عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
صباح/مساء الخير
اخواتي انا فعلا مدري الموضوع كبير اوصغير بس حاسة اني مخنوقة ولازم اتكلم لأن كل الي
حولي موب فاهميني أو مايبون يفهموني
أبوي طبيب متخصص في الأورام السرطانية عافاني الله وايكم والمسلمين جميعا منها
ووالدتي موظفة بادارة التعليم العالي لي شقيقة توأم بكلية الطب المرحلة الأولى التحفنا سوياً بالكلية
هذاالعام ولم يقدر لي الله ان اكمل لطارئ صحي قلب حياتي كثيراً للاسوأ… فوالدي مصر ان اؤجل دراستي
للعام المقبل وقد حصل ووالدتي وأشقائي ضيقوا الحصار علي تحت مسمى الإهتمام منعوني من اشياء
بسيطة يفترض أن اقوم بها بحجة انني مريضة كرهت نفسي كثيراً حاولت التكلم معهم كثيراً لكني مالقيت
غير رد واحد فقط انتي تعبانة الحين لما تقومين بالسلامة يصير خير…..!
مافيه احد يسمعني ابداً والانسانة الوحيدة الي اعتبرتها اغلى من نفسي وتعرفت عليها في احدى المنتديات
اكتشفت مؤخراً انها مريضة بالسرطان وممكن تموت بأي لحظة انقطعت اخبارها عني للاسف بسبب
سفرها للعلاج شفاها اللع وعافها وما آلمني انها كانت تنصحني دايما بالصبر والايمان وتعلمني كيف
أواجه أموري وكيف ان الدنيا بيجيها يوم وتضحك لي ولافكرت تشكي لي أو تقولي أنا مادري افكر فيها ولا
افكر بنفسي راح اسوي عملية جراحية يوم الأثنين باذن الله بعد ثلاثة ايام من الآن وحاسة اني مخنوقة ابي
اتكلم ويا احد بس الي كانت تفهم علي راحت
وابوي اذا قلت له خايفة يقول لي خليج حركات البزران انا مدري كيف خليتج تدشين كلية الطب وانتي خوافة
واختي تقولي وناسة بالعكس لما تحسين بالألم والخوف تصيرين تحسين بمرضاج لما تصيرين دكتورة
ماني لاقة احد افضفض وياه ولأبسط تعب تشوفون الوالد قاضبني بإيدي وماخذني على المستشفى
كرهت نفس والله ولما احبس نفسي بغرفتي ويجي من الدوام يجي يصحيني من النوم ويقول لي وش صار
وياك اليوم / خنقني بالأسئلة؟
ليه وجهك أصفر؟
ليه يدج ترتعش ؟
ليه ضربات قلبج متسارعة؟
يلا غيري ملابسج وخليني اوديج المستشفى؟
بدون حتى مايسمع اجاباتي ولا اعتراضي يقول لي بلا دلع باكر بتصيرين دكتورة اسمعي الكلام؟
لااطلع اشوف رفيقات؟
ولا عندي شي اسويه .؟
يااتمشى بالمستشفيات على مزاجهم؟
يااسمع محاضراتهم الي تغث؟
في انتظار اني اقوم بالسلامة اولا ؟
شنو اسوي صدري ضايق وواصلة حدي
