عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
شخباركم بنات شلونكم انا بخير الحمدلله وهذي مشاركتي الاولى وان شاء الله تستفيدون كلكم هالمره يمكن شي يديد واتمنى انه مايكون مكرر لانه والله عن تجربه شخصيه واكثر من سنتين وانا اسوي تنظيف البشره وكل اسبوع او كل اسبوعين والحمدلله بشرتي الكل يسألني عنها فقلت اليوم انزل موضوع عن كيفيه التنظيف اللي اسويها بالبيت وهذي عيديتكم اللي اهيا الطريقه :h45r4
اول شي احب اقول لكم ترى مو بس تنظيف البشره اللي ايب نتيجه فعاله وفتاكه هناك اشياء انا اسويها تقريبا بشكل يومي اهيا اللي تساعد اللي اهيا:
1- اكثر من الماي كثر ما اقدر والسوائل والمشروبات الطبيعيه العصائر
2- ابتعد عن الككاو كثر ما اقدر
3- اكل خضروات وسلطه
4- لازم قبل النوم روب(زبادي) او لبن او خيار
5-اغسل ويهي بين فتره وفتره بماء بارد
طريقة تنظيف البشره :
1-الحين نبدي بعملية التنظيف طبعا لازم تكونين منظفه ويهج بالصابون والماي البارد واي صابونه انتي ترتاحين لها او تناسب بشرتج انا عن روحي استخدم صابونة دوف.
2- ثاني شي لازم يكون عندكم هالبخار واللي ايي وياه مثل هذا حق بخار الويهه وهذي صورته ويفضل انه يكون عندكم لانه بيب نتيجه فتاااااااكه واللي ماعندها مو مشكله بس النتيجه بتختلف
http://www.up500.com/uploads/b41c491f2c.jpg
3- بعد ماغسلتي ويهج بالصابونه تنشفينه وتحطين بقطن شويه من ال ESKINOL اللي على ليمون وتمسحين ويهج يمكن يطلع وسخ خفيف بتشوفينه بالقطن وهذي صورته بتلاقينه عن العطار او الجمعيه
http://www.up500.com/uploads/776e4c7d22.jpg
4- بعد ما مسحتي ويهج من الليمون تبدين تشغلين البخار وتاخذين من كريم الملك اللي اهو تنظيف البشره انا اللي عندي من كلارنس واسمه سوفت ملك اي واحد مثله ممكن تستخدمين طبعا تخلين البخار على ويهج وتبدين توزعين على ويهج وتدلكين لمده عشر دقائق والبخار على ويهج وبعدين تنمسحين الكريم بقطنه عاديه بدون ماي وتخلين البخار على ويهج خمس دقايق. هذي صورة الكلارنس
http://www.up500.com/uploads/47ec43beb3.jpg
5- بعد مانظفتي ويهج بالملك بالقطنه وخليتي ويهج بالبخار لمدة خمس دقائق تيبين منظف للبشره على مشمش او صنفره للوجه وديري بالج مو مالت الجسم تحطينها على ويهج يبي اي منظف على مشمش ويكون فيه حبيبات وتكون صنفره للبشره على مشمش وقبل لا تحطين الصنفره تبللين ويهج بالماء وبعدين تحطين الصنفره والبخار بويهج وتدلكين لمده عشر دقائق الى ربع ساعه وبعد ماتخلصين تروحين تكرمين الحمام وتغسلين ويهج بالماي وتنشفينه عدل وبتلاحظين بشرتج واااااااااااااااااااااااااااااااااااااو :h45r4
http://www.up500.com/uploads/89881972f2.jpg
6- بعد مانشفتي ويهج من الصنفره وغسلتيه الحين تقعدين لمده خمس الى عشر دقائق جدام البخار وبعدها تاخذين اي ماسك وانا حطيت مايك اللي بالخيار والجنسنغ ووايد حلو وهذي صورته وطبعا تنطرين لمه ينشف وتشيلينه وبتلاحظين بشرتج شلون صارت
http://www.up500.com/uploads/0e8309949f.jpg
طبعا انا بشكل اسبوعي اسوي التنظيف او كل اسبوعين مره وبصراحه مرتاحه وايد وبشرتي احس وايد تتغير وان شاء الله اي سؤال انا حاظره
