عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخذيني اليا عجبتك بس رديني @@@ وان ماعجبتك خلاص اخذيني مابيني
مادامني شفت فيك الطهر والعفة @@@ ب اعيف نفسي ليا منك كرهتيني
اخذيني لو اعتبر من ضمن أشيائك @@@ وانا باحبك ولا لازم تحبيني
لابي علاقة ولابي نظرة وبسمه @@@احساسي اني بقربك بس يكفيني
ولو اني انضفت لاشيائك غصب عنك @@@ طلي علي يا غناتي لا تخليني
تراى لا جا المصامد ماني بهين @@@ تقول كن العرب لعبة بيديني
شخصيتي من غرابتها وطيبتها @@@ كن الزمن في تحدي بينه وبيني
واخذيني الشاعر اللي ما صدق حظه @@@ لا قلت يا حظ وينك قال ياويني
واخذيني المبدع المتفلسف التحفه @@@ مؤمن وتضحك على العالم شياطيني
شهرة شكسبير وأفلاطون ونيوتن @@@ لا قلت لي بيت شعر تطيح من عيني
واخذيني العنصر اللي صدق متعنصر @@@ من دون ربعي لو اقطع من شراييني
واخذيني اللي ليا منه طلب يعطي @@@ وتكفين لا من طلبتك لا ترديني
تكفين يا غايتي يا بهجة الدنيا @@@ اب احرق قلوب ناس ما تدانيني
اخذيني بكل شوق وقولي أحبه @@@ وان شككو فيك والا في ضميني
قولي سعد والله انه غالي جدا @@@ ويا جعل فدوه .. شبابي وآخر سنيني
وأنا باصدق كلامك واعتنز بالله @@@ وب اقول للناس ما يعنيك يعنيني
وانا علي نذر .. ما أرخص جيتك وانتي @@@ نذر على رقبتك إنك ماتخليني
للشاعر المرعب / سعد علوش
