؟؟
ضحك ..وقال …………اصلاً ماتوجع ………!!!!!!تخيلوا !!! )
وبقول شي مهم ترى النصيحة لي قبل ماتكون لكم ..
انا منيب اكمل ,الله يعيننا على انفسنا …بس من جد اثر فيني الموقف
وسلامتكم
منقووووووووووووووووووووووووووووووووووووووووووووووو وووووووووووووووووووووووووووووووووووووووووووووول
عجبني الموضوع والأسلوب ونقلته لعيونكم …
